ADផ្ទាំងផ្សព្វផ្សាយពាណិជ្ជកម្ម

Bitget លើកកម្ពស់ធនធានទេពកោសល្យអនាគតក្នុងនាម ជាដៃគូផ្លូវការនៃការប្រកួតយុវជន LALIGA លើកដំបូងរបស់កម្ពុជា

4 ម៉ោង មុន

ភ្នំពេញ
១៥ ខែ ធ្នូ ឆ្នាំ ២០២៥ ម៉ោង ១១:០៥

រាជធានីភ្នំពេញ, ថ្ងៃទី ១៥ ខែធ្នូ ឆ្នាំ ២០២៥ ៖ ក្រុមហ៊ុន Bitget ដែលជាវេទិកា…

រាជធានីភ្នំពេញ, ថ្ងៃទី ១៥ ខែធ្នូ ឆ្នាំ ២០២៥ ៖ ក្រុមហ៊ុន Bitget ដែលជាវេទិកា Universal Exchange (UEX) ដ៏ធំបំផុតរបស់ពិភពលោក បានបញ្ចប់តួនាទីរបស់ខ្លួនក្នុងនាមជាដៃគូផ្លូវការ នៃការប្រកួតកីឡាបាល់ទាត់យុវជន LALIGA Youth Tournament នៅកម្ពុជា ដែលធ្វើឡើងកាលពីថ្ងៃទី ៦ ដល់ទី ៧ ខែធ្នូ នៅមជ្ឈមណ្ឌលកីឡា AUPP ។ ព្រឹត្តិការណ៍ដ៏សំខាន់នេះ បានប្រមូលផ្តុំធនធានទេព្យកោសលថ្មីថ្មោង ក្នុងវិស័យកីឡាបាល់ទាត់ មកពីទូទាំងប្រទេស ហើយនេះជាលើកទីមួយ ដែលក្របខ័ណ្ឌនៃការប្រកួតយុវជនរបស់ LALIGA ត្រូវបានរៀបចំ ឡើងនៅក្នុងប្រទេសកម្ពុជា ។

ការប្រកួតនេះមានរយៈពេលពីរថ្ងៃ ដែលរៀបចំដោយ Elite Soccer Coaching Cambodia ដោយបាននាំយក ក្រុមបាល់ទាត់កំពូលៗចំនួន ១៦ក្រុម មកប្រកួតប្រជែងគ្នា ដោយរួមមានការប្រកួតជាប្រភេទ U12 និង U14 ។ ការចូលរួមរបស់ក្រុមហ៊ុន Bitget ឆ្លុះបញ្ចាំងពីភាពជាដៃគូជាសកលកាន់តែទូលំទូលាយរបស់ខ្លួនជាមួយ សម្ព័ន្ធបាល់ទាត់លំដាប់ពិភពលោក LALIGA និងការប្តេជ្ញាចិត្តបន្តរបស់ខ្លួន ក្នុងការពង្រឹងសិទ្ធិអំណាចដល់យុវជន តាមរយៈការលេងកីឡា ការអប់រំ និងការទទួលបានឱកាស ក៏ដូចជាជួយយុវជនដើម្បី «សម្រេចក្ដីស្រមៃ» ទាំងក្នុង និងក្រៅទីលានប្រកួត ។ ព្រឹត្តិការណ៍នៃការប្រកួតកីឡាបាល់ទាត់នេះ បានបញ្ចប់ទៅដោយក្រុម បាល់ទាត់បឹងកេត ដណ្តើមបានជើងឯក U12 រីឯក្រុម Solito Familia បានក្លាយជាក្រុមជើងឯក U14 ។

