ខេត្តបាត់ដំបង ៖ បូកសរុបលទ្ឋផលការងារយោធាសន្តិសុខប្រចាំឆ្នាំ២០១៧ និងផ្សព្វផ្សាយទិសដៅឆ្នាំ២០១៨ របស់ការិយាល័យអភិវឌ្ឍន៍យោធភូមិភាគទី៥ក្នុងខេត្តបាត់ដំបង ដែលបានធ្វើឡើងនៅក្នុងទីបញ្ជាការដ្ឋានកាលពីថ្ងៃទី២៧ កុម្ភៈ ស្ថិតក្រោមអធិបតីភាពលោកឧត្តមសេនីយ៍ទោ លឹម…
ខេត្តបាត់ដំបង ៖ បូកសរុបលទ្ឋផលការងារយោធាសន្តិសុខប្រចាំឆ្នាំ២០១៧ និងផ្សព្វផ្សាយទិសដៅឆ្នាំ២០១៨ របស់ការិយាល័យអភិវឌ្ឍន៍យោធភូមិភាគទី៥ក្នុងខេត្តបាត់ដំបង ដែលបានធ្វើឡើងនៅក្នុងទីបញ្ជាការដ្ឋានកាលពីថ្ងៃទី២៧ កុម្ភៈ ស្ថិតក្រោមអធិបតីភាពលោកឧត្តមសេនីយ៍ទោ លឹម គុណវុឌ្ឍ មេបញ្ជាការរងយោធភូមិភាគទី៥ ទទួលបន្ទុកការងារអភិវឌ្ឍន៍ លោកឧត្តមសេនីយ័ត្រីហង្ស សុខា នាយរងសេនាធិការ នាយការិយាល័យអភិវឌ្ឍន៍កងទ័ពជើងគោក ដោយមាន នាយការិយាល័យអភិវឌ្ឍន៍មកពីតំបន់ប្រតិបត្តិការសឹករងខេត្តពោធិសាត់ បាត់ដំបង ប៉ៃលិន និងបន្ទាយមានជ័យ កងពលលេខ៥១ ៥២ និង៥៣ សរុបប្រមាណ៥០នាក់បានចូលរួម ។
លោកវរសេនីយ៍ឯក វណ្ណ សុភ័ណ្ឌ នាយការិយាល័យអភិវឌ្ឍន៍យោធភូមិភាគទី៥ បានអានរបាយការណ៍ប្រចាំឆ្នាំស្តីពីសកម្មភាព ជំរុញការអភិវឌ្ឍ កសាងទីតាំង ដាំដុះដើម្បីធានាជីវភាពកងទ័ពក្នុងអង្គភាព ថែរក្សាសន្តិសុខក្នុងសង្គម ការពារប្រទេស កិច្ចសហប្រតិបត្តការរួមគ្នា ជាមួយគ្រប់តាមបណ្តាអង្គភាព ការងារពង្រឹងកងកម្លាំង បំប៉នបន្ថែមការហ្វឹកហ្វឺន និងការកែទំរង់ក្នុងអង្គភាពដើម្បីធានាបានគុណភាពរបស់កងទ័ព។ បន្ទាប់មកនាយការិយាល័យតាមទិសនិមួយៗតាមព្រំដែន គ្រប់តំបន់ប្រតិបត្តការសឹករងទាំង៤ និងកងពលទាំង៣ បានរាយការណ៍លំអិតបន្ថែមទៀតអំពីការធានាបានផ្នែកសន្តិសុខ និងជីវភាពរបស់កងទ័ព និងកែសម្រួលដល់នាយទាហានមួយចំនួនដើម្បីពង្រឹងការងារតាមបណ្តាអង្គភាពឲ្យកាន់តែមានភាពរឹងមាំថែមទៀត។
បន្តមកលោកឧត្តមសេនីយ៍ត្រីហង្ស សុខា នាយរងសេនាធិការ នាយការិយាល័យអភិវឌ្ឍន៍កងទ័ពជើងគោកបានបញ្ជាក់ថា តាមបណ្តាអង្គភាពឃើញថាមានការរីកចំរើនច្រើនគឺមកពីមានការធ្វើទស្សនះសិក្សាស្វែងយល់ការកសាងអង្គភាពរឹកមាំលើគ្រប់វិស័យពីគ្នាទៅវិញទៅមក ដែលបានចែករំលែកបទពិសោធន៍ល្អៗយកទៅអនុវត្តន៍បន្ត ។
បន្ទាប់មកលោកឧត្តមសេនីយ៍ទោ លឹម គុណវុឌ្ឍ មេបញ្ជាការរងយោធភូមិភាគទី៥ បានផ្តាំផ្ញើ ដល់នាយការិយាល័យត្រូវជំរុញគ្រប់កងកម្លាំងឲ្យពង្រឹងលើការងារឲ្យមានគុណភាព ជំរុញការកសាងទីតាំង ពង្រីកការដាំដុះ ហើយត្រូវអនុវត្តឲ្យបានបន្ថែមទៀត តាមអភិក្រមរបស់សម្តេចតេជោហ៊ុន សែន ជានាយករដ្ឋមន្ត្រី បានដាក់ចេញមកមាន ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់ ព្រោះអភិក្រមនេះ គឺអាចជួយតម្រង់ទិសឲ្យគ្រប់បណ្តាកងកម្លាំងយើងមានគុណភាព និងប្រសិទ្ធភាពបំផុត។
ចែករំលែកព័តមាននេះ