រាជធានីភ្នំពេញ​, ថ្ងៃទី 15 ខែធ្នូ ឆ្នាំ ២០២៥ ៖ ថ្មី​ៗ​នេះ ធនាគារ ឌី​ជី​ប៊ី បាន​រៀបចំ​ពិធី​ចុះ​អនុស្សរណៈ​នៃ​ការ​យោគយល់​លើ​ការ​ផ្ដល់​ថវិកា​ដល់ អង្គការ​រក្សារ​កុមារ ចំនួន 50,000 (​ប្រាំ​ម៉ឺន​)​ ដុល្លា​អាម៉េរិក ដើម្បី​ជួយ​សាងសង់​អគារសិក្សា​មួយ​ខ្នង ដែល​មាន​ចំនួន​បួន (04) បន្ទប់ ជូន​ដល់​អនុ​វិទ្យាល័យ​ទីពោ ស្ថិត​ក្នុងភូមិ​និមិត្ត ឃុំ​ទីពោ ស្រុក​ស​ន្ទុ​ក ខេត្តកំពង់ធំ ដែល​កំពុង​ខ្វះខាត​បន្ទប់​សិក្សា​ ។ កម្មវិធី​នេះ​​បាន​ប្រ​ព្រិ​ត្តិ​នៅ Seri Garden រាជធានី​ភ្នំពេញ ​ក្រោម​អធិបតីភាព លោក Shin Ilkyu ប្រធាន​នាយក​ប្រតិបត្តិ​នៃ​ធនាគារ ឌី​ជី​ប៊ី និងអ្នកស្រី សុក វណ្ណ​សេ​កា នាយក​នៃ​អង្គការ​រក្សា​កុមារ ​។

នៅ​ក្នុង​ពិធី​ចុះ​អនុស្សរណៈ​នៃ​ការ​យោគយល់​នេះ លោក Shin Ilkyu បាន​គូសបញ្ជាក់​អំពី​សារៈសំខាន់​នៃ​ការ​វិនិយោគ​លើ​វិស័យ​អប់រំ​ថា​ ជា​កម្លាំង​ច​លករ​ដ៏​សំខាន់​សម្រាប់​ការ​អភិវឌ្ឍ​ប្រទេស ​។ លោក​បាន​សម្តែង​នូវ​ក្ដី​សង្ឃឹម​យ៉ាង​មុតមាំ​ថា អគារសិក្សា​ថ្មី​នេះ​នឹង​ជួយ​សម្រួល​ដល់​ការ​សិក្សា​របស់​សិស្សានុសិស្ស នៅ​ក្នុង​តំបន់​នោះ ដែល​ធានា​បាន​នូវ​បរិយាកាស​សិក្សា​ប្រកបដោយ​ផាសុកភាព និង​សុវត្ថិភាព​សម្រាប់​ពួក​គេ ​។

ធនាគារ ឌី​ជី​ប៊ី តែងតែ​ចាត់​ទុក​ការ​ទទួលខុសត្រូវ​សង្គម​របស់​សាជីវកម្ម (CSR) ជា​អាទិភាព​ស្នូល​មួយ​ក្នុង​ការ​ប្រតិបត្តិការ​អាជីវកម្ម​របស់​ខ្លួន​នៅ​កម្ពុជា​ ។ កិច្ចសហការ​ជាមួយ​អង្គការ​រក្សា​កុមារ​នេះ គឺ​ស្រប​ទៅ​នឹង​គោលបំណង​របស់​ធនាគារ ក្នុង​ការ​ផ្ដល់​ត្រឡប់​ទៅ​កាន់​សហគមន៍​វិញ​តាម​រយៈ​ការ​ផ្តោត​លើ​វិស័យ​សំខាន់​ៗ​ដូច​ជា ការ​អប់រំ សុខភាព និង​ការ​អភិវឌ្ឍ​សហគមន៍​មូលដ្ឋាន​។ ធនាគារ ឌី​ជី​ប៊ី ប្ដេជ្ញា​ថា​នឹង​ក្លាយជា​ដៃគូ​ដ៏​គួរ​ឱ្យ​ទុកចិត្ត​នៅ​ក្នុង​ការ​រួមចំណែក​ដល់​កំណើនសេដ្ឋកិច្ច និង​សង្គម​ប្រកបដោយ​ចីរភាព​របស់​កម្ពុជា​ ។