លោក Ignacio Aguirre ប្រធានផ្នែកទីផ្សារនៃក្រុមហ៊ុន Bitget បានមកចូលរួមដល់ទីក្រុងភ្នំពេញ ហើយបាន សង្កត់ធ្ងន់លើសារៈសំខាន់នៃការវិនិយោគលើការបង្កើនធនធានទេពកោសល្យនៅក្នុង ទីផ្សារដែលមានការលូតលាស់ ។ លោក Ignacio បានលើកឡើងថា ៖ «ព្រឹត្តិការណ៍បែបនេះតំណាង នូវអត្ថន័យ លើសពីការប្រកួតប្រជែង» ។ លោកបានបន្ដថា ៖ «ព្រឹត្តិការណ៍ទាំងនេះ បង្កើតឱកាសឱ្យ យុវកីឡាកររកឃើញនូវទំនុកចិត្ត ការងារជាក្រុម និងមហិច្ឆតារបស់ខ្លួន ។ ការគាំទ្រការប្រកួតកីឡា បាល់ទាត់យុវជន LALIGA លើកដំបូងនៅក្នុងប្រទេសកម្ពុជា គឺជាផ្នែកមួយនៃគោលដៅកាន់តែទូលំទូលាយ ដើម្បីជួយគាស់កាយ នូវសក្តានុពលគ្រប់ទីកន្លែងដែលមាន មិនថា តាមរយៈបាល់ទាត់ បច្ចេកវិទ្យា ឬ ការអប់រំនោះទេ» ។

ការប្រកួតបាល់ទាត់នេះ បានក្លាយជាចំណុចទំនាក់ទំនងវប្បធម៌សម្រាប់សហគមន៍កាន់តែទូលំទូលាយ។ អ្នកតស៊ូមតិក្នុងស្រុក និងអ្នកមានឥទ្ធិពលលើបណ្ដាញសង្គម រួមមាន កញ្ញា សារី សុវត្តី (បវរកញ្ញាពិភពលោក កម្ពុជាឆ្នាំ ២០២១), DLOW, Sis Abby, Zenn28 ក៏ដូចជា Seng Hour, Sing Ny, Lee Xin, និង Thekhrypto បានចូលរួម ដើម្បីអបអរយុវជនជំនាន់ក្រោយ និងរំលេចនូវទិដ្ឋភាពដែលកំពុងរីកចម្រើន របស់ប្រទេសកម្ពុជា ក្នុងវិស័យកីឡា និងវប្បធម៌ឌីជីថល។ ការចូលរួមរបស់ពួកគាត់ គូសបង្ហាញពីសារៈសំខាន់ បែបវប្បធម៌នៃព្រឹត្តិការណ៍នេះ ដោយបានផ្សារភ្ជាប់ពិភពកីឡា និងសហគមន៍ឌីជីថល ដើម្បីអបអរសាទរ ដល់យុវជនកម្ពុជា ។

ការប្រកួតនេះតំណាងឱ្យកិច្ចខិតខំប្រឹងប្រែងរួមគ្នា ដើម្បីលើកកម្ពស់ស្តង់ដារបាល់ទាត់យុវជនក្នុងតំបន់ ។ លោក Iván Codina នាយកគ្រប់គ្រង LALIGA ប្រចាំតំបន់អាស៊ីអាគ្នេយ៍ បានកត់សម្គាល់ថា៖ «ខ្ញុំមានមោទនភាព ដែលបាននាំយកការប្រកួតយុវជន LALIGA មកកម្ពុជាជាលើកដំបូង។ យើងប្តេជ្ញាគាំទ្របាល់ទាត់តាម មូលដ្ឋាន នៅទូទាំងពិភពលោក ហើយព្រឹត្តិការណ៍បែបនេះ ជួយពង្រឹងស្មារតីកីឡាបាល់ទាត់ក្នុងស្រុក និង បង្កើតឱកាសសម្រាប់ធនធានទេពកោសល្យវ័យក្មេងផងដែរ» ។

លោក John McFarlane ប្រធានគ្រប់គ្រងទូទៅនៃ Elite Soccer Coaching Cambodia បានបន្ថែមថា ៖ «យើងមានកិត្តិយសណាស់ដែលបានធ្វើជាម្ចាស់ផ្ទះនៃការប្រកួតលើកដំបូងនេះ ។ ដោយមានក្រុមបាល់ទាត់ ចំនួន ១៦ក្រុម ចូលរួមប្រកួតប្រជែងក្នុងរយៈពេលពីរថ្ងៃ ហើយព្រឹត្តិការណ៍នេះផ្តល់ឱ្យកីឡាករវ័យក្មេងនូវ ឱកាសពិសេសមួយ ដើម្បីសាកល្បងជំនាញរបស់ខ្លួន រៀនពីគ្នាទៅវិញទៅមក និងបង្ហាញពីភាពស៊ីជម្រៅ នៃធនធានទេពកោសល្យនៅក្នុងប្រទេសកម្ពុជា» ។

