ADផ្ទាំងផ្សព្វផ្សាយពាណិជ្ជកម្ម

Picture

តំណាង​អង្គទូត​ប្រចាំ​កម្ពុជា ២២​រូប តំណាង UN និង​អង្គការ​អន្តរជាតិ ៤​រូប ចុះ​ត្រួតពិនិត្យ​នៅ​តាម​តំបន់​ព្រំដែន ឧត្តរមានជ័យ និង​ខេត្តសៀមរាប

1 នាទី មុន

រាជធានី​ភ្នំពេញ ៖ ឯកឧត្តម ជុំ សុន្ទរី រដ្ឋលេខាធិការ និង​ជា​អ្នកនាំពាក្យ​ក្រសួងការបរទេស និង​សហប្រតិបត្តិការ​អន្តរជាតិ បាន​ឲ្យ​ដឹង​ថា ឯកឧត្តម…

រាជធានី​ភ្នំពេញ ៖ ឯកឧត្តម ជុំ សុន្ទរី រដ្ឋលេខាធិការ និង​ជា​អ្នកនាំពាក្យ​ក្រសួងការបរទេស និង​សហប្រតិបត្តិការ​អន្តរជាតិ បាន​ឲ្យ​ដឹង​ថា ឯកឧត្តម ប្រាក់ សុ​ខុន ឧបនាយករដ្ឋមន្ត្រី រដ្ឋមន្ត្រី​ក្រសួងការបរទេស និង​សហប្រតិបត្តិការ​អន្តរជាតិ​បាន​និង​កំពុង​តែ​ដឹកនាំ​បណ្ដា​អង្គទូត​បរទេស​ប្រចាំ​កម្ពុជា និង​អង្គការ​អន្ដរជាតិ ចុះ​ត្រួតពិនិត្យ​មួយ ដែល​មាន​រយៈពេល​០២​ថ្ងៃ គឺ​ថ្ងៃ​ទី​០១ និង​ថ្ងៃ​ទី​០២ ខែសីហា ឆ្នាំ​២០២៥ នៅ​តាម​តំបន់​ព្រំដែន​ក្នុង​ខេត្តឧត្តរមានជ័យ និង​ខេត្តសៀមរាប ដោយ​មានការ​ចូលរួម​ពី​បណ្តា​អង្គទូត និង​ពី​តំណាង​អង្គការសហប្រជាជាតិ អង្គការ​អន្តរជាតិ​មួយ​ចំនួន ដែល​ក្នុង​នោះ តំណាង​អង្គទូត​ប្រចាំ​កម្ពុជា​ចំនួន​២២​រូប ដោយ​មាន​ថ្នាក់​ឯកអគ្គរដ្ឋទូត​ចំនួន​១៥​រូប និង​តំណាង​របស់​អង្គការ​សហ​ប្រជា​តិ និង​អង្គការ​អន្តរជាតិ​ចំនួន​០៤​រូប ។

ការ​លើក​ឡើង​របស់​អ្នកនាំពាក្យ​ក្រសួងការបរទេស និង​សហប្រតិបត្តិការ​អន្តរជាតិ​ធ្វើ​ឡើង​ក្នុង​ការ​ធ្វើ​សេចក្តី​សង្ខេប​ព័ត៌មាន​ប្រចាំ​ថ្ងៃ ស្តី​ពី​លទ្ធផល នៃ​ការ​អនុ​វត្តបទ​ឈប់​បាញ់​រវាង​កម្ពុជា​-​ថៃ នៅ​ទីស្តីការគណៈរដ្ឋមន្ត្រី រសៀល​ថ្ងៃ​ទី​០១ ខែសីហា ឆ្នាំ​២០២៥ ។

ឯកឧត្តម​អ្នកនាំពាក្យ​បាន​គូសបញ្ជាក់​ថា ដំណើរ​ចុះ​ត្រួតពិនិត្យ​នេះ​រួម​មានការ​ចុះ​ត្រួតពិនិត្យ​នៅ​តាម​តំបន់​មួយ​ចំនួន​ដែល​បាន​រង​ផល​ប៉ះពាល់​ដោយសារ​ការ​វាយប្រហារ​របស់​កង​យោធា​ថៃ ក្នុង​រយៈពេល​កន្លង​មក​ថ្មី​ៗ នេះ​ក៏​ដូច​ជា​ចុះ​ទៅ​សួរសុខទុក្ខ និង​ផ្តល់​អំណោយ​ជូន​ដល់​យោធា​នៅ​ក្នុង​តំបន់​ប្រតិបត្តិការ​សឹក​រង​សំរោង ខេត្តឧត្តរមានជ័យ រួម​ទាំង​នៅ​តំបន់​ជនភៀសសឹក​មួយ​ចំនួន​ថែម​ទៀត​ផង ៕

_cuva

អត្ថបទសរសេរ ដោយ

កែសម្រួលដោយ