ប៊ិះនឹងស្លា.ប់ ហេតុតែចង់ស្អាតពេក
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ស្ត្រីអាយុ៣០ឆ្នាំម្នាក់មកពីរុស្ស៊ីបានចូលក្នុងបន្ទប់សង្គ្រោះបន្ទាន់ ក្រោយពេលទៅឲ្យមិត្តភក្តិមិនមែនពេទ្យ ចាក់ Filler…
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ស្ត្រីអាយុ៣០ឆ្នាំម្នាក់មកពីរុស្ស៊ីបានចូលក្នុងបន្ទប់សង្គ្រោះបន្ទាន់ ក្រោយពេលទៅឲ្យមិត្តភក្តិមិនមែនពេទ្យ ចាក់ Filler លើមុខ។
Tkachenko ដែលជាប្រជាជននៅ Stavropol ចង់ធ្វើឲ្យមុខឲ្យកាន់តែស្អាត ហើយក៏រត់ទៅឲ្យមិត្តភក្តិដែលជាគណនេយ្យករ ចាក់ Filler ឲ្យ។ នាងមិនដឹងថា Filler នោះគឺជាសារធាតុអ្វីឡើយ។ តែក្រោយពីចាក់ភ្លាមមុខរបស់នាងស្រាប់តែឡើងហើមនៅម្តុំបបូរមាត់ និងនៅក្រោមភ្នែក។ អ្វីដែលកាន់តែធ្ងន់ធ្ងរនោះ គឺនាងមានអារម្មណ៍ថា ថប់ដង្ហើម។ ភ្លាមនោះ ក៏ត្រូវបានគេបញ្ជូនទៅបន្ទប់សង្គ្រោះបន្ទាន់។
នេះគឺជាការសម្រេចចិត្តខុសរបស់បុគ្គលដែលចង់ស្អាត តែមិនចង់អស់ប្រាក់ច្រើន។ មិត្តភក្តិរបស់នាង ឈ្មោះ Irina ដែលជាអ្នកចាក់ Filler ឲ្យនាង មិនមែនជាគ្រូពេទ្យ ហើយក៏មិនមានចំណេះដឹងខាងផ្នែកនេះដែរ។ ពេលនេះបើទោះបីជា Tkachenko មិនបានស្លាប់ក៏ដោយ ក៏ប៉ូលិសបានឃាត់ខ្លួនរបស់ Irina ដែរ ដើម្បីសាកសួរចម្លើយ៕
ចែករំលែកព័តមាននេះ