រាជធានីភ្នំពេញ ៖ មានករណីឆក់កាបូបកើតឡើងរាល់ថ្ងៃក្នុងរាជធានីភ្នំពេញ ខណៈដែលវិធានការទប់ស្កាត់បង្ការ និងបង្ក្រាបនៅមានកម្រិតទាបនៅឡើយ បង្កឲ្យជនរងគ្រោះបាត់បង់ទ្រព្យសម្បត្តិ ឬអាចឈានដល់គ្រោះថ្នាក់ដល់រាងកាយ ហើយសម្រាប់ថ្ងៃទី១០ ខែមិនា ឆ្នាំ២០១៨…
រាជធានីភ្នំពេញ ៖ មានករណីឆក់កាបូបកើតឡើងរាល់ថ្ងៃក្នុងរាជធានីភ្នំពេញ ខណៈដែលវិធានការទប់ស្កាត់បង្ការ និងបង្ក្រាបនៅមានកម្រិតទាបនៅឡើយ បង្កឲ្យជនរងគ្រោះបាត់បង់ទ្រព្យសម្បត្តិ ឬអាចឈានដល់គ្រោះថ្នាក់ដល់រាងកាយ ហើយសម្រាប់ថ្ងៃទី១០ ខែមិនា ឆ្នាំ២០១៨ នៅវេលាម៉ោង១៦និង៣០នាទីល្ងាចកើតមានករណីឆក់កាបូបពីស្ត្រី២នាក់ កំពុងជិះម៉ូតូ ត្រង់ចំណុចគល់ស្ពានអាកាស៧មករា ផ្នែកខាងលិច ភូមិសេប៉េសេ សង្កាត់ទឹកថ្លាបានសម្រេច ។
ស្ត្រីរងរបួសធ្ងន់ឈ្មោះ អាន ណាវីន អាយុ៤៥ឆ្នាំ មុខរបរនៅផ្ទះស្នាក់នៅភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។ ចំណែកម្នាក់ទៀតរងរបួសស្រាលមិនត្រូវបានស្គាល់ឈ្មោះ ។ សម្ភារបាត់បង់ក្នុងកាបូបមានលុយជាង៣០០ដុល្លារ ទូរស័ព្ទដៃមួយគ្រឿង លិខិតឆ្លងដែន១ អត្តសញ្ញាណប័ណ្ឌសញ្ជាតិខ្មែរ២សន្លឹក ។
ស្ត្រីរងគ្រោះបានឲ្យដឹងថា មុនកើតហេតុគាត់២នាក់បានជិះម៉ូតូវិលមកពីផ្សារអូរឫស្សី ឌុបគ្នាពីកើតទៅលិច បើកបរដោយស្ត្រីរងរបួសធ្ងន់ ដល់ចំណុចកើតហេតុ ស្រាប់តមានជនសង្ស័យ២នាក់ ជិះម៉ូតូមួយគ្រឿង ពណ៌ខ្មៅមិនចាំស្លាកលេខ តាមមកពីក្រោយ ហើយធ្វើសកម្មភាពឆក់កាបូប ដែលស្ពាយដាក់ពីខាងមុខ ពណ៌ប្រផេះ បណ្តាលឲ្យដួលរងរបួសធ្ងន់ស្រាល២នាក់ បានសម្រេច ហើយជនសង្ស័យគេចខ្លួនបាត់អស់ បន្សល់ទុកតែជនរងគ្រោះ ត្រូវបានសាច់ញាតិឌុបជូនទៅមន្ទីរពេទ្យ រហូតដល់ម៉ោង២០និង៣០
នាទីយប់ទើបជនគ្រោះទៅដាក់ពាក្យនៅប៉ុស្តិ៍ទឹកថ្លា ៕
ចែករំលែកព័តមាននេះ