លោកជំទាវ សេង ពុទ្ធិឆាត ចែកអំណោយជូនកងទ័ព មន្ទីរពេទ្យ និងបងប្អូនជនភៀសសឹក
- ភ្នំពេញ
រាជធានីភ្នំពេញ ៖ ក្រោមស្មារតីមហាសាមគ្គីជាតិខ្មែរ ដើម្បីជួយគ្នាក្នុងគ្រាមានអាសន្ន នៅថ្ងៃទី ១៥ ខែធ្នូ ឆ្នាំ ២០២៥ លោកជំទាវ…
រាជធានីភ្នំពេញ ៖ ក្រោមស្មារតីមហាសាមគ្គីជាតិខ្មែរ ដើម្បីជួយគ្នាក្នុងគ្រាមានអាសន្ន នៅថ្ងៃទី ១៥ ខែធ្នូ ឆ្នាំ ២០២៥ លោកជំទាវ សេង ពុទ្ធិឆាត អគ្គនាយិការងជាន់ខ្ពស់ តំណាងឱ្យ អ្នកឧកញ៉ា ឈុន អូន អគ្គនាយក ក្រុមហ៊ុនកម្ពុជាតេលា បានចុះជួបសួរសុខទុក្ខវីរកងទ័ព និងបងប្អូនជនភៀសសឹក ចេញពីតំបន់មានជម្លោះ ។
លោកជំទាវ អគ្គនាយិការងជាន់ខ្ពស់ បាននាំយកគ្រឿងឧបភោគបរិភោគដូចជា ៖ អង្គរ សាច់ក្រក ឆៃប៉ូវ ស្ករស ប្រេងឆា ទឹកស៊ីអ៊ីវ ទឹកត្រី សៀង ទឹកសុទ្ធ រូមទាំងថវិកាមួយចំនួនដើម្បីផ្តល់អំណោយជូនដល់វីរកងទ័ពជួរមុខ និងបងប្អូនភៀសសឹកជាច្រើនគ្រួសារ នៅឯខេត្តព្រះវិហារ ក្នុងគោលបំណងជួយសម្រាលបន្ទុកដល់វីរកងទ័ព និងប្រជាពលរដ្ឋភៀសសឹកពីតំបន់ជម្លោះ ។ ក្នុងឱកាសនោះផងដែរ លោកជំទាវបានបង្ហាញនូវក្តីបារម្ភអំពីសុខសុវត្ថិភាព សុខភាពរបស់វីរកងទ័ព បងប្អូនភៀសសឹកទាំងអស់ និងការខកខានសិក្សារបស់ប្អូនៗកុមារជាច្រើន ។
លោកជំទាវ សូមសម្តែងការគោរព និងថ្លែងអំណរគុណយ៉ាងជ្រាលជ្រៅចំពោះអាជ្ញាធរមូលដ្ឋានដែលសហការយ៉ាងល្អក្នុងការរៀបចំទីកន្លែងស្នាក់អាស្រ័យបណ្តោះអាសន្នបានយ៉ាងទាន់ពេលវេលា និងសូមជូនពរដល់វីរកងទ័ពដែលកំពុងប្រយុទ្ធការពារបូរណភាពទឹកដីរបស់កម្ពុជា និងបងប្អូនភៀសសឹកទាំងអស់ សូមប្រកបដោយសុខភាពល្អ សុខសុវត្ថិភាពឈ្នះអស់មាសត្រូវ និងបន្តការប្រុងប្រយ័ត្នឱ្យបានខ្ពស់ទាំងអស់គ្នា ។ ស្មារតីខ្មែរតែមួយ ខ្មែរស្រឡាញ់ខ្មែរ ៕ អត្ថបទសហការ
ចែករំលែកព័តមាននេះ