ការចូលរួមរបស់ក្រុមហ៊ុន Bitget បង្ហាញឱ្យឃើញពីការចាប់អារម្មណ៍បន្តរបស់ខ្លួន ក្នុងការជំរុញឥទ្ធិពល ជាក់ស្តែងអមនឹងភាពជាដៃគូសកល ។ ក្នុងនាមជាវេទិកា Universal Exchange ក្រុមហ៊ុន Bitget បន្តកសាង ទំនាក់ទំនងរវាងបច្ចេកវិទ្យា វប្បធម៌ និងសហគមន៍ ដោយធានាថាការបោះជំហាន ជាសកលរបស់ខ្លួន ក៏រួមចំណែកដល់វឌ្ឍនភាពក្នុងស្រុកផងដែរ ។

អំពីក្រុមហ៊ុន Bitget
ក្រុមហ៊ុន Bitget ត្រូវបានបង្កើតឡើងក្នុងឆ្នាំ ២០១៨ ជាវេទិកា Universal Exchange (UEX) ដ៏ធំបំផុត របស់ពិភពលោក ដែលបម្រើសេវាកម្មដល់អ្នកប្រើប្រាស់ជាង ១២០ លាននាក់ ជាមួយនឹងច្រកប្រើប្រាស់ រូបិយបណ្ណគ្រីបតូរាប់លាន, ភាគហ៊ុន ETFs និងទ្រព្យសកម្មជាក់ស្តែងផ្សេងទៀត ទន្ទឹមនឹងផ្តល់នូវច្រក ប្រើប្រាស់តាមពេលជាក់ស្តែងនូវ Bitcoin price, Ethereum price, XRP price និងរូបិយប័ណ្ណគ្រីបតូ ផ្សេងទៀត សុទ្ធតែនៅលើប្រព័ន្ធតែមួយ ។ ក្នុងនាមជាបរិប្រព័ន្ធ យើងប្តេជ្ញាជួយអ្នកប្រើប្រាស់ឱ្យជួញដូរ កាន់តែឆ្លាតវៃជាមួយនឹងឧបករណ៍ជួញដូរដែលដំណើរការដោយ AI អន្តរប្រតិបត្តិការរវាងប្រព័ន្ធនៅលើ Bitcoin, Ethereum, Solana និង BNB Chain និងច្រកចូលប្រើប្រាស់កាន់តែទូលំទូលាយនូវទ្រព្យ ជាក់ស្តែង។ បើគិតពីផ្នែកវិមជ្ឈការវិញ Bitget Wallet គឺជាកម្មវិធីហិរញ្ញវត្ថុប្រចាំថ្ងៃដែលបង្កើតឡើង ដើម្បី ធ្វើឱ្យការប្រើ crypto មានភាពសាមញ្ញ សុវត្ថិភាព និងជាផ្នែកមួយនៃហិរញ្ញវត្ថុប្រចាំថ្ងៃ។ យើងខ្ញុំបម្រើសេវាកម្ម ដល់អ្នកប្រើប្រាស់ជាង ៨០ លាននាក់ ដោយភ្ជាប់ផ្លូវ blockchain ជាមួយនឹងហិរញ្ញវត្ថុជាក់ស្តែង ដោយផ្តល់ ជូននូវប្រព័ន្ធមួយដែលមានសព្វមុខសម្រាប់ការបើកលើ និងក្រៅផ្លូវ ការជួញដូរ ការរកប្រាក់ និងការទូទាត់ ប្រាក់យ៉ាងរលូន ។

