«Daily Mail»ផ្សាយកាលពីពេល ថ្មីៗកន្លងមកថាកោះ«Kaulbach»ទំហំប្រហែល៥៧០ម៉ែត្រការ៉េ មានភូមិគ្រឹះនៅមាត់ឆ្នេរ មានកំពង់ផែផ្ទាល់ខ្លួន និងកន្លែងចតឧទ្ធម្ភាគចក្រ ក្នុងតម្លៃ៧លានដុល្លារ ស្ថិតនៅខេត្ត«Nova Scotia»ប្រទេសកាណាដា ។
កោះ«Kaulbach»ពោរពេញដោយសម្រស់ធម្មជាតិគួរឲ្យចង់គយគន់ ។ ភូមិគ្រឹះសង់នៅទីនោះបានសាងសង់ក្នុងឆ្នាំ២០០២មាន១១បន្ទប់គេង បន្ទប់ទឹកចំនួន៩ បន្ទប់សម្រាប់សំដិលថ្ងៃ និងបណ្ណាល័យមានទូដាក់សៀវភៅធ្វើពីដើមសែន ឬ«ឈើអូក» ។
នៅផ្ទះបាយមានឧបករណ៍គ្រប់ប្រភេទសម្រាប់ចំអិនម្ហូបអាហារ រួមទាំងរំលេចដោយភាពស្រស់ស្អាត ។ ក្រៅពីនេះនៅមានសួនកម្សាន្ត កន្លែងសំដិលថ្ងៃទស្សនាទឹកសមុទ្ទ ។
កោះនោះនៅស្ថិតនៅកណ្តាលឈូងសមុទ្រ«Mahon»ភាគខាងកើតខេត្តNova Scotiaដោយចំណាយពេលប្រហែល៦នាទីពីដែនដីគោកដោយប្រើនាវា ឬឧទ្ធម្ភាគចក្រដើម្បីចូលទៅ ៕
ចែករំលែកព័តមាននេះ