ខេត្តព្រៃវែង ៖ សេចក្តីរាយការណ៍បឋមឱ្យដឹងថា លោកយាយនាំម្នាក់ ត្រូវបានរថយន្តម៉ាកហ៊ីយ៉ាន់ដាយកិនក្បាលធ្លាយខួរស្លាប់យ៉ាងអាណោចអាធ័មបំផុត ក្នុងពេលលោកយាយកំពុងអង្គុយរើសគ្រាប់ពោត កាលពីវេលាម៉ោង០៨ និង២០នាទីព្រឹកថ្ងៃទី២៨ មេសា នេះ ស្ថិតលើផ្លូវលំមួយកន្លែង ក្នុងភូមិឧត្តុង ឃុំព្រែកក្របៅ ស្រុកពាមជរ ខេត្តព្រៃវែង ។
សេចក្តីរាយការណ៍បន្តថា ជនរងគ្រោះឈ្មោះ នេត យ៉ាត់ អាយុ៩២ឆ្នាំ មានទីលំនៅក្នុងភូមិកើតហេតុ។រីឯខាងរថយន្តបង្ក ម៉ាកហ៊ីយ៉ាន់ដាយ ពណ៌.សឆ្នូតខៀវ ពាក់ស្លាកលេខភ្នំពេញ 3C-6537 អ្នកបើកបរឈ្មោះ យោទ សុធា អាយុ២៧ឆ្នាំ មានទីលំនៅក្នុងភូមិព្រែកត្រែង ឃុំអង្គរអង្គ ស្រុកពាមជរ ខេត្តព្រៃវែង បានឃាត់ខ្លួនភ្លាមៗ ។
សមត្ថកិច្ចឱ្យដឹងដែរថា នៅមុនពេលកើតហេតុ លោកយាយរងគ្រោះបានទៅអង្គុយរើសគ្រាប់ពោតនៅ លុះបន្តិចក្រោយមក មានរថយន្តបង្កបានបើកចូលទៅ ដើម្បីដឹកគ្រាប់ពោត បែរជារ៉ឺយ៉ែគូទចូល មិនបានមើលលោកយាយដែលកំពុងអង្គុយរើសគ្រាប់ពោតក្បែនោះ កិនលោកយាយចំក្បាលធ្លាយខួរស្លាប់ភ្លាមៗមួយរំពេចន៍នៅនិងកន្លែង ។
ចែករំលែកព័តមាននេះ