លួ.ចម៉ូតូគេបានហើយ ថតបង្ហោះក្នុង Story Facebook អស់លក្ខណ៍ ត្រឹមម្ចាស់ប្រើល្បិ.ចស្រីស្អា.ត
- ភ្នំពេញ
រាជធានីភ្នំពេញ ៖ ជនសង្ស័យម្នាក់លួចម៉ូតូគេបានហើយ យកទៅថតបង្ហោះក្នុង Story Facebook ត្រូវបានម្ចាស់ឃើញ បានប្រើអោយនារីៗឆាតទាក់ទងណាត់ជួប ក៍ឈានដល់ការឃាត់ខ្លួនប្រគល់អោយសមត្ថកិច្ចតែម្ដង ។
ហេតុការណ៍ខាងលើ បង្កការភ្ញាក់ផ្អើលនៅវេលាម៉ោង៧យប់ថ្ងៃទី២៨ ខែតុលា ឆ្នាំ២០២៦ នៅចំណុចទល់មុខផ្សារទំនើបអ៊ីអន៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
ជនរងគ្រោះឈ្មោះ សុវណ្ណ ភេទប្រុស អាយុ១៩ឆ្នាំ មុខរបរនៅផ្ទះ ស្នាក់នៅភូមិបឹងខ្យាង ស្រុកកណ្តាលស្ទឹង ខេត្តកណ្តាល ។ ចំណែកជនសង្ស័យមានឈ្មោះ ជា ភេទប្រុស អាយុ២០ឆ្នាំ មុខរបរកម្មកររោងចក្រ ស្នាក់នៅម្តុំត្រពាំងក្រសាំង ខណ្ឌពោធិ៍សែនជ័យ ។
តាមប្រភពព័ត៌មានពីជនរងគ្រោះជាម្ចាស់ម៉ូតូ បានអោយដឹងថា កាលពីយប់ថ្ងៃទី១៨ ខែតុលា ឆ្នាំ២០២៦ ជនរងគ្រោះបានជិះម៉ូតូម៉ាក SUZUKI CROSS ពណ៌ក្រហម ពាក់ស្លាកលេខ ភ្នំពេញ 1MI-7226 ជិះទៅទិញភេសជ្ជៈហូបនៅម្តុំផ្លូវ២០០៤ កែងផ្លូវសហព័ន្ធរុស្ស៊ី លុះទិញហើយ បានជិះម៉ូតូទៅលេងផ្ទះមិត្តភក្ដិ ដោយទុកម៉ូតូចោល ហើយភ្លេចដកកូនសោចេញពីម៉ូតូ និងបានចូលទៅក្នុងបន្ទប់មិត្តភក្ដិបាត់ លុះចេញមកវិញ ស្រាប់តែបាត់ម៉ូតូ មិនដឹងជនសង្ស័យម្នាក់ណាលួចនោះទេ ។
ជនរងគ្រោះបានបន្តថា ហើយយប់ថ្ងៃនោះ ជនរងគ្រោះក៍បានទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋបាលកាកាបទី១ ដើម្បីឲ្យសមត្ថកិច្ចជួយស្រាវជ្រាវរកម៉ូតូមកវិញផងដែរ ។
តាមប្រភពដដែលបានបន្តទៀតថា ស្រាប់តែប៉ុន្មានថ្ងៃនេះ មិត្តភក្តិរបស់ជនរងគ្រោះ បានឃើញរូបភាពម៉ូតូរបស់ជនរងគ្រោះ ត្រូវបានជនសង្ស័យខាងលើ យកទៅបង្ហោះបង្អូត ក្នុង Story F acebook របស់ខ្លួន ទើបមិត្តភក្ដិរបស់ជនរងគ្រោះ បានយករូបភាពទៅបង្ហាញជនរងគ្រោះ ទើបដឹងថា ជាម៉ូតូរបស់ខ្លួនពិតប្រាកដមែន ។
តាមប្រភពដដែលបន្តទៀតថា ខាងជនរងគ្រោះបានរកល្បិចអោយនារីៗឆាតតាម facebook ញ៉ែជនសង្ស័យ ហើយបានណាត់ជួបជនសង្ស័យនៅទីតាំងខាងលើ ទើបចាប់ឃាត់ខ្លួនបានទាំងជនសង្ស័យ និងម៉ូតូរបស់ជនរងគ្រោះមកវិញ និងបានស្វាគមន៍ម្នាក់មួយដៃមួយជើងរួចប្រគល់អោយនគរបាលរដ្ឋបាលចាក់អង្រែក្រោមយកទៅសួរនាំផងដែរ ។
ក្រោយកើតហេតុ សមត្ថកិច្ចបានសួរនាំ ទើបដឹងថាករណីនេះបានកើតឡើងនៅខណ្ឌពោធិ៍សែនជ័យ ទើបនគរបាលរដ្ឋបាលចាក់អង្រែក្រោម ប្រគល់ករណីនេះអោយទៅខាងសមត្ថកិច្ចខណ្ឌពោធិ៍សែនជ័យ យកទៅសួរនាំអនុវត្តនីតិវិធីបន្ត ៕
ចែករំលែកព័តមាននេះ