ខេត្តរតនគិរី ៖ ផ្ទះលក់ឥវ៉ាន់ចាប់ហ៊ួយមួយកន្លែងត្រូវបានអគ្គិភ័យលេបត្របាក់អស់ទាំងស្រុង ទាំងមិនដឹងមូលហេតុ ដោយសរុបជិតមួយម៉ឺនដុល្លារទាំងព្រលឹម ។ ហេតុការនេះបានកើតឡើងនៅវេលាម៉ោង៨ព្រឹកថ្ងៃទី ២១ ខែមិនា ឆ្នាំ២០១៨…
ខេត្តរតនគិរី ៖ ផ្ទះលក់ឥវ៉ាន់ចាប់ហ៊ួយមួយកន្លែងត្រូវបានអគ្គិភ័យលេបត្របាក់អស់ទាំងស្រុង ទាំងមិនដឹងមូលហេតុ ដោយសរុបជិតមួយម៉ឺនដុល្លារទាំងព្រលឹម ។ ហេតុការនេះបានកើតឡើងនៅវេលាម៉ោង៨ព្រឹកថ្ងៃទី ២១ ខែមិនា ឆ្នាំ២០១៨ ដែលមានទីតាំងស្ថិតនៅភូមិហ្វាំង ឃុំប៉ុង់ស្រុកវើនសៃ ខេត្តរតនគិរី ។
ម្ចាស់ផ្ទះខាងលើឈ្មោះ ព្រៀនា អាយុ៣៨ឆ្នាំ ជនជាតិឡាវ ប្រពន្ធឈ្មោះ កែវ ថង ជនជាតិឡាវ មានកូន៣នាក់ ស្រី២ ប្រុសម្នាក់ក្នុងបន្ទុក ។ យោងតាមប្រភពបានឱ្យដឹងថា ករណីភ្លើងឆេះផ្ទះនេះអស់ពីរខ្នងទទឹង១០ម៉ែត្រ បណ្តោយ១២ម៉ែត្រ ជញ្ជាំងឈើ ប្រក់ដំបូលប្រូស៊ីម៉ង ។
គាត់ជាម្ចាស់ផ្ទះនោះបានប្រាប់ថា លោកកំពុងជួសជុលម៉ាស៊ីននៅក្នុងផ្ទះ ខណៈពេលនោះស្រាប់តែមានអណ្តាតភ្លើងឆេះចេញពីមុខផ្ទះយ៉ាងសន្ធោសន្ធៅពីឥវ៉ាន់ចាប់ហួយរបស់គាត់នោះតែម្តង ពេលដែលប្រពន្ធ និងកូនរបស់គាត់កំពុងតែនៅដេកក្នុងផ្ទះនៅឡើយ ។
លោកបន្តថា ឥវ៉ាន់ចាប់ហ៊ួយ និងឥវ៉ាន់ផ្សេងជាច្រើនទៀតបូករួមនឹងផ្ទះសរុបប្រមាណជិត១ម៉ឺនដុល្លារ តែមិនបង្កឲ្យមានរងគ្រោះដល់អាយុជីវិតមនុស្ស ឬរងរបួសនោះទេ ។ ខណៈនេះក្រុមគ្រួសារខាងលើកំពុងជូបការលំបាកបញ្ហាជីវភាពរបស់ពួកគាត់ខ្លាំងណាស់ ដូចជាពាក្យចាស់លោកពោលថា(សុខចិត្តលិចទូកកណ្តាលទន្លេកុំឲ្យភ្លើងឆេះផ្ទះ)មិនខុសទេពេលនេះ ៕
ចែករំលែកព័តមាននេះ