នេះ​គឺជា​ផ្នែក​មួយ​នៃ​ការ​ចូលរួម​អភិវឌ្ឍ​ន៏​សង្គម ដែល ធនាគារ ឌី​ជី​ប៊ី និង​ផ្ដល់​ថវិកា​សរុប​ចំនួន 50,000 (​ប្រាំ​ម៉ឺន​) ដុល្លារ​អ​មេ​រិ​ក ដល់ អង្គការ​រក្សា​កុមារ ដើម្បី​លើក​ស្ទួយ​វិស័យ​អប់រំ និង​ការ​អភិវឌ្ឍន៍​ធនធានមនុស្ស​នៅ​កម្ពុជា​ ។ ធនាគារ ឌី​ជី​ប៊ី ជឿជាក់​ថា ការ​គាំទ្រ​នេះ​នឹង​ជួយ​ដល់​សិស្សានុសិស្ស ឱ្យ​មានឱកាស​បាន​បន្ត​ការ​សិក្សា និង​រួមចំណែក​អភិវឌ្ឍ​ន៏​ប្រទេស​ជាតិ​ ។ បន្ថែម​ពី​នេះ ធនាគារ ឌី​ជី​ប៊ី នឹង​បន្ត​ពង្រីក​សកម្មភាព​សង្គម​របស់​ខ្លួន ដើម្បី​ចូលរួម​លើកកម្ពស់​ជីវភាព​រស់នៅ​របស់​ប្រជាជន​កម្ពុជា​ឲ្យ​កាន់តែ​ប្រសើរ​ឡើង​។ ការ​ផ្ដល់​ជំនួយ​នេះ​បង្ហាញ​ពី​ការ​ប្ដេជ្ញា​ចិត្ត​រយៈពេល​វែង​របស់​ធនាគារ ក្នុង​ការ​កសាង​អនាគត​ដ៏​ភ្លឺស្វាង​សម្រាប់​សហគមន៍​ដែល​ខ្លួន​កំពុង​បម្រើ ​។

អំពី​ធនាគារ ឌី​ជី​ប៊ី
ធនាគារ ឌី​ជី​ប៊ី ជា​ធនាគារពាណិជ្ជ ដែល​មានកម្ម​សិទ្ធិ​កាន់កាប់​ភាគហ៊ុន 100% នៃ​ធនាគារ អាយ​អឹ​ម (iM) ហើយ​ជា​សមាជិក​របស់​សម្ព័ន្ធ​ហិរញ្ញវត្ថុ អាយ​អឹ​ម និង​ដែល​ជា​សម្ព័ន្ធ​ហិរញ្ញវត្ថុ​ដ៏​ធំ​មួយ​នៅ​ប្រទេស​កូរ៉េ​ខាងត្បូង ។ ធនាគារ ឌី​ជី​ប៊ី បើក​ដំណើរការ​ដំបូង​ក្នុង​ប្រទេស​កម្ពុជា ក្នុង​នាម​ជា​គ្រិះ​ស្ថាន​មីក្រូហិរញ្ញវត្ថុ ដែល​មានឈ្មោះ​ថា Cam Capital Co, Ltd ហើយ​នៅ​ក្នុង ឆ្នាំ 2020 ធនាគារ បាន​ទទួល​អាជ្ញាប័ណ្ណ ជា​ធនាគារពាណិជ្ជ ពី​ធនាគា​ជាតិ​នៃ​កម្ពុជា (NBC) ដែល​មានឈ្មោះ​ជា​ផ្លូវការ​ថា​ធនាគារ ឌី​ជី​ប៊ី ភី​អិ​ល​ស៊ី ។ ធនាគារ បាន​និង​កំពុង​បន្ត​ផ្ដល់​ជូន​នូវ​សេវា​ធនាគារ យ៉ាង​ពេញលេញ​ដល់​អតិថិជន​ដូច​ជា ៖ សេវា​ឥណទាន សេវា​ដាក់​ប្រាក់​បញ្ញើ សេវា​ធនាគា​ចល័ត (DGB Mobile) អេ​ធី​អឹ​ម ប័ណ្ណ​ឥណ​ពន្ធ សេវា​បើកប្រាក់​បៀរ​វត្ស​ន៍ សេវា​ផ្ទេរ​ប្រាក់​ក្នុង​ប្រទេស សេវា​ទទួល ឬ ផ្ទេរ​ប្រាក់​ក្រៅប្រទេស SWIFT សេវា​ហិរញ្ញប្បទាន​ពាណិជ្ជកម្ម និង​សេវា​ហិរញ្ញវត្ថុ​ផ្សេង​ៗ​ទៀត​ជា​ច្រើន ៕ អត្ថបទសហការ