ប្រតិភូសាលាស្រុកមណ្ឌលសីមាបាននាំយកថ្នាំពេទ្យ និងគ្រឿងឧបភោគបរិភោគជូនកងកម្លាំងឈរជើងព្រំដែនកម្ពុជា ថៃ
- កោះកុង
ខេត្តកោះកុង ៖ នៅថ្ងៃទី០៣ ខែមិថុនា ឆ្នាំ២០២៥ លោក សុខ ភិរម្យ អភិបាល នៃគណអភិបាលស្រុកមណ្ឌលសីមា…
ខេត្តកោះកុង ៖ នៅថ្ងៃទី០៣ ខែមិថុនា ឆ្នាំ២០២៥ លោក សុខ ភិរម្យ អភិបាល នៃគណអភិបាលស្រុកមណ្ឌលសីមា បាននាំយកថ្នាំពេទ្យ រួមទាំងគ្រឿងឧបភោគ បរិភោគមួយចំនួនឧបត្ថម្ភ ជូនដល់កងកម្លាំង នៃទីបញ្ជាការផ្នែកសឹករងមណ្ឌលសីមា និងកងវរសេនាតូចលេខ៣៣៧ ចំណុះតំបន់ប្រតិបត្តិការសឹករងកោះកុង ដែល កំពុងឈរជើងនៅជួរមុខតាមខ្សែរបន្ទាត់ព្រំដែនកម្ពុជា.ថៃ ខេត្តកោះកុង ។ នេះបើយោងតាមកងទ័ពជើងគោកនៃកងយោធពលខេមរភូមិន្ទបានបង្ហោះនាមុននេះ ។
ជំនួសមុខអោយនាយទាហាន នាយទាហានរង និងពលទាហាន នៅជួរមុខក្នុងភូមិសាស្ត្រអង្គភាពទទួលខុសត្រូវទាំងអស់ លោកវរសេនីយ៍ទោ សូ សវ៉ាត មេបញ្ជាការផ្នែកសឹករងមណ្ឌលសីមា និងលោកវរសេនីយ៍ត្រី ស៊ុម ខន មេបញ្ជាការកងវរសេនាតូចលេខ៣៣៧ តំណាងលោក ឧត្តមសេនីយ៍ត្រី ជួន សុភ័ក្រ មេបញ្ជាការតំបន់ប្រតិបត្តិការសឹករងកោះកុង បានសម្ដែងនៅភាពរីករាយយ៉ាងក្រៃលែង ដោយឃើញពីរការយកចិត្តទុកដាក់របស់បងប្អូនប្រជាពលរដ្ឋ តែងតែបានឧបត្ថម្ភគាំទ្រដល់កងកម្លាំងឈរជើងការពារអធិបតេយ្យភាពបូរណ:ភាពទឹកដី ។ នេះសបញ្ជាក់អោយឃើញពីរទឹកចិត្តរបស់អាជ្ញាធរគ្រប់ជាន់ថ្នាក់បានចូលរួមចំណែកចែកក្តីស្រលាញ់ និងលើកទឹកចិត្តដល់កងកម្លាំងជានិច្ច ក្នុងបុព្វហេតុការពារជាតិមាតុភូមិ ។
លោកមេបញ្ជាការកងឯកភាពទាំងពីរ សូមគោរពជូនពរ ដល់លោក អភិបាលស្រុក មណ្ឌលសីមា និងមន្ត្រីក្រោមឱវាទដែលបានចំណាយពេលវេលាដ៍មានតម្លៃ នាំយកយកនូវសម្ភារៈគ្រឿងឧបភោគបរិភោគ ជូនដល់កងកម្លាំងឈរជើងជួរមុខ នាពេលនេះ សូមមានសុខភាពល្អ កម្លាំងពលំមាំមួន រកទទួលទានមានបាន ប្រាជ្ញាជ្រះថ្លាវៀងវៃ និងជួបនូវពុទ្ធពរទាំងឡាយ៤ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
ចែករំលែកព័តមាននេះ