ឃើញឈាមប្រឡាក់ខោនាង ទើបដឹងរឿង
- កណ្តាល
ខេត្តកណ្តាល ៖ ក្មេងស្រីអាយុ១១ឆ្នាំ ម្នាក់កំពុងដេកលក់លើគ្រែ ក្រោមផ្ទះម្ដាយមីងតែម្នាក់ឯង ត្រូវបាន បុរសកូនមួយចាប់រំលោភបានសម្រេច កាលពីវេលាម៉ោង៩ និង៣០នាទីយប់ ថ្ងៃទី២៦…
ខេត្តកណ្តាល ៖ ក្មេងស្រីអាយុ១១ឆ្នាំ ម្នាក់កំពុងដេកលក់លើគ្រែ ក្រោមផ្ទះម្ដាយមីងតែម្នាក់ឯង ត្រូវបាន បុរសកូនមួយចាប់រំលោភបានសម្រេច កាលពីវេលាម៉ោង៩ និង៣០នាទីយប់ ថ្ងៃទី២៦ ខែកុម្ភៈនេះ នៅសំយ៉ាបក្រោមផ្ទះ ម្ដាយមីង ខេត្តកណ្ដាល ។
មន្ត្រីនគរបាលស្រុកស្អាងបានឲ្យដឹងថា ក្មេងស្រីរងគ្រោះ អាយុ១១ឆ្នាំ ជនជាតិខ្មែរ ហើយកំព្រាឪពុក រីឯម្តាយជាកម្មការិនីរោងចក្រ ។ ចំណែកជនសង្ស័យបានគេចខ្លួនបាត់ ក្រោយរំលោភក្មេងស្រីបានសម្រេច ។ ចំណែកជនសង្ស័យឈ្មោះ ខេង ឃាង អាយុ២៩ឆ្នាំ ជនជាតិខ្មែរ មុខរបរកសិករ មានប្រពន្ធ និងមានកូនមួយ មានទីនៅ ស្រុកស្អាង ។
តាមពាក្យបណ្ដឹងជនរងគ្រោះថា នៅយប់កើតហេតុខាងលើ ពេលក្មេងស្រីរងគ្រោះកំពុងដេកលក់នៅលើគ្រែក្រោមផ្ទះតែម្នាក់ឯង ចំណែកម្ដាយមីង និងក្រុមគ្រួសារដេកលក់នៅលើផ្ទះស្ងាត់នោះ ពេលនោះជនសង្ស័យបានមកចាប់ស្រាតខោជនរងគ្រោះ និងបានគម្រាមវាយសម្លាប់ បើហ៊ានស្រែក និងបានធ្វើសកម្មភាចាប់រំលោភ លើជនរងគ្រោះបានសម្រេច រួចក៏គេចចេញទៅបាត់ ។ រីឯជនរងគ្រោះមិនហ៊ានស្រែកហៅ ឱ្យគេជួយទេ ព្រោះតែជនរងគ្រោះបានស្គាល់មុខជនសង្ស័យច្បាស់ ជាអ្នកភូមិនៅជិតគ្នា ។
លុះព្រឹកឡើងថ្ងៃទី២៧ ខែកុម្ភៈ ដោយឃើញមានឈាមប្រឡាក់សំលៀកបំពាក់ទើបម្ដាយមីងបានសួរដេញដោល ។ បន្ទាប់មកជនរងគ្រោះប្រាប់ពីហេតុការណ៍ខាងលើ ហើយបានទូរស័ព្ទប្រាប់ម្ដាយជនរងគ្រោះឲ្យដឹងរឿងហេតុខាងលើ ។ ដោយនៅវេលាម៉ោង៣រសៀល ថ្ងៃដដែលទើបម្ដាយជនរងគ្រោះមកដាក់ពាក្យបណ្ដឹងនៅប៉ុស្ដិព្រែកអំបិល ។ បន្ទាប់ពីទទួលបានព័ត៌មានប៉ូលិសបានសហការជាមួយកម្លាំងព្រហ្មទណ្ឌស្រុក ទៅដល់កន្លែងកើតហេតុ ដើម្បីប្រមូលវត្ថុតាងមានខោអាវជនរងគ្រោះ មានប្រឡាក់ឈាម ។ ចំណែកជនសង្ស័យបានដឹងគេចខ្លនបាត់ ។
បច្ចុប្បន្ននគរបាលបានស្រាវជ្រាវរកចាប់ខ្លួនជនសង្ស័យ និងកសាងសំណុំរឿងអនុវត្ដតាមនីតិវីធីច្បាប់ ៕
ចែករំលែកព័តមាននេះ