ខេត្តស្វាយរៀង ៖ ករណីគ្រោះថ្នាក់ចរាចរណ៍ដ៏រន្ធត់ បណ្តាលឲ្យបុរសម្នាក់ស្លាប់ភ្លាមៗ នៅនឹងកន្លែងគួរឲ្យញាក់សាច់ ខណៈជនរងគ្រោះកំពុងបើកបរម៉ូតូនៅខាងស្តាំដៃ ក្នុងទិសដៅបញ្ច្រាសទិសគ្នា នៅលើកំណាត់ផ្លូវជាតិលេខ១ ស្រាប់តែរថយន្តក្រុងប្រភេទទេសចរណ៍បើកមកពីទិសខាងកើតមកលិច បើកវ៉ាជែងរថយន្តផ្សេងទៀត…
ខេត្តស្វាយរៀង ៖ ករណីគ្រោះថ្នាក់ចរាចរណ៍ដ៏រន្ធត់ បណ្តាលឲ្យបុរសម្នាក់ស្លាប់ភ្លាមៗ នៅនឹងកន្លែងគួរឲ្យញាក់សាច់ ខណៈជនរងគ្រោះកំពុងបើកបរម៉ូតូនៅខាងស្តាំដៃ ក្នុងទិសដៅបញ្ច្រាសទិសគ្នា នៅលើកំណាត់ផ្លូវជាតិលេខ១ ស្រាប់តែរថយន្តក្រុងប្រភេទទេសចរណ៍បើកមកពីទិសខាងកើតមកលិច បើកវ៉ាជែងរថយន្តផ្សេងទៀត ក៏ជ្រុលទៅបុកម៉ូតូជនរងគ្រោះចំពីមុខពេញទំហឹងលាន់ដូចរន្ទះខែចែត្រ ប៉ើងជនរងគ្រោះបុក និងកញ្ចក់រថយន្តបែកក្បាលធ្ងន់ធ្ងរ បណ្តាលឲ្យស្លាប់ភ្លាមៗនៅនិងកន្លែង ។ ករណីដ៏រន្ធត់នេះបានកើតឡើងនៅវេលាម៉ោង១២និង១៥នាទីថ្ងៃទី៨ ខែមិនានេះ នៅលើផ្លូវជាតិលេខ(១) ចន្លោះគីឡូម៉ែត្រលេខ១៥២-១៥៣ ស្ថិតក្នុងភូមិព្រៃទប់ សង្កាត់ព្រៃអង្គុញ ក្រុងបាវិត ខេត្តស្វាយរៀង ។
បើតាមសមត្ថកិច្ចបានឲ្យដឹងថា រថយន្ត០១គ្រឿង ប្រភេទទេសចរណ៍៤៥កៅអី ពណ៌ក្រហមលាយស ពាក់ស្លាកលេខ ភ្នំពេញ3A-1385 អ្នកបើកបរមិនស្គាល់អត្តសញ្ញាណ ( លុះបើកបរមកដល់ចំណុចកើតហេតុខាងលើបានបុកម៉ូតូ១គ្រឿង C-125 ពណ៌ខ្មៅ ពាក់ស្លាកលេខស្វាយរៀង1I-8674 បើកបរដោយឈ្មោះ តូច ភិន ភេទប្រុស អាយុ២៦ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិរោងដំរី ឃុំស្វាយចេក ស្រុករំដួល បើកបរម៉ូតូពីទិសខាងលិចទៅកើត បណ្តាលឲ្យស្លាប់ភ្លាមៗ នៅកន្លែងកើតហេតុ ។
ក្រោយពីបង្កគ្រោះថ្នាករួច អ្នកបើកបររថយន្តបានបើកទ្វារថយន្តរត់គេចខ្លួនបាត់ ពីកន្លែងកើតហេតុបាត់ស្រមោល ។ មូលហេតុ អ្នកបើកបររថយន្តទេសចរណ៍មិនប្រកាន់ស្តាំវ៉ាជែងចំណុចគ្រោះថ្នាក់ ។
ក្រោយពីសមត្ថកិច្ចធ្វើការវាស់វែងរួច បានកសាងសំណុំរឿងបញ្ជូនរថយន្តបង្ក និងម៉ូតូទៅរក្សាទុកនៅអធិការដ្ឋាននគបាលក្រុងបាវិត ដើម្បីរង់ចាំការដោះស្រាយតាមនីតិវិធី ។ ចំណែកសពជនរងគ្រោះសមត្ថកិច្ចបានប្រគល់ឲ្យទៅក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