ខេត្តព្រៃវែង ៖ តាចាស់ម្នាក់អាយុ៧២ឆ្នាំ និងថែមទាំងពិការដៃម្ខាងផង បានល្បួងក្មេងស្រីម្នាក់អាយុ៥ឆ្នាំយកទៅរំលោភនៅក្នុងផ្ទះ រហូតដល់ទៅ២លើក ។ តាចាស់ជាប់ចោទខាងលើនេះឈ្មោះ ឡូញ ស៊ីម…
ខេត្តព្រៃវែង ៖ តាចាស់ម្នាក់អាយុ៧២ឆ្នាំ និងថែមទាំងពិការដៃម្ខាងផង បានល្បួងក្មេងស្រីម្នាក់អាយុ៥ឆ្នាំយកទៅរំលោភនៅក្នុងផ្ទះ រហូតដល់ទៅ២លើក ។ តាចាស់ជាប់ចោទខាងលើនេះឈ្មោះ ឡូញ ស៊ីម ជាបុរសពោះម៉ាយដែលប្រពន្ធស្លាប់ចោល៦ឆ្នាំមកហើយ មានទីលំនៅក្នុងឃុំកំពង់ពពិល ស្រុកពារាំង ។ ។ ជននេះ បានត្រូវសមត្ថកិច្ចឃាត់ខ្លួន ពេលហៅមកសាកសួរនៅប៉ុស្តិ៍នគរបាលកំពង់ពពិល កាលពីព្រឹកថ្ងៃទី២ខែ
មីនា ។
លោក ថេង ប៊ុនឡេង នាយប៉ុស្តិ៍នគរបាលឃុំកំពង់ពពិល បានឱ្យដឹងថា នៅពេលហៅមកសាកសួរ តាចាស់រូបនេះបានសារភាពថា កាលពីដើមខែកុម្ភៈកន្លងមក គាត់បានល្បួងក្មេងស្រីឱ្យចូលទៅហូបបាយក្នុងផ្ទះរបស់គាត់ ហើយក៏ចាប់រំលោភបានសម្រេចម្ដង ប៉ុន្តែពេលនោះនាងមិនយំឬរងរបួសអ្វីទេ គឺគាត់សម្រេចកាមតែខ្លួនឯងប៉ុណ្ណោះដោយបញ្ចេញទឹកកាមដាក់លើក្បាលពោះក្មេងស្រី ។
លុះមកដល់ថ្ងៃទី២៨ ខែកុម្ភៈ ដោយមានអារម្មណ៍ស្រើបស្រាលចង់រួមភេទខ្លាំងពេក ក៏ល្បួងក្មេងស្រីដដែលដោយឱ្យនំហូប រួចក៏ហៅឱ្យចូលក្នុងផ្ទះរំលោភរហូតបានសម្រេចម្ដងទៀត តែមិនស៊ីជម្រៅទេ ។ ប៉ុន្តែក្នុងពេលធ្វើសកម្មភាពនោះ ត្រូវបងប្រុសបង្កើតរបស់នាងឃើញតាមប្រហោងជញ្ជាំងផ្ទះ ក៏រត់ទៅប្រាប់ឪពុកម្តាយ ហើយក៏មានដាក់ពាក្យប្តឹងទៅនគរបាលប៉ុស្តិ៍ឃុំកំពង់ពពិល នៅល្ងាចថ្ងៃដដែលនោះ ។
លោកនាយប៉ុស្តិ៍ថ្លែងថា ក្រោយពីទទួលបានពាក្យបណ្តឹងរបស់ក្រុមគ្រួសារក្មេងស្រី លោកក៏ឱ្យមន្ត្រីចុះទៅហៅជនសង្ស័យមកសាកសួរនៅប៉ុស្តិ៍ ។ ជនសង្ស័យបានឆ្លើយសារភាពពីដំណើររឿងទាំងអស់ ទើបសមត្ថកិច្ចឃាត់ខ្លួនកសាងសំណុំរឿងចាត់ការទៅតាមនីតិវិធី ដើម្បីបញ្ជូនទៅសាលាដំបូងខេត្ត ៕
ចែករំលែកព័តមាននេះ