ក្រុមហ៊ុន Bitget ក៏កំពុងជំរុញការទទួលយករូបិបណ្ណ crypto តាមរយៈភាពជាដៃគូយុទ្ធសាស្ត្រ ដូចជាតួនាទី របស់ខ្លួនក្នុងនាមជាដៃគូ Crypto ផ្លូវការនៃសម្ព័ន្ធបាល់ទាត់កំពូលរបស់ពិភពលោក LALIGA នៅក្នុងទីផ្សារ អឺរ៉ុបបូព៌ា, អាស៊ីអាគ្នេយ៍ និង អាមេរិកឡាទីន ។ ស្របជាមួយនឹងយុទ្ធសាស្ត្រនៃឥទ្ធិពលជាសាកលរបស់ខ្លួន ក្រុមហ៊ុន Bitget បានសហការជាមួយអង្គការយូនីសេហ្វ (UNICEF) ដើម្បីគាំទ្រការអប់រំពី blockchain ដល់ មនុស្ស ១.១ លាននាក់ ត្រឹមឆ្នាំ ២០២៧ ។ នៅក្នុងពិភពកីឡាប្រណាំងម៉ូតូ ក្រុមហ៊ុន Bitget គឺជាដៃគូប្តូរ រូបិយប័ណ្ណគ្រីបតូផ្តាច់មុខរបស់ MotoGP™ ដែលជាព្រឹត្តិការណ៍ប្រកួតជើងឯកដ៏រំភើបបំផុតមួយលើ ពិភពលោក ។

សម្រាប់សំណួរផ្សេងៗ សូមទំកាក់ទំនងមកកាន់ ៖ media@bitget.com

បម្រាប់អំពីហានិភ័យ ៖ តម្លៃទ្រព្យសកម្មឌីជីថលអាចប្រែប្រួល ហើយអាចរងនឹងការប្រែប្រួលខ្លាំង ។ យើងខ្ញុំ សូមណែនាំវិនិយោគិនឱ្យចាត់ចែងតែមូលនិធិដែលខ្លួនអាចមានលទ្ធភាពខាត ។ តម្លៃនៃការវិនិយោគ ទាំងឡាយអាចរងផលប៉ះពាល់ ហើយអាចថា កម្មវត្ថុហិរញ្ញវត្ថុអាចនឹងមិនសម្រេច ឬក៏ការវិនិយោគចម្បងអាច ស្តារឡើងវិញមិនបាន ។ គួរស្វែងរកដំបូន្មានផ្នែកហិរញ្ញវត្ថុឯករាជ្យជានិច្ច ហើយបទពិសោធន៍ហិរញ្ញវត្ថុ និង ជំហរផ្ទាល់ខ្លួនក៏គួរពិចារណាដោយប្រុងប្រយ័ត្ន ។ ការអនុវត្តកន្លងមក មិនប្រាកដថាជាសូចនាករដែលអាច ទុកចិត្តបានពីលទ្ធផលនាពេលអនាគតនោះទេ ។ Bitget មិនទទួលខុសត្រូវចំពោះការខាតបង់ ដែលអាចកើត មានណាមួយឡើយ ។ ព័ត៌មានដែលមានក្នុងអត្ថបទនេះ មិនគួរបកស្រាយថាជាដំបូន្មានហិរញ្ញវត្ថុទេ ។ សម្រាប់ ព័ត៌មានបន្ថែម សូមយោងទៅលក្ខខណ្ឌប្រើប្រាស់របស់យើងខ្ញុំ (Terms of Use) ។

អំពីសម្ព័ន្ធបាល់ទាត់លំដាប់ពិភពលោក LALIGA
LALIGA គឺជាបរិប្រព័ន្ធបាល់ទាត់ដ៏ធំបំផុតនៅក្នុងពិភពលោក ។ សម្ព័ន្ធនេះជាសមាគមកីឡាឯកជន ដែល ទទួលខុសត្រូវក្នុងការរៀបចំការប្រកួតបាល់ទាត់ជាតិអាជីពនៅប្រទេសអេស្ប៉ាញ ។ សម្ព័ន្ធនេះ មានសហគមន៍ អ្នកតាមដានជាង ២០០ លាននាក់ នៅជុំវិញពិភពលោក នៅតាមបណ្តាញសង្គម ហើយមានវត្តមាននៅក្នុង ប្រទេសចំនួន ៤១ ដែលមានការិយាល័យចំនួន ១១ និងគណៈប្រតិភូចំនួន ៤៤ រូប ៕ អត្ថបទសហការ