ទើបចេញពីសួរសុខទុក្ខបងប្អូននៅពេទ្យ បើករថយន្តគេចក្រុមជិះម៉ូតូដេញគ្នា ក៏ជ្រុលបុ.ករបាំងថ្មពុះចែកផ្លូវ
- ភ្នំពេញ
រាជធានីភ្នំពេញ ៖ បុរសម្នាក់ចេញពីសួរសុខទុក្ខបងប្អូនដែលសម្រាកនៅមន្ទីរពេទ្យកាល់ម៉ែត រួចក៏បើករថយន្តគេចក្មេងទំនើងជិះម៉ូតូដេញគ្នា បណ្ដាលឲ្យរេចង្កូតជ្រុលទៅបុកក្បាលព្រួញថ្មពុះចែកផ្លូវរងការខូចខាត កាលពីវេលាម៉ោង៨និង៤០នាទីយប់ថ្ងៃទី៣០ ខែ កញ្ញា ឆ្នាំ ២០២៦ នៅចំណុចមុខក្រសួងការពារជាតិ តាមផ្លូវសហព័ន្ធរុស្ស៊ី ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ ។
ប្រភពព័ត៍មានពីសមត្ថកិច្ចបានអោយដឹងថា មុនពេលកើតហេតុ មានបុរសម្នាក់បើករថយន្ត១គ្រឿងម៉ាកហាយឡែនឌឺ ពណ៍ទឹកប្រាក់ ពាក់ស្លាកលេខ កណ្ដាល ២D-១២៦៧ ធ្វើដំណើរតាមផ្លូវសហព័ន្ធរស្ស៊ី ក្នុងទិសដៅពីកើតទៅលិចលុះមកដល់មុខក្រសួងការពារជាតិ ស្រាប់តែរថយន្តខាងលើរេចង្កូតទៅខាងឆ្វេងបុកក្បាលនាគពុះចែកផ្លូវពេញទំហឹង បណ្ដាលឱ្យខូចខាតចំនួន២កង់ ចំណែករថយន្តខូចខាតផ្នែកមុខខាងឆ្វេង ។
បន្ទាប់ពីកើតហេតុ សមត្ថកិច្ចចុះមកដល់កន្លែងកើតហេតុសួរនាំបុរសបើករថយន្តបង្កបានឲ្យដឹងថា គាត់ទើបនឹងចេញពីមន្ទីរពេទ្យសួរសុខទុក្ខបងប្អូន ហើយបើករថយន្តមកដល់ចំណុចខាងលើ ដោយសារគាត់បើករថយន្តគេចក្មេងទំនើងជិះម៉ូតូវ៉ាជែងគ្នាលឿន ទើបគាត់ខ្លាចទៅបុក ក៏គេចបួងចង្កូតទៅខាងឆ្វេងជ្រុលទៅបុកក្បាលនាគពុះចែកទ្រូងផ្លូវតែម្ដ ងហើយរូបគាត់មិនបានគេចទៅណាទេ ។
ក្រោយកើតហេតុ បុរសជាអ្នកបើកបរត្រូវបាននាំទៅសាកសួរនៅផ្នែកជំនាញចរាចរណ៍ រង់ចាំទំនាក់ទំនងទៅការិយាល័យចរាចរណ៍ផ្លូវគោកស្នងការនគរបាលរាជធានីភ្នំពេញមកវាស់វែងយករថយន្តទៅរក្សាទុករួមទាំងអ្នកបើកបរថយន្ត មិនទាន់បានវាស់វែងផងស្រាប់តែមានបុរសវ័យក្មេងម្នាក់ជិះម៉ូតូ១គ្រឿងតាមផ្លូវសហព័ន្ធរុស្ស៊ីក្នុងទិសដៅពីលិចទៅកើតក្នុងល្បឿនលឿន ចាំងភ្នែកភ្លើងរថយន្តដែលធ្វើដំណើរបញ្ច្រាសទិសដៅគ្នា មើលមិនឃើញរបាំងថ្មពុះចែកផ្លូវ ទើបខំចាប់ហ្វ្រាំងលឿន បណ្តាលឲ្យដួលអូសទៅបុកក្បាលនាគពុះចែកផ្លូវ បណ្ដាលរងរបួសស្រាល ។
ក្រោយកើតហេតុ បុរសជិះម៉ូតូបានទូរស័ព្ទហៅគ្រួសារមកទទួលយកទៅពេទ្យ ដើម្បីលាងរបួស និងយកម៉ូតូទៅផ្ទះវិញ ៕
ចែករំលែកព័តមាននេះ