ប្រទេសយេម៉ែន ៖ អ្នកទទួលខុសត្រូវនយោបាយជាន់ខ្ពស់បំផុតរបស់ពួកឧទ្ទាមហ៊ូធីយេម៉ែនបានត្រូវស្លាប់ក្នុងការវាយប្រហារមួយរបស់ក្រុមចម្រុះយោធានាំមុខដោយអារ៉ាប៊ី សាអ៊ូឌីត ។ នេះជាការប្រកាសកាលពីថ្ងៃទី២៣ មេសា របស់ពួកហ៊ូធីដែលគំរាមសងសឹកវិញចំពោះការសម្លាប់មេដឹកនាំពួកគេ ។ នេះជាអន្លូងយ៉ាងធ្ងន់មួយសម្រាប់ពួកឧទ្ទាមហ៊ូធីដែលកំពុងធ្វើសង្គ្រាមប្រឆាំងរដ្ឋអំណាចរបស់ប្រធានាធិបតីលោក…
ប្រទេសយេម៉ែន ៖ អ្នកទទួលខុសត្រូវនយោបាយជាន់ខ្ពស់បំផុតរបស់ពួកឧទ្ទាមហ៊ូធីយេម៉ែនបានត្រូវស្លាប់ក្នុងការវាយប្រហារមួយរបស់ក្រុមចម្រុះយោធានាំមុខដោយអារ៉ាប៊ី សាអ៊ូឌីត ។ នេះជាការប្រកាសកាលពីថ្ងៃទី២៣ មេសា របស់ពួកហ៊ូធីដែលគំរាមសងសឹកវិញចំពោះការសម្លាប់មេដឹកនាំពួកគេ ។
នេះជាអន្លូងយ៉ាងធ្ងន់មួយសម្រាប់ពួកឧទ្ទាមហ៊ូធីដែលកំពុងធ្វើសង្គ្រាមប្រឆាំងរដ្ឋអំណាចរបស់ប្រធានាធិបតីលោក ABD RABBO MANSOUR HADI ជួយទ្រទ្រង់ចាប់តាំងពីខែមីនា ឆ្នាំ២០១៥មក ដោយក្រុមចម្រុះអារ៉ាប់នេះ ក្រោមបញ្ជារបស់អារ៉ាប៊ី សាអ៊ូឌីត ។
លើរណសិរ្សមួយទៀតនៃជម្លោះមនុស្សជាច្រើនសិបនាក់ដែលចូលរួមក្នុងពិធីរៀបការមួយបានត្រូវស្លាប់ ឬរបួសកាលពីយប់ថ្ងៃទី២២ មេសា ក្នុងការវាយប្រហារនៅភាគពាយ័ព្យយេម៉ែន ដែលការវាយប្រហារទាំងនេះត្រូវបានពួកឧទ្ទាមចាត់ទុកជាការវាយប្រហារច្រឡំថ្មីរបស់ក្រុមចម្រុះនោះ ។
នេះជាអ្នកទទួលខុសត្រូវជាន់ខ្ពស់បំផុតរបស់ពួកឧទ្ទាមដែលត្រូវសម្លាប់តាំងពីចាប់ផ្តើមជម្លោះមក ។ ឈ្មោះរបស់គេស្ថិតក្នុងបញ្ជីឈ្មោះអ្នកទទួលខុសត្រូវហ៊ូធី៤០នាក់ ដែលលាតត្រដាងកាលពីខែវិច្ឆិកា ឆ្នាំ២០១៧ ដោយអារ៉ាប៊ី សាអ៊ូឌីត ដែលកាត់តម្លៃក្បាលពួកគេជាមួយប្រាក់រង្វាន់សរុប៤៤០លានដុល្លារ ។
យោងតាមសេចក្តីប្រកាសមួយពួកហ៊ូធីនិយាយថា លោក SAMMAD ត្រូវជំនួសជាប្រមុខក្រុមប្រឹក្សានយោបាយដោយលោក MEHDI HUSSEIN AL MACHAT ។
ប្រភពនានារបស់រដ្ឋាភិបាលយេម៉ែន អះអាងថា លោក SAMMAD ត្រូវស្លាប់ដោយការវាយប្រហារមួយរបស់ក្រុមចម្រុះកាលពីថ្ងៃទី១៩ មេសា នៅតំបន់ BRIHI ភាគនិរតីក្រុង HODEIDA ជាប្រជុំជនខេត្តមានឈ្មោះដូចគ្នានេះ ។
ប្រមុខជាន់ខ្ពស់របស់ពួកឧទ្ទាមហ៊ូធី លោក ABDEL MALEK AL HOUTHI បានសន្យាសងសឹកឱ្យលោក SAMMAD ក្នុងសេចក្តីថ្លែងការណ៍មួយផ្សាយតាមទូរទស្សន៍ពួកហ៊ូធី AL MASSIRAH ។ លោកអះអាងថា ឧក្រិដ្ឋកម្មនេះនឹងពុំគេចផុតពីការសងសឹកឡើយ ។ កងកម្លាំងឈ្លានពានដែលមានអាមេរិក និងអារ៉ាប៊ី សាអ៊ូឌីត ជាមេខ្លោងត្រូវទទួលខុសត្រូវចំពោះផលវិបាកទាំងឡាយនៃអំពើនេះ ។ លោកថា មនុស្ស៦នាក់ទៀតស្លាប់ជាមួយលោក SALEH AL SAMMAD ។
កាលពីដើមខែមេសា លោក SALEH AL SAMMAD ធ្លាប់ប្រកាសឆ្នាំ២០១៨ ថាជាឆ្នាំបាលីស្ទិកដោយចង់និយាយសំដៅលើមីស៊ីលទាំងឡាយដែលពួកឧទ្ទាមបាញ់ប្រឆាំងអារ៉ាប៊ីសាអ៊ូឌីត ។
ចាប់តាំងពីខែវិច្ឆិកា ឆ្នាំ២០១៧មក ពួកហ៊ូធីបានបាញ់មីស៊ីលបាលីស្ទិកជាច្រើនគ្រាប់ដាក់អារ៉ាប៊ី សាអ៊ូឌីត តែត្រូវស្ទាក់កម្ទេចដោយកងការពារអាកាសប្រទេសនេះ ។
នាថ្ងៃទី២៣ មេសា បណ្តាសារព័ត៌មានរដ្ឋអារ៉ាប៊ី សាអ៊ូឌីត ប្រកាសពីការស្ទាក់កម្ទេចមីស៊ីលបាលីស្ទិកថ្មី២គ្រាប់ ដែលពួកហ៊ូធីបាញ់ដាក់ខេត្ត JIZAN ភាគខាងត្បូងប្រទេស ។
តាមទូរទស្សន៍ AL MASSIRAH ថា មីស៊ីលមួយគ្រាប់បាញ់សំដៅទីតាំងសហគ្រាសប្រេងកាត ARAMCO ៕
ចែករំលែកព័តមាននេះ