រាជធានីភ្នំពេញ ៖ បុរសជនជាតិព័រទុយហ្គាល់ម្នាក់ វ័យជាង៦០ឆ្នាំ ត្រូវបានម្ចាស់ផ្ទះសំណាក់ផុតកុងត្រាជាមួយអ្នកជួលស្មានថា អត់មានមនុស្សស្នាក់នៅក៏បានចាក់សោពីខាងក្រៅតាំងពីម៉ោង៦រហូតដល់ម៉ោងជិត១០យប់ បុរសរូបនោះចេញក្រៅអត់រួច បានស្រែកផ្អើលទៅដល់សមត្ថកិច្ចមូលដ្ឋានចុះមកកន្លែងកើតហេតុកាលពីវេលាម៉ោង១២អាធ្រាត្រថ្ងៃទី១៧ ខែមេសា ឆ្នាំ២០១៨…
រាជធានីភ្នំពេញ ៖ បុរសជនជាតិព័រទុយហ្គាល់ម្នាក់ វ័យជាង៦០ឆ្នាំ ត្រូវបានម្ចាស់ផ្ទះសំណាក់ផុតកុងត្រាជាមួយអ្នកជួលស្មានថា អត់មានមនុស្សស្នាក់នៅក៏បានចាក់សោពីខាងក្រៅតាំងពីម៉ោង៦រហូតដល់ម៉ោងជិត១០យប់ បុរសរូបនោះចេញក្រៅអត់រួច បានស្រែកផ្អើលទៅដល់សមត្ថកិច្ចមូលដ្ឋានចុះមកកន្លែងកើតហេតុកាលពីវេលាម៉ោង១២អាធ្រាត្រថ្ងៃទី១៧ ខែមេសា ឆ្នាំ២០១៨ តាមបណ្តោយផ្លូវ១១០ នៅចំណុចផ្ទះសំណាក់យីហោឈ្មោះដឹ ឡាហ័រ ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
តាមប្រភពពីប្រជាពលរដ្ឋដែលរស់នៅម្តុំកន្លែងកើតហេតុបានរៀបរាប់ប្រាប់ឲ្យដឹងថា មុនពេលកើតហេតុ ផ្ទះសំណាក់ខាងលើនេះត្រូវបានអ្នកជួលផ្ទះមុនគេឈប់ជួលព្រោះ ផុតកុងត្រាទើបម្ចាស់ផ្ទះប្រាប់ឲ្យភ្ញៀវស្នាក់នៅក្នុងផ្ទះនោះចេញទៅរកផ្ទះសំណាក់ផ្សេងទៀត ដើម្បីស្នាក់នៅជាបន្ត ។ លុះដល់ម៉ោង៦ល្ងាចថ្ងៃកើតហេតុម្ចាស់ផ្ទះបានទៅពិនិត្យមើលផ្ទះ រួចរាល់ហើយក៏បានចាក់សោទ្វារពីខាងក្រៅ រហូតដល់ម៉ោង១០យប់ថ្ងៃដដែល ស្រាប់តែមានបុរសជនជាតិព័រទុយហ្គាល់ម្នាក់ដែលស្នាក់នៅក្នុងបន្ទប់អត់ដឹងថា ម្ចាស់ផ្ទះ សំណាក់ផុតកុងត្រាជួលទេ បានដេកក្នុងបន្ទប់ លុះពេលចង់ចេញទៅខាងក្រៅបែរជាបើកទ្វារអត់រួច បានគោះទ្វារ ប៉ុន្តែមិនមានអ្នកណាបើកឲ្យក៏បានស្រែករហូតផ្អើលដល់សមត្ថកិច្ចប៉ុស្តិ៍វត្តភ្នំ ចុះមកកន្លែងកើតហេតុសង្ស័យថា ជាមនុស្សបែកថ្នាំស្រែកឡូឡា ប៉ុន្តែពេលសួរនាំដឹងហើយ ក៏បានទំនាក់ទំនងហៅម្ចាស់ផ្ទះឲ្យចាក់សោបើកទ្វារឲ្យចេញមកខាងក្រៅ ។
ប្រភពដដែលបានបន្តទៀតថា សំណាងល្អហើយ ដែលជនជាតិបរទេសនោះមិនកើតអី ប្រសិនបើគាត់មានជំងឺរើឡើងដូចជាខ្យល់គ និងគាំងបេះដូងស្លាប់ គឺម្ចាស់ផ្ទះនោះពិតជាមានរឿងហើយ ។
ក្រោយពេលកើតហេតុម្ចាស់ផ្ទះសំណាក់បានជូនបុរសជាជនជាតិបរទេសនោះទៅរកផ្ទះសំណាក់ថ្មី ដើម្បីឲ្យគាត់ស្នាក់នៅបន្ត ៕
ចែករំលែកព័តមាននេះ