រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា (CPP) បានអះអាងថា បើចង់ផ្លាស់ប្តូររបបដឹកនាំពេលបច្ចុប្បន្នក្រោមការដឹកនាំរបស់រាជរដ្ឋាភិបាលនាពេលបច្ចុប្បន្ននេះ លុះត្រាតែប្រើប្រាស់អាវុធ។ ការលើកឡើងរបស់អ្នកនាំពាក្យនេះ បន្ទាប់ពីលោក ដេវីត…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា (CPP) បានអះអាងថា បើចង់ផ្លាស់ប្តូររបបដឹកនាំពេលបច្ចុប្បន្នក្រោមការដឹកនាំរបស់រាជរដ្ឋាភិបាលនាពេលបច្ចុប្បន្ននេះ លុះត្រាតែប្រើប្រាស់អាវុធ។
ការលើកឡើងរបស់អ្នកនាំពាក្យនេះ បន្ទាប់ពីលោក ដេវីត ឆាន់ល័ (David Chandler )ប្រវត្តិវិទូ ជនជាតិអាមេរិកាំង ដែលសរសេរសៀវភៅ អំពីប្រទេសកម្ពុជាដ៏ល្បីល្បាញ និយាយថា លោកកំពុងសម្លឹងមើលការបោះពុម្ពលើកទី៥ នៃសៀវភៅ «ប្រវត្តិសាស្ត្រប្រទេសកម្ពុជា» របស់ លោក ដោយសរសេរសេចក្ដីបញ្ចប់ថ្មីដែលនឹងមានទុទិដ្ឋិនិយមជាងមុន។ លោក សុខ ឥសាន បានឲ្យដឹងតាមប្រព័ន្ធតេឡេក្រាម នៅថ្ងៃទី២៣ មេសា ឆ្នាំ២០១៨ថា ការសន្និដ្ឋានរបស់លោកសាស្ត្រាចារ្យបណ្ឌិត ដេវីត ឆាន់ល័រ ជាប្រវត្តិវិទូ បានសរសេរប្រវត្តិសាស្ត្រប្រទេសកម្ពុជា ដែលមានចំណុចសំខាន់ៗ ៖ ទី១- លោកមើលមិនឃើញជាការអាក្រក់ទេសម្រាប់ប្រទេសកម្ពុ ជាដែលមានទំនាក់ទំនងល្អជាមួយប្រទេសចិន ដើម្បីជាបង្អែករឹងមាំសម្រាប់ការពារពីការធ្វើទុក្ខបុកម្នេញពីសំណាក់ប្រទេសមួយចំនួន នៅលោកខាងលិច។
ប៉ុន្តែកម្ពុជាមិនមែនជាអាយ៉ងប្រទេសចិនទេ តែមានការគាំទ្រគ្នាទៅវិញទៅមកនៅកាលៈទេសៈមានការចាំបាច់។ ទី២-ប្រទេសកម្ពុជា មិនមែនជាប្រទេសកុម្មុនីសទេ ហើយយការដឹកនាំក៏មិនមែនជាកុម្មុយនីសដែរ ដោយសារមានរដ្ឋធម្មនុញ្ញបញ្ជាក់ ច្បាស់ហើយ មិនមែនចម្លងទាំងស្រុងពីចិនដូចខ្មែរក្រហមប៉ុលពតទេ។ អ្នកនាំពាក្យគណបក្សកាន់អំណាចក៏បានលើកឡើងថា លោក ដេវីត ឆាន់ល័រ មើលមិនឃើញថា មាននរណាអាចមកជំនួសគណបក្សប្រជាជនកម្ពុជាដែលកំពុងកាន់អំណាចឡើយ ទោះបីនៅថ្ងៃក្រោយថ្នាក់ ដឹកនាំគណបក្សនេះនឹងលាចាកលោកទៅក៏អ្នកបន្តវេននៅតែមកពីគណបក្សប្រជាជនកម្ពុជាដែរ។ លោកបញ្ជាក់ថា« ការមានមហិច្ឆតាចង់ផ្លាស់ប្តូររបបនៅក្នុងប្រទេសកម្ពុជា មិនអាចធ្វើទៅបានទេ ពីព្រោះគ្មានអ្នកណាមួយអាចដឹកនាំធ្វើការងារនេះទទួល បានផល និងមានប្រសិទ្ធភាពទេ។ ការចង់ផ្លាស់ប្តូរណាមួយនៃរបបបច្ចុប្បន្ន លុះត្រាតែធធ្វើដោយប្រដាប់អាវុធ តែមិនជឿថាមានអ្នកណាម្នាក់អាចធ្វើការងារនេះបានជោគជ័យនោះទេ។ បើហ៊ានប្រថុយច្បាស់ជានឹងត្រូវកម្ទេចចោលតែម្តង »។
យោងតាមគេហទំព័រសារព័ត៌មានវីអូអេ បានសម្ភាសន៍លោក ដេវីត ឆាន់ល័រ បានលើកឡើងយ៉ាងដូច្នេះថា «ពេលដែលខ្ញុំសរសេរចប់ សម្រាប់ការបោះពុម្ពថ្មីលើកទី៥នេះ ខ្ញុំមានអារម្មណ៍ថាទំព័រចុងបញ្ចប់នៃជំពូកចុងក្រោយដែលនឹងនាំអ្នកទៅឆ្នាំ២០១៨ ឬឆ្នាំ២០១៩ នឹង មានទុទិដ្ឋិនិយមច្រើនជាងការបោះពុម្ពលើកទី៤»។ នៅមុនពេលសរសេរបញ្ចប់សៀវភៅបោះពុម្ពលើកទី៤ ក្នុងឆ្នាំ២០០៧ លោក Chandler បានមើលឃើញការផ្លាស់ប្ដូរវិជ្ជមាននានាទាក់ទងនឹងសេរីភាវូបនីយកម្ម និងប្រជាធិបតេយ្យភាវូបនីយកម្ម ប៉ុន្តែក្នុងមួយទសវត្សរ៍ចុងក្រោយ នេះ លោក Chandler បាននិយាយថា ប្រទេសកម្ពុជាបានដើរថយក្រោយ។
លោក Chandler ពន្យល់នៅក្នុងពេលនោះថា៖ ពេលដែលខ្ញុំ សរសេរបញ្ចប់សៀវភៅប្រវត្តិសាស្ត្រប្រទេសកម្ពុជាសម្រាប់បោះពុម្ពលើកទី៤ខ្ញុំបានឃើញភាពអាចទៅរួចនៃការផ្លាស់ប្ដូរជាវិជ្ជមានខាង នយោបាយក្នុងប្រទេសកម្ពុជាច្រើនជាងមុនដូចជាការបើកទទួលយកសេដ្ឋកិច្ចទីផ្សារសេរី និងលទ្ធិប្រជាធិបតេយ្យកាលពីឆ្នាំ២០០៥។ ខ្ញុំ គិតថា ទិដ្ឋភាពនយោបាយបច្ចុប្បន្នបានធ្លាក់ចុះហើយ វាបានប្រែទៅជាមិនស្វាគមន៍ការផ្លាស់ប្ដូរ វិជ្ជមាន ឬប្រជាធិបតេយ្យភាវូបនីយកម្ម នោះទេ៕
ចែករំលែកព័តមាននេះ