ការផឹកគ្រឿងស្រវឹងហួសហេតុមានន័យថា បំផ្លាញសុខភាព ឬជាទម្លាប់នៃការផឹកស្រាប្រកបដោយគ្រោះថ្នាក់ ដូចជាផឹករាល់ថ្ងៃ ឬផឹកម្តងៗច្រើនពេក ។ ការផឹកស្រាច្រើនហួសហេតុអាចមានបញ្ហាដល់ការទាក់ទង បាត់បង់ការងារ និងល្មើសច្បាប់ ដូចជាស្រវឹងនៅពេលបើកបរជាដើម…
ការផឹកគ្រឿងស្រវឹងហួសហេតុមានន័យថា បំផ្លាញសុខភាព ឬជាទម្លាប់នៃការផឹកស្រាប្រកបដោយគ្រោះថ្នាក់ ដូចជាផឹករាល់ថ្ងៃ ឬផឹកម្តងៗច្រើនពេក ។ ការផឹកស្រាច្រើនហួសហេតុអាចមានបញ្ហាដល់ការទាក់ទង បាត់បង់ការងារ និងល្មើសច្បាប់ ដូចជាស្រវឹងនៅពេលបើកបរជាដើម ។
ប្រសិនបើអ្នកនៅបន្តផឹកស្រាកាន់តែច្រើនទៀត វានឹងនាំឲ្យអ្នកក្លាយជាមនុស្សខ្វះស្រាមិនបាន ឬមនុស្សប្រមឹក ។ នៅពេលក្លាយជាមនុស្សញៀនស្រាហើយ មានន័យថាអ្នកញៀនទាំងកាយ និងទាំងចិត្ត ហើយពេលនោះអ្នកត្រូវធ្វើយ៉ាងណាក៏ដោយឲ្យតែបានស្រាដើម្បីផឹកទៀត ។
អ្នកប្រហែលជាត្រូវការផឹកស្រាដោយខានមិនបានប្រសិនបើអ្នកមានបញ្ហា៣ ឬច្រើនជាងនេះដូចខាងក្រោម៖
•អ្នកមិនអាចបញ្ឍប់ការផឹក ឬផឹកច្រើនបាន
•អ្នកត្រូវការផឹកដើម្បីដូចកាលពីលើកមុន
•អ្នកធ្លាប់មានអារម្មណ៍ ដូចជា ឈឺក្រពះ បែកញើស ញ័រសាច់ និង ថប់ៗអារម្មណ៍ នៅពេលព្យាយាមផ្តាច់ស្រា
•អ្នកត្រូវចំណាយពេលវេលាយូរក្នុងការផឹក និងស្វាង ឬត្រូវលះបង់ការងារជាច្រើនដើម្បីតែផឹក
•អ្នកធ្លាប់ព្យាយាមបញ្ឈប់ការផឹកស្រាដែរ តែធ្វើទៅវាមិនរួច
•ដឹងថាការផឹកស្រានាំឲ្យប៉ះពាល់ដល់ការទាក់ទង និងធ្វើឲ្យមានបញ្ហារាងកាយក៏ដោយ នៅតែចង់ផឹកទៀត
អ្នកញៀនស្រាគឺជាអ្នកដែលមានជំងឺជាមួយស្រារ៉ាំរ៉ៃ ហើយវាក៏ដូចជាជំងឺ ផ្សេងៗជាច្រើនទៀតដែរ ដោយសារវាមិនធ្វើឲ្យអស់កម្លាំង ឬបាត់បង់ស្មារតីនោះទេ ។ ជំងឺនេះកើតមានឡើងដោយសារ ហ្សែន និង ស្ថានភាពរស់នៅ ។
តើផឹយ៉ាងណាទើបគិតថាផឹកច្រើន ?
ស្រាជាផ្នែកមួយនៃការរស់នៅរបស់មនុស្សជាច្រើន ហើយអាចជាទំនៀមទម្លាប់របស់វប្បធម៌ ឬគ្រួសារមួយចំនួន ។ ពេលខ្លះវាមានការពិបាកណាស់ក្នុងការធ្វើយ៉ាងមេ៉ចទើបដឹងថាផឹកច្រើន ។
អ្នកអាចប្រឈមមុខនឹងការផឹកច្រើន ហើយត្រូវទៅពិគ្រោះជាមួយគ្រូពេទ្យប្រសិនបើអ្នកជា៖
•ស្ត្រីដែលផឹកលើសពី៣កំប៉ុងក្នុងមួយពេល ឬច្រើនជាង៧កំប៉ុងក្នុងមួយសប្តាហ៍ ។ ស្តងដារនៃការផឹក គឺត្រឹមតែមួយកំប៉ុងស្រាបៀរ ឬមួយកែវស្រា ។
•បុរសដែលផឹកលើសពី៤កំប៉ុងក្នុងមួយពេល ឬច្រើនជាង១៤កំប៉ុងក្នុងមួយសប្តាហ៍ ។
តើមានសញ្ញាអី្វខ្លះសម្រាប់សម្គាល់ពីការផឹកស្រាហួសហេតុ ឬអត់ស្រាមិនបាន ?
