រាជធានីភ្នំពេញ ៖ អ្នកស្រីឌឹម ស្រីមុំ ជាគ្រូបង្រៀននៅស្រុកកងមាសខេត្តកំពង់ចាម ដែលរងគ្រោះដោយសារការធ្វេសប្រហែសដោយគ្រូពេទ្យវះពោះឆ្លងទន្លេហើយបន្សល់ទុកកូនកន្សែងក្នុងពោះ ហើយត្រូវបានសម្តេចកិត្តិព្រឹទ្ធបណ្ឌិតប៊ុន រ៉ានី ហុ៊នសែន ប្រធានកាកបាទក្រហមកម្ពុជា…
រាជធានីភ្នំពេញ ៖ អ្នកស្រីឌឹម ស្រីមុំ ជាគ្រូបង្រៀននៅស្រុកកងមាសខេត្តកំពង់ចាម ដែលរងគ្រោះដោយសារការធ្វេសប្រហែសដោយគ្រូពេទ្យវះពោះឆ្លងទន្លេហើយបន្សល់ទុកកូនកន្សែងក្នុងពោះ ហើយត្រូវបានសម្តេចកិត្តិព្រឹទ្ធបណ្ឌិតប៊ុន រ៉ានី ហុ៊នសែន ប្រធានកាកបាទក្រហមកម្ពុជា បានឱ្យសម្រាក និងទទួលការព្យាបាលយ៉ាងយកចិត្តទុកដាក់នៅមន្ទីរពេទ្យកាល់ម៉ែត ព្រមទាំងទទួលបានការឧបត្ថម្ភជាថវិកា សម្ភារៈប្រើប្រាស់មួយចំនួនទៀតផង ត្រូវបានគ្រូពេទ្យអនុញ្ញាតឲ្យវិលត្រឡប់ទៅផ្ទះវិញនៅថ្ងៃពុធ ទី៧ មីនា ឆ្នាំ២០១៨ បន្ទាប់ពីទទួលការព្យាបាលយ៉ាងយកចិត្តទុកដាក់ពីក្រុមវេជ្ជបណ្ឌិតជំនាញនៃមន្ទីរពេទ្យកាល់ម៉ែតអស់ពេលជាមួយសប្តាហ៍ ។
គួរបញ្ជាក់ថា កាលពីល្ងាចថ្ងៃទី២៧ កុម្ភៈ នេះ លោកជំទាវ ម៉ែន នារីសោភ័គ អគ្គលេខាធិការរងទី ១ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិតប្រធាន ដែលផ្តាំផ្ញើសួរសុខទុក្ខ និងលើកទឹកចិត្តដល់អ្នកស្
រី ឌឹម ស្រីមុំ ឱ្យខិតខំបំប៉នសុខភាពឱ្យបានល្អ បរិភោគអាហារមានជីវជាតិ មានអនាម័យស្អាត អនុវត្តតាមការណែនាំរបស់គ្រូពេទ្យ និងជូនពរឆាប់បានជាសះស្បើយឡើងវិញ ។
នៅព្រឹកថ្ងៃទី៦ មីនា ឆ្នាំ២០១៨ នៅមន្ទីរពេទ្យកាល់មែ៉ត ក្នុងទឹកមុខស្រស់ស្រាយអ្នកស្រី ឌឹម ស្រីមុំ បានថ្លែងថា អ្នកស្រីនិងស្វាមីព្រមទាំងក្រុមគ្រួសារមានទឹកចិត្តរំភើបក្រៃលែងរកពាក្យអ្វីមកនិយាយមិនបានក្រោយពីក្រុមវេជ្ជបណ្ឌិតជំនាញនៃមន្ទីរពេទ្យកាល់ម៉ែត ជួយព្យាបាលមុខរបួសយ៉ាងយកចិត្តទុកដាក់រហូតបានជាសះស្បើយ ។ ហើយអ្នកស្រីមានក្តីរំភើបឥតឧបមាដោយបាន កាកបាទក្រហមកម្ពុជា ដែលមាន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រមុខដឹកនាំ បានគិតគូរ ជួយដោះស្រាយ និងសម្រាលការលំបាក ផ្តល់កម្លាំងចិត្ត ក្តីសង្ឃឹម និងភាពកក់ក្តៅ ដល់គ្រួសារអ្នកស្រី ក៏ដូចប្រជាពលរដ្ឋទូទៅ ដោយគ្មានការរើសអើង មិនប្រកាន់វណ្ណៈ ពូជសាសន៍ ពណ៌សម្បុរ ឬនិន្នាការនយោបាយអ្វីឡើយទើបអ្នកស្រីរួចផុតពីសេចក្តីស្លាប់ ។
ចែករំលែកព័តមាននេះ