តាមការវិភាគរបស់អ្នកជំនាញ លុយគឺជាមូលហេតុចំបងនៃជំងឺស្ត្រេស និង បញ្ហាទាំងឡាយដែលកើតមានក្នុងសង្គមគ្រួសារ។ ហេតុអ្វីបានជាស្ត្រីមួយចំនួនពឹងផ្អែកទៅលើចំណូលរបស់ប្តី ? ហេតុអ្វីបានជាស្ត្រីមួយចំនួនចំណាយច្រើនជាងអ្វីដែលខ្លួនអាចរកមកបាន ហើយលង់ខ្លួនក្នុងបំណុល ? ដើម្បីឱ្យយើងរួចផុតពីទុក្ខដែលបណ្តាលមកពីប្រាក់…
តាមការវិភាគរបស់អ្នកជំនាញ លុយគឺជាមូលហេតុចំបងនៃជំងឺស្ត្រេស និង បញ្ហាទាំងឡាយដែលកើតមានក្នុងសង្គមគ្រួសារ។ ហេតុអ្វីបានជាស្ត្រីមួយចំនួនពឹងផ្អែកទៅលើចំណូលរបស់ប្តី ? ហេតុអ្វីបានជាស្ត្រីមួយចំនួនចំណាយច្រើនជាងអ្វីដែលខ្លួនអាចរកមកបាន ហើយលង់ខ្លួនក្នុងបំណុល ? ដើម្បីឱ្យយើងរួចផុតពីទុក្ខដែលបណ្តាលមកពីប្រាក់ ហើយជ្រើសជំរើសដែលឆ្លាតវៃ អាចក្លាយជាសេដ្ឋីបាន សូមអាននូវគន្លឹះសំខាន់ៗ ១០ ប្រការដែលនឹងបកស្រាយខាងក្រោម ៖
១. មិនត្រូវពឹងផ្អែកលើដង្ហើមប្រាក់ចំណូលរបស់អ្នកណាម្នាក់ឡើយ ។ ត្រូវអប់រំខ្លួនឯងអំពីវិធីទុកដាក់លុយ និងរៀនវិនិយោគអោយបានច្រើន។
២. ដៅទិសដៅខ្លួនអោយច្បាស់ថា ចង់បានអ្វី ហើយរៀបចំជំហានអ្វីខ្លះដើម្បីដើរទៅដល់គោលដៅដែលបានដៅ។
៣. កុំខ្ជះខ្ជាយលុយ ដើម្បីបន្ធូរអារម្មណ៍ គួររកសកម្មភាពផ្សេងៗដែលពង្រឹងជំនឿជាក់លើខ្លួនឯង និងពង្រីកភាពច្នៃប្រឌិតរបស់ខ្លួន។
៤. ធ្វើម៉េចអោយចំណាយទាបជាងចំណូលទើបវាសល់ប្រាក់។
៥. ពង្រឹងសមត្ថភាពខ្លួនតាមរយៈការអប់រំ ឬសិក្សាជំនាញផ្សេងៗដើម្បីបង្កើនប្រភពចំណូល។
៦. ត្រៀមប្រាក់ដើម្បីពេលមានការបន្ទាន់ ដូច្នេះពេលមានប្រទះនឹងហានិភ័យដូចជាបាត់បង់ការងារ ឬឈឺថ្កាត់ អ្នកអាចមានប្រាក់គ្រប់គ្រាន់នឹងដោះទាល់។
៧. ត្រូវចូលរួមក្នុងកិច្ចពិក្សាក្នុងគ្រួសារពីបញ្ហាហិរញ្ញវត្ថុ ពីវិធីដើម្បីធ្វើឱ្យសេដ្ឋកិច្ចគ្រួសារកាន់តែប្រសើរឡើង។
៨. មិនត្រូវស្ពាយបំណុលរបស់ដៃគូ ឬគ្រួសារឡើយ ។ មុនពេលរៀបអាពាហ៍ពិពាហ៍ត្រូវឱ្យច្បាស់ថា ទាំងសងខាងមិនជំពាក់បំណុលអ្នកណា ។
៩. មិនត្រូវឱ្យការខ្លាចបាត់បង់ប្រាក់បង្អាក់ចិត្តអ្នកពីការវិនិយោគទុនផ្សេងៗឡើយ ត្រូវស្វែងរកឱកាសវិនិយោគតូចៗតាមដែលធ្វើបាន។ ទុកប្រាក់ចោលសន្សំដូចត្រង់ទឹកភ្លៀងនោះវាមិនអាចរីកដាលទៅណាទេ។
១០. ត្រូវបើកចិត្តរៀនពីកំហុសនៃការវិនិយោគខុស មិនត្រូវរអារ ឬធ្វើឱ្យខ្លួនបាត់បង់ជំនឿចិត្តនោះទេ។
ប្រភព៖ https://www.thebalance.com
ដក់ស្រង់ចេញពីគេហទំព័រ http://health.com.kh/
ចែករំលែកព័តមាននេះ