ខេត្តបន្ទាយមានជ័យ ៖ ក្រុងចំនួន២ទទួលជ័យលាភីទីក្រុងស្អាតលើកទី២ ឆ្នាំ២០១៨-២០២១ មានក្រុងសិរីសោភ័ណ និងក្រុងប៉ោយប៉ែត ទទួលបានផ្ការំដួល២ទងដូចគ្នា ។ លោក ហ៊ឹល…
ខេត្តបន្ទាយមានជ័យ ៖ ក្រុងចំនួន២ទទួលជ័យលាភីទីក្រុងស្អាតលើកទី២ ឆ្នាំ២០១៨-២០២១ មានក្រុងសិរីសោភ័ណ និងក្រុងប៉ោយប៉ែត ទទួលបានផ្ការំដួល២ទងដូចគ្នា ។
លោក ហ៊ឹល រ៉ាយ៉ា អភិបាលក្រុងសិរីសោភ័ណបានប្រាប់ថា ៖ ក្នុងពិធីសន្និបាតបូកសរុបការងារទេសចរណ៍ឆ្នាំ២០១៧ និងអនុវត្តទិសដៅបន្តឆ្នាំ២០១៨ អមជាមួយពិធីអបអរសាទរទិវាជាតិទីក្រុងស្អាត (ក្រោមប្រធានបទ ទីក្រុងស្អាតដើម្បីទាំងអស់គ្នា) និងចែកជ័យលាភីទីក្រុងស្អាតលើកទី២ សម្រាប់ឆ្នាំ២០១៨-២០២១ ។
ខេត្តបន្ទាយមានជ័យ មានក្រុង២ដែលទទួលបានជ័យលាភីទីក្រុងស្អាតលើកទី២ សម្រាប់ឆ្នាំ២០១៨-២០២១ មាន ១.ក្រុងសិរីសោភ័ណ ទទួលបានទទួលផ្ការំដួល២ទង កាលឆ្នាំ២០១៧ ទទួលផ្ការំដួល២ទង ២.ក្រុងប៉ោយប៉ែត ទទួលបានផ្ការំដួល២ទង កាលពីឆ្នាំ២០១៧ ទទួលបានផ្ការំដួល១ទង ។
លោក សាន ស៊ានហូរ អភិបាលក្រុងប៉ោយប៉ែត បានបញ្ជាក់ថា ខេត្តមានជ័យមានស្រុកក្រុងចំនួន៩ តែមានក្រុងចំនួន២ ដែលបានចូលរួមប្រឡងប្រណាំងទីស្អាត (ក្រោមប្រធានបទទីក្រុងស្អាតដើម្បីទាំងអស់គ្នា) ហើយត្រូវបានទទួលជ័យលាភីទីក្រុស្អាតលើកទី២ សម្រាប់ឆ្នាំ២០១៨.២០២១ គឺក្រុងប៉ោយប៉ែតទទួលបានជ័យលាភីផ្ការំដួល២ទង កាលឆ្នាំ២០១៧ ទទួលបានជ័យលាភីផ្ការំដួល១ទង ។
លោក សួន បវរ អភិបាលខេត្តបន្ទាយមានជ័យ បានបញ្ជាក់ថា ខេត្តបន្ទាយមានជ័យ មានកិត្តិយសណាស់ដែលរាជរដ្ឋាភិបាលកម្ពុជាបានដាក់បញ្ជូល២ក្រុង ដើម្បីប្រឡងណាំងទីក្រុងស្អាតលើកទី២ ហើយទទួលបានជ័យលាភីផ្ការំដួល២ទងដូចគ្នា ។
លោកបានបញ្ជាក់ថា ខេត្តបន្ទាយមានជ័យដែលជាខេត្តមួយនៅទិសពាយព្យ នៃប្រទេសកម្ពុជា ហើយជាប់ព្រំដែនកម្ពុជា-ថៃ ដែលមានតំបន់រមណីយដ្ឋានធម្មជាតិ និងកែឆ្នៃចំនួន៩កន្លែង និងមានប្រាសាទបន្ទាយឆ្មារ និងប្រាសាទបន្ទាយទ័ព ស្ថិតក្នុងស្រុកថ្មពួក និងអាងត្រពាំងថ្ម ស្រុកភ្នំស្រុក និងសួនមានជ័យ ក្រុងសិរីសោភ័ណ ។ ស្របតាមគោលនយោបាយ និងដឹកនាំដ៏ឈ្លាវ៉ៃពី សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំប្រទេសមានសុខសន្តិភាព និងការអភិវឌ្ឍន៍មានខេត្តបន្ទាយមានជ័យមានការរីកចម្រើន ហើយមានក្រុង២ដែលទទួលបានជ័យលាភីទីក្រុងស្អាតលើកទី២បានផ្ការំដួល២ទងដូចគ្នា ៕
ចែករំលែកព័តមាននេះ