គ្រោះថ្នាក់ចរាចរណ៍បុកបន្តគ្នា បណ្ដាលឲ្យស្លា.ប់មនុស្សម្នាក់
- បន្ទាយមានជ័យ
ខេត្តបន្ទាយមានជ័យ ៖ នៅវេលាម៉ោង៧ និង៣០នាទីយប់ ថ្ងៃច័ន្ទ១២កើត ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៦…
ខេត្តបន្ទាយមានជ័យ ៖ នៅវេលាម៉ោង៧ និង៣០នាទីយប់ ថ្ងៃច័ន្ទ១២កើត ខែផល្គុន ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី២៦ ខែកុម្ភៈ ឆ្នាំ២០១៨ មានហេតុការណ៍គ្រោះថ្នាក់ចរាចរណ៍ជាបន្តបន្ទាប់បណ្តាលឲ្យមានអ្នករងរបួស និងស្លាប់ម្នាក់ នៅនឹងកន្លែង។ បានកើតឡើងនៅ នៅចំណុចលើដងផ្លូវជាតិលេខ៥៦A ក្នុងភូមិសាស្ត្រភូមិថ្មដែកកេះ ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ខាងត្បួងផ្លូវចូលបន្ទាយវរសេនាតូច៥១៤ ចម្ងាយ២០០ម៉ែត្រ រវាងម៉ូតូបុកគោយន្ត កន្ត្រៃចំពីមុខ។ លោកវរសេនីយ៍ត្រី អ៊ុយ ផល្លី អធិការរង ទទួលផែនសណ្តាប់ធ្នាប់ចរាចរណ៍ នៃអធិការដ្ឋាននគរបាល ស្រុកថ្មពួកបានឲ្យដឹងថា៖ ដំបូងមានម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខ បជ1D.0301 បើកបរមានគ្នាពីរនាក់ក្នុងទិសដៅពីជើងទៅត្បួងបើកបរដោយឈ្មោះ ឈួន ឈិនឡុង ភេទប្រុស អាយុ២៤ឆ្នាំ រស់នៅភូមិកសិណ ឃុំថ្មពួក ស្រុកថ្មពួក និងអ្នករួមដំណើរម្នាក់ឈ្មោះ វង្ស ឆៃទ្រី ភេទប្រុស អាយុ២៧ ឆ្នាំរស់នៅភូមិកសិណ ឃុំថ្មពួក ស្រុកថ្មពួកខេត្តបន្ទាយមានជ័យ។
ពេលមកដល់កន្លែងកើតហេតុ បានដួលម៉ូតូ បង្កគ្រោះថ្នាក់ដោយខ្លួនឯងបណ្តាលរងបួសបាក់ម្រាមដៃកណ្តាលខាងស្តាំ និងអ្នករួមដំណើរបែកមុខផ្នែកខាងស្តាំ។ មួយសន្ទុះក្រោយមកក៏មានម៉ូតូមួយគ្រឿងទៀតបើកបរមកពីទិសខាងជើងឆ្ពោះទៅទិសខាងត្បួងនោះដែរ ពេលជិះមកដល់ក៏បុកម៉ូតូដែលដួល ហើយក៏លើកម៉ូតូបើកគេចចេញពីកន្លែងកើតហេតុបាត់តែម្តង។ បន្ទាប់មកទៀតមានគោយន្តកន្ត្រៃមួយគ្រឿងទៀតម៉ាកគូបូតា ពណ៌ក្រហមបើកមកពីទិសខាងជើងឆ្ពោះទៅទិសខាងត្បួងដដែល លុះមកដលកន្លែងកើតហេតុ បានឃើញម៉ូតូដូលនៅកណ្តាលផ្លូវ ក៏គេចក្បាលគោយន្តបន្តិចដើម្បីកុំឲ្យកិនលើម៉ូតូ ក៏ស្រាប់តែមានម៉ូតូមួយគ្រឿងទៀតម៉ាកMSX ពណ៌ស ជិះគ្នាពីរនាក់ បើកបរដោយឈ្មោះ ម៉ុយ ម៉ក់ ភេទប្រុស អាយុ២៤ឆ្នាំ និងអ្នករួមដំណើរឈ្មោះ ដាំ វីរ៉ា ភេទប្រុស អាយុ២៥ឆ្នាំ ទាំង២នាក់ រស់នៅភូមិកាប់ចោរ ឃុំភូមិថ្មី ស្រុកថ្មពួក ខេត្តបន្ទាយមានជ័យ បើកបរមានល្បឿនលឿនវ៉ាគោយន្តកន្ត្រៃមួយគ្រឿងដែលបើកក្នុងទិសដៅពីត្បូងទៅជើង ស្របទិសគ្នា។
ឃើញកន្លែងកើតហេតុមានមនុស្សអ៊ូអរមើលអ្នកដួលម៉ូតូក៏ដោយ គេមិនបង្អង់ល្បឿនហើយក៏បានជ្រុល ទៅបុកគោយន្តកន្ត្រៃដែលបើកគេចមិនឲ្យក្បាលគោយន្តជាន់ម៉ូតូដែលដួល ចំពីមុខតែម្តងបណ្តាលអោយអ្នកបើកបរម៉ូតូ ឈ្មោះ ម៉ុយ ម៉ក់ ស្លាប់នៅនិងកន្លែងកើតហេតុតែម្តងចំណែកអ្នករួមដំណើររងរបួសក្បាលជង្គង់ស្រាល។ ចំណែកជនរងគ្រោះត្រូវបានរថយន្តសង្គ្រោះ ដឹកយកទៅសង្ក្រោះនៅមន្ទីរពេទ្យបង្អែកស្រុកថ្មពួក ចំណែកសម្ភារត្រូវបានកម្លាំងជំនាញចរាចរណ៍យកមករក្សាទុកនៅអធិការដ្ឋានននគរបាលស្រុកថ្មពួក។ មូលហេតុដែលបណ្តាលឲ្យគ្រោះថ្នាក់គឺអ្នកបើកម៉ូតូMSX បើកបរមានល្បឿនលឿនខ្វះការប្រុងប្រយ័ត្ន និងមិនពាក់មួកសុវត្តិភាព៕
ចែករំលែកព័តមាននេះ