រាជធានីភ្នំពេញ ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានថ្លែងអរគុណកងកម្លាំងប្រដាប់អាវុធគ្រប់ប្រភេទ ដែលបានអន្តរាគមន៍ចុះជួយប្រជាពលរដ្ឋទាន់ពេលវេលាពីគ្រោះទឹកជំនន់ ខណៈពលរដ្ឋកម្ពុជាមិនទាន់មានអ្នកស្លា.ប់ដោយសារគ្រោះទឹកជំនន់ ។
ថ្លែងក្នុងពិធីសម្ពោធបើកឱ្យប្រើប្រាស់ផ្លូវជាតិលេខ១០ នៅខេត្តពោធិ៍សាត់ នាព្រឹកថ្ងៃទី១ ខែតុលា ឆ្នាំ២០២៦ សម្តេចធិបតី នាយករដ្ឋមន្ត្រីបានឱ្យដឹងថា គ្រោះទឹកជំនន់បានវាយប្រហារខេត្តចំនួន១០ ប៉ុន្តែមកដល់ពេលនេះមិនទាន់មានប្រជាពលរដ្ឋកម្ពុជាណាស្លា.ប់ដោយសារទឹកជំនន់នោះទេ ។
សម្តេចធិបតី ក៏បានលើកឡើងថា ទឹកជំនន់នេះ បានធ្លាប់មកពីប្រទេសថៃ តែទោះបីជាយ៉ាងណា អាជ្ញាធរបានធ្វើការគ្រប់គ្រងនឹងជួយសង្គ្រោះទាន់ពេលវេលា ។ ជាងនេះកងកំលាំងប្រដាប់អាវុធ នៅតាមព្រំដែនបានកំពុងឈរជើងយ៉ាងម៉ឺងម៉ាត់ ៕
ចែករំលែកព័តមាននេះ