រាជធានីភ្នំពេញ ៖ សមត្ថកិច្ចកំពុងស្រាវជ្រាវករណីបុរសម្នាក់បង្ហោះសារតាមបណ្តាញសង្គមថា ខ្លួនផឹកលើសជាតិអាល់កុលត្រឹម៤០ ហើយត្រូវនគបាលចរាចរណ៍ផាកពិន័យ២លានរៀល ដោយគ្មានលុយបង់ក៏សម្រេចចិត្តដេកជាមួយកូនហាលមូស ។ យោងតាមបណ្តាញសង្គមហ្វេសប៊ុករបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ នៅថ្ងៃទី១៤…
រាជធានីភ្នំពេញ ៖ សមត្ថកិច្ចកំពុងស្រាវជ្រាវករណីបុរសម្នាក់បង្ហោះសារតាមបណ្តាញសង្គមថា ខ្លួនផឹកលើសជាតិអាល់កុលត្រឹម៤០ ហើយត្រូវនគបាលចរាចរណ៍ផាកពិន័យ២លានរៀល ដោយគ្មានលុយបង់ក៏សម្រេចចិត្តដេកជាមួយកូនហាលមូស ។
យោងតាមបណ្តាញសង្គមហ្វេសប៊ុករបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ នៅថ្ងៃទី១៤ ខែឧសភា ឆ្នាំ២០២៥ បានបញ្ជាក់ថា ករណីការចុះផ្សាយតាមបណ្តាញសង្គម នៅព្រឹកថ្ងៃទី១៤ ឧសភា ឆ្នាំ២០២៥ ពាក់ព័ន្ធការពិន័យបុរសម្នាក់ចំនួន២លានរៀល គ្រាន់តែហូបគ្រឿងស្រវឹងនោះ ក្រុមការងារបាន និងកំពុងមានចំណាត់ការស៊ើបបញ្ជាក់ ដើម្បីមានមូលដ្ឋានគ្រប់គ្រាន់ក្នុងការបំភ្លឺជូនសាធារណជនជ្រាបអំពីការអនុវត្តនិតិវិធីផាកពិន័យនេះ ។
ការលើកឡើងរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញបន្ទាប់ពីឯកឧត្តម ខៀវ កាញារីទ្ធិ សមាជិករដ្ឋសភាបានយកខ្លឹមសាររបស់បុរសខាងលើ មកផ្សាយដោយខ្លឹមសារយ៉ាងដូច្នេះថា៖
«សុំអធ្យាស្រ័យលោកអុំ សុំសួររំខានអុំបន្តិចពេលបើកបរ ខ្ញុំបាទហូបជាតិអាកុលមានលើសពី40 ត្រូវប៉ូលិសពិន័យ2លានរៀល តាមច្បាប់ប៉ុន្នឹងមែន តែសុំសួអុំបន្តិចតើមានដំណោះស្រាយឬគ្មានអុំ ខ្ញុំមកពីបុណ្យសព លោកពូនៅភ្នំពេញ ខ្ញុំមកពីខេត្តតាកែវ ហើយក៏កំលាំងសមត្ថកិច្ចខណ្ឌដង្កោ ហៅខ្ញុំខុស ក៏ខ្ញុំមិនគេចវេសពីកាអនុវត្តរបស់កងកំលាំងដែរ ខ្ញុំសុំគាត់សម្រួលខ្ញុំដឹងខុស ខ្ញុំសុំសំរួលល្មមៗ ពីរលានខ្ញុំរៀល ខ្ញុំមានលុយឯណាបង់ កូនខ្ញុំហាលមូសខ្យល់គាត់មិនព្រម ហេតុអ្វីបានដកសោឡានខ្ញុំហើយ យកសោចាក់ចង្កូតរបស់ពួកគាត់មកចាក់ឡានខ្ញុំទៀត ខ្ញុំសុំថា សុំតែសោកាច់សោឡានអោយកូនខ្ញុំសំរាកនឹងសាកថ្មទូរសព្ទ័មិនព្រមទៀត ខ្ញុំមិនយល់ហេតុអ្វីសមត្ថកិច្ចបំរើរាស្ត្រ តែរាស្ត្រខុស ហើយសុំសំរួលខ្លះនៅតែមិនព្រម ហើយក៏ក្មួយមិនចេះដែរ តើហេតុអ្វីធ្វើដល់ថ្នាក់នឹង ត្រឹមតែខ្ញុំសុំសោឡានកាច់សោបើកកង្ហារអោយកូនគ្រួសារខ្ញុំសំរាកនឹងសាកថ្មទូរសព្ទ័ គាត់មិនព្រមរហូត ខ្ញុំសរសេរទៅសួរលោកអុំ ទាំងម៉ោង3៖45នាទីព្រឹក ខ្ញុំមិនសំរាករង់ចាំកំលាំងគាត់ក្រោមធ្វើការវិញ។ សុំគោរពនឹងអធ្យាស្រ័យលោកពូ2លានខ្ញុំខុសច្បាប់មែនលោកពូ តែខ្ញុំគ្មាន2លានសំរាប់បង់ទេ ខ្ញុំរកតែបង់ធនាគារ1ខែជាង1លានមិនបានផង សោកស្តាយណាស់ ។
ចែករំលែកព័តមាននេះ