ខេត្តក្រចេះ ៖ លោកឆាន់ សាផាន រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី២៥ ធ្នូ ២០១២ បានចុះចែកប័ណ្ណកម្មសិទ្ធិជូនប្រជាពលរដ្ឋឃុំស្វាយជ្រះ ស្រុកស្នួល និងឃុំដំរីផុង ស្រុកឆ្លូង។
ខេត្តក្រចេះ ៖ លោកឆាន់ សាផាន រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់តំណាងដ៏ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី២៥ ធ្នូ ២០១២ បានចុះចែកប័ណ្ណកម្មសិទ្ធិជូនប្រជាពលរដ្ឋឃុំស្វាយជ្រះ ស្រុកស្នួល និងឃុំដំរីផុង ស្រុកឆ្លូង។
ថ្លែងនៅក្នុងពិធីចែកប័ណ្ណកម្មសិទ្ធិដីធ្លីជូនប្រជាពលរដ្ឋនេះលោក សរ ចំរុង អភិបាលខេត្តបានមានប្រសាសន៍ថា បច្ចុប្បន្នក្រុមវីរយុវជនស្ម័គ្រចិត្តមានចំនួន១៤ក្រុម និងមន្ត្រីបច្ចេកទេសមានចំនួន១៤ក្រុមអនុវត្តក្នុងគោលដៅស្រុកស្នួល ស្រុកឆ្លូង ស្រុកព្រែកប្រសព្វ និងស្រុកចិត្របុរី ទន្ទឹមនឹងនេះលទ្ធផលដែលទទួលបានគិតត្រឹមថ្ងៃទី២១ ធ្នូ ២០១២ សម្រេចបានប្រកាសតំបន់វិនិច្ឆ័យដី១៥ទីតាំងបំពេញសាលាកប័ត្របាន២៥.១៤២ក្បាលដី វាស់ក្បាលដីបានចំនួន២០.៨៦០គូសក្បាលដីបាន១៧.២៧៨ ស្មើនឹង៣៥.៦៤០ហិកតា បំពេញទម្រង់បែបបទបាន១៨.៧៨៣ច្បាប់ និងចែកប័ណ្ណកម្មសិទ្ធិដីជូនប្រជាពលរដ្ឋបាន៣លើកចំនួន១.៥៧៩គ្រួសារ ស្មើនឹង២.៣៨៤ប័ណ្ណ។
លោកអភិបាលខេត្តបានមានប្រសាសន៍បញ្ជាក់ថា ការចែកប័ណ្ណកម្មសិទ្ធិដីជូនប្រជាពលរដ្ឋក្នុងថ្ងៃនេះមានចំនួន៣ភូមិថែមទៀត គឺភូមិប្រឡាយត្រៀក ភូមិក្រូច ស្ថិតក្នុងឃុំដំរីផុង ស្រុកឆ្លូង និងភូមិរំពុក ស្ថិតក្នុងឃុំស្វាយជ្រះ ស្រុកស្នួល មានចំនួន១.៦១៨គ្រួសារ ស្មើនឹង២.៣៣១ប័ណ្ណ មានទំហំផ្ទៃដី៤.៦៩៨ហិកតា ដែលស្ថិតនៅក្នុងទីតាំងដីសម្បទានសេដ្ឋកិច្ចរបស់ក្រុមហ៊ុនចាន់ សុភា ក្រុមហ៊ុនដូវទៀងខេមបូឌា ក្រុមហ៊ុនដូវទៀងក្រចេះ និងដីព្រៃសម្បទានក្រុមហ៊ុនកាសូទីម ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