អគ្គលេខាធិការសេតវិមានចាត់ទុកលោកត្រាំ ជាមនុស្សឡប់
សហរដ្ឋអាមេរិក ៖ ទូរទស្សន៍អាមេរិក NBC រាយការណ៍នាថ្ងៃទី៣០ មេសា ថា លោក JOHN KELLY…
សហរដ្ឋអាមេរិក ៖ ទូរទស្សន៍អាមេរិក NBC រាយការណ៍នាថ្ងៃទី៣០ មេសា ថា លោក JOHN KELLY អគ្គលេខាធិការសេតវិមានជាច្រើនលើកចាត់ទុកលោកដូណាល់ ត្រាំ ថាជា «មនុស្សឡប់» នៅមុខបណ្តាសមាជិករដ្ឋការលោកត្រាំ ហើយលោកអាចចាកចេញពីសេតវិមាននាខែកក្កដា ខាងមុខនេះ ។
ទូរទស្សន៍នេះដកស្រង់សម្តីមនុស្ស៨នាក់នៅសេតវិមាន ដោយក្នុងនោះ៤នាក់អះអាងថា ស្តាប់ឮលោក KELLY ដែលកាន់កាប់តំណែងគន្លឹះក្នុងកិច្ចដំណើរការរបស់សេតវិមានតាំងពីដំណាច់ខែកក្កដា ឆ្នាំ២០១៧មក ចាត់ទុកខ្លួនលោកជាបង្អែករឹងមាំប្រឆាំងគ្រោះមហន្តរាយដោយទប់ស្កាត់បណ្តាការទាមទារដែលពុំគ្រោងទុកមុនទាំងឡាយរបស់ប្រធានាធិបតីមួយរូប ដែលខិតខំតែជួយសង្គ្រោះខ្លួនឯង ។
លោក KELLY ជាអតីតឧត្តមសេនីយ៍ផ្កាយ៤ ដែលលោកត្រាំ ធ្លាប់ឱ្យកាន់តំណែងជារដ្ឋមន្ត្រីសន្តិសុខផ្ទៃក្នុងកាលពីខែមករា ឆ្នាំ២០១៧ រួចលោកត្រូវជ្រើសតាំងជាអគ្គលេខាធិការសេតវិមាននាថ្ងៃទី២៨ កក្កដា ឆ្នាំ២០១៧ ក្រោយការដកហូតតំណែងលោក REINCE PRIEBUS ។
ប្រភពមួយចំនួនរបស់ NBC និយាយពីការចាកចេញរបស់លោក KELLY នាខែកក្កដា តែប្រភពខ្លះទៀតថា ពុំទាន់មានអ្វីប្រាកដប្រជាទេ ។ នៅពុំទាន់មានអត្ថាធិប្បាយណាមួយភ្លាមៗពីសេតវិមាននៅឡើយ ៕
ចែករំលែកព័តមាននេះ