រាជធានីភ្នំពេញ ៖ បុរសម្នាក់ត្រូវបានឃាតករកាប់ជាច្រើន កាំបិតដេកស្លាប់នៅក្នុងថ្លុកឈាមក្នុងដីឡូតិ៍មួយកន្លែងនៅក្នុងភូមិអង្គកែវ សង្កាត់ចោមចៅទី 3 ខណ្ឌពោធិ៍សែនជ័យ រាជធានីភ្នំពេញ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៨ និង២០នាទីព្រឹកថ្ងៃទី២២…
រាជធានីភ្នំពេញ ៖ បុរសម្នាក់ត្រូវបានឃាតករកាប់ជាច្រើន កាំបិតដេកស្លាប់នៅក្នុងថ្លុកឈាមក្នុងដីឡូតិ៍មួយកន្លែងនៅក្នុងភូមិអង្គកែវ សង្កាត់ចោមចៅទី 3 ខណ្ឌពោធិ៍សែនជ័យ រាជធានីភ្នំពេញ។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៨ និង២០នាទីព្រឹកថ្ងៃទី២២ ខែធ្នូ ឆ្នាំ ២០២៥។
ភ្លាមៗជនរងគ្រោះរូបនោះសមត្ថកិច្ចពុំទាន់ស្គាល់អត្តសញ្ញាណនៅឡើយ។
តាមព័ត៌មានបានឲ្យដឹងថា នៅមុនពេលកើតហេតុមានបុរសម្នាក់បានចុះទៅដាំឈូកនៅក្បែរកន្លែងកើតហើយស្រាប់តែប្រទះឃើញជនរងគ្រោះដេកស្លាប់នៅក្នុងស្មៅ ដោយមានស្នាមកាប់ជើង អញ្ចឹងកក្បាលជាច្រើនកាំបិតដេកស្លាប់នៅក្នុងថ្លុកឈាម ។ នៅក្បែរកន្លែងកើតហេតុប្រមាណជាង១០ម៉ែត្រ មានស្បង់ចីវរផងដែរ ។
ទោះបីជាយ៉ាងណាគេពុំទាន់ដឹងថា ជនរងគ្រោះរូបនោះត្រូវបានឃាតករកាបសម្លាប់ព្រោះតែមូលហេតុអ្វីឡើយ ។ ជនរងគ្រោះអាចជាជនក្លែងជាព្រះសង្ឃឬក៏យ៉ាងណានោះទេ។
តាមព័ត៌មានបានឲ្យដឹងទៀតថា កាលពីវេលាល្ងាចថ្ងៃទី ២១ខែធ្នូ គេឃើញបុរសញៀនថ្នាំម្នាក់បានកាន់កាំបិតប៉័ងតោនឹងដៃតែពុំមាននរណាម្នាក់ចាប់អារម្មណ៍ឡើយ។លុះព្រឹកឡើងស្រាប់តែមានការភ្ញាក់ផ្អើលប្រទះឃើញជនរងគ្រោះត្រូវបានគេកាប់សម្លាប់តែម្ដង។
នៅព្រឹកនេះដែរសមត្ថកិច្ចបានចុះទៅកន្លែងកើតហេតុធ្វើការឡោមព័ទ្ធដើម្បីឲ្យសមត្ថកិច្ចជំនាញចុះត្រួតពិនិត្យហើយសមត្ថកិច្ចកំពុងតែតាមស្រាវជ្រាវឃាត់ខ្លួនជនញៀនថ្នាំដែលកាន់កាំបិតដើម្បីសាកសួរ។
ទោះបីជាយ៉ាងណាគេពុំទាន់ដឹងច្បាស់ថាជននោះអាចពាក់ព័ន្ធនឹងរឿងឃាតកម្មនេះឬយ៉ាងណានោះទេ៕
ចែករំលែកព័តមាននេះ