រាជធានីភ្នំពេញ ៖ បុរសម្នាក់បន្ទាប់ពីថ្ងៃសំរាកបាននាំប្រពន្ធកូន និងប្អូនទៅលេងនៅស្រុកកំណើតត្រឡប់មកវិញចោរគាស់ផ្ទះលួចម៉ូតូអស់មួយគ្រឿង បង្កឱ្យមានការភ្ញាក់ផ្អើលកាលពីវេលាម៉ោង១១និង៣០នាទីយប់ថ្ងៃទី១៨ ខែមីនា ឆ្នាំ២០១៨ នៅក្នុងផ្ទះភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ…
រាជធានីភ្នំពេញ ៖ បុរសម្នាក់បន្ទាប់ពីថ្ងៃសំរាកបាននាំប្រពន្ធកូន និងប្អូនទៅលេងនៅស្រុកកំណើតត្រឡប់មកវិញចោរគាស់ផ្ទះលួចម៉ូតូអស់មួយគ្រឿង បង្កឱ្យមានការភ្ញាក់ផ្អើលកាលពីវេលាម៉ោង១១និង៣០នាទីយប់ថ្ងៃទី១៨ ខែមីនា ឆ្នាំ២០១៨ នៅក្នុងផ្ទះភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ ។
ជនរងគ្រោះមានឈ្មោះ ទូច យិនវណ្ណៈ ភេទប្រុស អាយុ៣០ឆ្នាំ មុខរបរបុគ្គលិកអគ្គិសនី រស់នៅភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ មានស្រុកកំណើតនៅភូមិត្បូងដំរី ឃុំក្រាំងធ្នង់ ស្រុកបាទី ខេត្តតាកែវ ។ ម៉ូតូដែលជនសង្ស័យគាស់ទ្វារយកទៅបាត់ម៉ាក Suzuki let’s ពណ៌ស ពាក់ផ្លាកលេខ ភ្នំពេញ ១CI- ១៥៨៨ ។
តាមប្រភពព័ត៌មានពីជនរងគ្រោះបាននិយាយថា នៅមុនពេលកើតហេតុជនរងគ្រោះមកពីធ្វើការមកដល់ផ្ទះ ហើយបាននាំប្រពន្ធកូន និងប្អូននៅស្រុកកំណើតដោយទុកម៉ូតូនៅផ្ទះហើយជិះរថយន្តទៅលុះនៅថ្ងៃកើតហេតុខាងលើម៉ោង១១យប់ថ្ងៃដដែលជនរងគ្រោះត្រឡប់មកផ្ទះនៅស្រុកវិញ ហើយមកដល់ទ្វារបងឃើញសោចំហរទ្វារផ្ទះជនរងគ្រោះចំហទ្វារទៀតដោយជនសង្ស័យលួចគាស់ ដើម្បីយកម៉ូតូរបស់ជនរងគ្រោះបាត់អស់មួយគ្រឿង ។
ជនរងគ្រោះបានបញ្ជាក់ទៀតថា សោផ្ទះគាត់មានចំនួន៦ដោយជនសង្ស័យគាស់អស់ចំនួន៥រាប់ពីទ្វារសោរបងផ្ទះ និងបន្ទប់ដាក់ម៉ូតូដោយជនសង្ស័យមិនបានគាស់បន្ទប់ក្នុងផ្ទះ ហើយសោរបន្ទប់ខាងលើជាសោរទ្វារឈើមិនបានគាស់ចូលទៀតឡើយដោយយកម៉ូតូមួយគ្រឿង និងសល់ម៉ូតូ FTR មួយគ្រឿងក្នុងផ្ទះដោយជនសង្ស័យយកម៉ូតូតែមួយគ្រឿង ។ ក្រោយពេលជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលចោមចៅ២ដើម្បីឱ្យសមត្ថកិច្ចស៊ើបអង្កេតរកមុខសញ្ញាមកផ្តន្ទាទោសតាមច្បាប់ ៕
ចែករំលែកព័តមាននេះ