រាជធានីភ្នំពេញ ៖ បុរសជនជាតិបរទេសម្នាក់ មានអាយុជាង២០ឆ្នាំម្នាក់ បានជិះកង់បីមួយគ្រឿង មិន
ដឹងថា រូបគេមកពីទីណាឡើយ បានមកធ្វើការឡាំប៉ានៅខាងមុខក្រសួងមហាផ្ទៃ សុំឱ្យជួយធ្វើអន្តារាគមន៍ ដោយរូបគេអះអាងថា «ខ្លួនជាជនរងគ្រោះម្នាក់ដែលបានបាត់លុយ និងរបស់របរមួយចំនួនទៀត» និងបង្កឱ្យមានការភ្ញាក់ផ្អើលយ៉ាងខ្លាំងដល់អាជ្ញាធរមូលដ្ឋានផងដែរ ដែលហេតុការណ៍នេះកើតឡើងកាលពីវេលាម៉ោង០៩ និង១៥នាទីព្រឹកថ្ងៃទី០៩ មីនា នេះ ស្ថិតនៅខាងមុខក្រសួងមហាផ្ទៃ លើផ្លូវព្រះនរោត្តម ក្នុងសង្កាត់ទន្លេបាសាក់ ខណ្ឌចំការមន ។
តាមប្រភពពីនគរបាលម្នាក់ប្រាប់ឱ្យដឹងថា មុនពេលកើតហេតុ គាត់បានឃើញម៉ូតូរ៉ឺម៉កកង់បីមួយគ្រឿង បានឌុបបុរសជនបរទេសខាងលើ ដោយមិនមានអ្នកណាម្នាក់បានដឹងថា រូបគេជិះមកពីទីកន្លែងណាឡើយហើយមកឈប់ខាងមុខក្រសួងមហាផ្ទៃ ។ ពេលនោះ ម៉ូតូរ៉ឺម៉កកង់បី ក៏បានបន្តដំណើរទៅទៀតបាត់ ដោយទុកតែបុរសបរទេសម្នាក់នេះនៅតែម្នាក់ឯង ហើយបានដើរសំដៅមករកប៉ុស្តិ៍យាមខ្លោងទ្វារច្រកចូលក្រសួងមហាផ្ទៃ ។ បើតាមប្រភពដដែលប្រាប់បន្តថា ពេលនោះបុរសជនបរទេសម្នាក់ មិនចេះនិយាយភាសាខ្មែរទេ ដោយបាននិយាយជាភាសាអង់គ្លេស និងធ្វើកាយកាយវិការច្រង៉េងច្រង៉ាងយ៉ាងខ្លាំង ហាក់បីដូចជារូបគេជាមនុស្សបែកថ្នាំយ៉ាងដូច្នោះដែរ ។ ក្នុងពេលនោះដែរ រូបគេបាននិយាយរៀបរាប់ថា រូបគេជាជនរងគ្រោះ ដោយបានបាត់លុយ និងសម្ភារផ្សេងៗមួយចំនួនទៀត និងសុំឱ្យប៉ូលិសជួយធ្វើជាក្រដាសស្នាម និង ស្វែងរកឱ្យគេវិញផងដែរ តែពេលនោះពួកគាត់មានការលំបាកយ៉ាងខ្លាំងក្នុងការសួរនាំឱ្យដឹងហេតុផល ដោយសារតែគេនិយាយតែម្នាក់ឯងស្ទើរតែ បែកពពុះមាត់ និងស្តាប់គ្មាមិនបានឡើយ ។
ក្រោយពេល មានការភ្ញាក់ផ្អើលកើតឡើង កម្លាំងមានសម្ថកិច្ចមូលដ្ឋានប៉ុស្តិ៍ទន្លេបាសាក់ ក៏បានចុះទៅដល់កន្លែងកើតហេតុ ធ្វើការសួរនាំ និង នាំខ្លួនបុរសជាជបរទេសម្នាក់នោះ យកទៅកាន់ការិយាល័យនគរបាលគ្រប់គ្រងជនបរទេសរាជធានីភ្នំពេញ ដើម្បីធ្វើការសួរនាំអោយដឹងរឿងច្បាស់ជាបន្តទៅទៀត ។
ចែករំលែកព័តមាននេះ