ការងូតទឹកក្តៅឧណ្ណៗនៅពេលមុនចូលគេង គឺជាទម្លាប់មួយដ៏ល្អក្នុងការធ្វើអនាម័យខ្លួនប្រាណ ។ តែអ្នកមិនគួរងូតហើយភ្លាមទៅចូលគេងភ្លាមនោះទេ ដោយសារតែការធ្វើដូចនេះអាចបង្កជាបញ្ហាដល់សុខភាព។ ថ្ងៃនេះអ្នកនឹងបានស្គាល់ពីបញ្ហាទាំងអស់នោះ។ ១. វាអាចធ្វើឱ្យបេះដូងអ្នកលោតញាប់ប្រសិនបើអ្នកធ្លាប់មានអារម្មណ៍ថា បេះដូងលោតលឿនបន្ទាប់ពីងូតទឹកក្តៅឧណ្ណៗនោះ វាមកពីមូលហេតុមួយនេះ…
ការងូតទឹកក្តៅឧណ្ណៗនៅពេលមុនចូលគេង គឺជាទម្លាប់មួយដ៏ល្អក្នុងការធ្វើអនាម័យខ្លួនប្រាណ ។ តែអ្នកមិនគួរងូតហើយភ្លាមទៅចូលគេងភ្លាមនោះទេ ដោយសារតែការធ្វើដូចនេះអាចបង្កជាបញ្ហាដល់សុខភាព។ ថ្ងៃនេះអ្នកនឹងបានស្គាល់ពីបញ្ហាទាំងអស់នោះ។
១. វាអាចធ្វើឱ្យបេះដូងអ្នកលោតញាប់
ប្រសិនបើអ្នកធ្លាប់មានអារម្មណ៍ថា បេះដូងលោតលឿនបន្ទាប់ពីងូតទឹកក្តៅឧណ្ណៗនោះ វាមកពីមូលហេតុមួយនេះ ដែលមានការពន្យល់បែបវិទ្យាសាស្ត្រ។ ទឹកក្តៅបង្កើនសម្ពាធឈាមរបស់អ្នក ហើយអ្នកជំនាញខាងវេជ្ជសាស្ត្រព្រមានថា វាអាចធ្វើឱ្យរាងកាយរបស់អ្នកឡើងកំដៅខ្លាំងនិងបង្កឱ្យមានភាពតានតឹងដល់បេះដូង។ នៅពេលដែលបេះដូងរបស់អ្នកកំពុងលោតញាប់ អ្នកទំនងជាពិបាកក្នុងការគេងលក់ហើយ។
២. វាអាចបណ្តាលឱ្យអ្នកឡើងទម្ងន់
ការទទួលទានអាហារពេលល្ងាចដ៏ឆ្ងាញ់និងងូតទឹកក្តៅឧណ្ណៗ ប្រហែលជាមើលទៅដូចជាវិធីដ៏ល្អមួយ ដែលត្រូវធ្វើមុនពេលចូលគេង។ ប៉ុន្តែការពិត ការងូតទឹកក្តៅឧណ្ណៗ បន្ទាប់ពីទទួលទានអាហារល្ងាចរួច អាចធ្វើឱ្យប្រព័ន្ធរំលាយអាហាររបស់អ្នកមានការរំលាយអាហារយឺតនិងនាំឱ្យឡើងទម្ងន់។ ការរំលាយអាហារតម្រូវឱ្យមានការកើនឡើងលំហូរឈាមឆ្ពោះទៅក្រពះ ហើយការងូតទឹកបណ្តាលឱ្យឈាមហូរទៅផ្នែកផ្សេងទៀតនៃរាងកាយ។ ប្រសិនបើអ្នកមានអារម្មណ៍ថា អ្នកត្រូវការលាងសម្អាតខ្លួននៅពេលល្ងាច អ្នកត្រូវរង់ចាំយ៉ាងហោចណាស់ ៣០នាទី បន្ទាប់ពីទទួលទានអាហាររួច។
៣. វាមិនល្អសម្រាប់សក់របស់អ្នក
ការចូលគេងក្រោយពីងូតទឹកហើយភ្លាមៗ ជាមួយនឹងសក់សើម អាចធ្វើឱ្យអ្នកមានបញ្ហាស្បែកមុខនិងសរសៃសក់។ ការគេងជាមួយសក់សើម នឹងធ្វើឱ្យស្រោមខ្នើយកើយរបស់អ្នកស្រូបយកជាតិសំណើមនិងបង្កើតបរិយាកាសក្តៅសើម ដែលល្អសម្រាប់ការលូតលាស់របស់បាក់តេរី។ វាអាចបង្កជាបញ្ហាមុនលើស្បែកមុខ និង បញ្ហាអង្គែលើស្បែកក្បាល៕
ចែករំលែកព័តមាននេះ