សញ្ញាមានដូចជា៖
•តែងតែផឹកនៅពេលព្រឹក ហើយស្រវឹងយូរៗ ឬផឹកតែឯង
•ផ្លាស់ប្តូររបស់ផឹក ដូចជាពីស្រាបៀរមកផឹកស្រាវិញ ព្រោះគិតថាអាចជួយឲ្យផឹកកាន់តែតិច ឬកុំឲ្យឆាប់ស្រវឹង
•មានអារម្មណ៍ថាខុសឆ្គងក្រោយផឹក
•លាក់ពីអ្នកដទៃ ថាខ្លួនឯងប្រមឹកនឹងស្រា តាមរយៈផ្លាស់ប្តូរកន្លែងទិញស្រា
•មិនចាំនូវអី្វដែលខ្លួនឯងបានធ្វើខណៈពេលកំពុងផឹក ឬបាត់បងស្មារតី
តើមានការវិនិច្ឆ័យដូចម្តេចចំពោះបញ្ហាស្រា ?
ប្រសិនបើមិត្តភក្តិ ឬអ្នកផឹកជាមួយគិតថាអ្នកមានបញ្ហាជាមួយស្រា គេប្រហែលជាណែនាំឲ្យអ្នកមក ជួបគ្រូពេទ្យហើយ ។ គ្រូពេទ្យនឹងសួរអ្នកនូវសំនួរជាច្រើនស្តីអំពី រោគសញ្ញាដែលធ្លាប់មាន និងសុខភាពកាលពីអតីតកាល បន្ទាប់មកពិនិត្យលើរាងកាយ (Physical Exam) ហើយពេលខ្លះវាយតម្លៃលើសុខភាពផ្លូវចិត្ត ។ ការវាយតម្លៃសុខភាពផ្លូវចិត្ត ដើម្បីដឹងថា អ្នកជំងឺមានបញ្ហាផ្លូវចិត្ត ឬអត់ដូចជា ជំងឺបាក់ទឹកចិត្ត ។
តើការព្យាបាលធ្វើឡើងយ៉ាងដូចម្តេចដែរ ?
ការព្យាបាលគឺផ្អែកលើភាពអាក្រក់នៃបញ្ហាស្រារបស់អ្នកដល់កំរិតណាហើយ ។ មានមនុស្សមួយចំនួន អាចធ្វើការកាត់បន្ថយពីការផឹកច្រើនមកមធ្យម ជាមួយការជួយសម្រួលពីអ្នកប្រឹក្សា។ អ្នកខ្លះទៀតដែលញៀននឹងស្រាមែនទែន គឺត្រូវការប្រើថ្នាំសម្រាប់ព្យាបាល ហើយត្រូវដេកពេទ្យថើមទៀតផង ។
លោកគ្រូពេទ្យនឹងសម្រេចចិត្តបន្សាបជាតិស្រាជាមួយ detoxification រឺ detox មុនពេលព្យាបាល ។ Detox មាននាទីបង្ហូរជាតិស្រាដែលក្នុងខ្លួនចេញ ហើយគេអាចប្រើវានៅពេលដែលញៀនស្រាផងដែរ ។ នៅពេលដែលអ្នកបានប្រើ Detox ហើយគួរអ្នកនៅឲ្យឆ្ងាយពីស្រា ឬឈប់ផឹកតទៅទៀត ។ មានមធ្យបាយជាច្រើនក្នុងការព្យាបាលអ្នកញៀនស្រា ដូចជាការផ្តល់ព្រឹក្សា និងការប្រើប្រាស់ថ្នាំ ។
ការព្យាបាលមិនផ្តោតលើកការប្រើប្រាស់ស្រាមួយមុខនោះទេ តែវាត្រូវផ្សំគ្នានិងជីវិតរស់នៅ ដូចជា ការទាក់ទង ការងារ បញ្ហាថ្នាំ និងស្ថានភាពរស់នៅសព្វថ្ងៃផងដែរ ។ ការព្យាបាល និងការងាកមក រកជីវិតដើមវិញ អាចជួយឲ្យអ្នករស់នៅដោយមិនបាច់មានស្រាបាន ។
តើអ្នកអាចធ្វើអី្វបានប្រសិនបើអ្នក ឬអ្នកដទៃមានបញ្ហានឹងស្រា ?
ការជួយអ្នកដទៃពីបញ្ហាស្រា មានការលំបាកណាស់ ។ អ្នកអាចជួយពួកគេ តាមរយៈនិយាយពីអំពើដែលអ្នកផឹកស្រាស្រវឹង ហើយតើគេបានធ្វើអ្វីខ្លះចំពោះខ្លួនឯង និងអ្នកដទៃ ។ ការនិយាយនេះ គឺត្រូវនិយាយជាលក្ខណៈបុគ្គល ហើយឲ្យប្រាកដថាគេមិនមានប្រើថ្នាំ ឬផឹកស្រាទេ ៕
ចែករំលែកព័តមាននេះ