ក្របី​វ័ធ​ភ្ញៀវ​ទេសចរ​របួស​ភ្លៅ​ទាំង​សងខាង – Koh Santepheap Daily

ADផ្ទាំងផ្សព្វផ្សាយពាណិជ្ជកម្ម

ក្របី​វ័ធ​ភ្ញៀវ​ទេសចរ​របួស​ភ្លៅ​ទាំង​សងខាង

3 ឆ្នាំ មុន
  • Preah Sihanouk

ខេត្ត​ព្រះ​សីហ​នុ ៖ យោង​តាម​ប្រភព​ព័ត៌មាន​ពី​មន្ត្រី​នគរបាល​ទេសចរណ៍​បានឱ្យ​ដឹង​ថា ជន​រង​គ្រោះជា​ជនបរទេស​ត្រូវ​បាន​ដឹក​ទៅ​សង្គ្រោះ​បន្ទាន់ បន្ទាប់​ពី​ត្រូវ​បាន​ក្របី​វ័ធ​បាក់​ភ្លៅ កាលពី​វេលា​ម៉ោង​១០​នឹង​២០​នាទី​ព្រឹក ថ្ងៃ​ទី​២០ ខែកុម្ភៈ ឆ្នាំ​២០១៨ នៅ​ចំណុច​ផ្លូវ​ថ្មើរជើង​ក្នុង​ព្រៃ…

ខេត្ត​ព្រះ​សីហ​នុ ៖ យោង​តាម​ប្រភព​ព័ត៌មាន​ពី​មន្ត្រី​នគរបាល​ទេសចរណ៍​បានឱ្យ​ដឹង​ថា ជន​រង​គ្រោះជា​ជនបរទេស​ត្រូវ​បាន​ដឹក​ទៅ​សង្គ្រោះ​បន្ទាន់ បន្ទាប់​ពី​ត្រូវ​បាន​ក្របី​វ័ធ​បាក់​ភ្លៅ កាលពី​វេលា​ម៉ោង​១០​នឹង​២០​នាទី​ព្រឹក ថ្ងៃ​ទី​២០ ខែកុម្ភៈ ឆ្នាំ​២០១៨ នៅ​ចំណុច​ផ្លូវ​ថ្មើរជើង​ក្នុង​ព្រៃ ស្ថិត​នៅ​ភូមិ​កោះ​រ៉ុ​ង​សន្លឹម សង្កាត់​កោះ​រ៉ុ​ង​សន្លឹម ក្រុងព្រះសីហនុ ។

យោង​តាម​ប្រភព​ពី​លោក​វរ​សេនី​យ៏​ទោ ប៉ោង វណ្ណ​រ៉ា ប្រធាន​ការិយាល័យ​ទេសចរ​ណ៏​នៃ​ស្នងការដ្ឋាន​នគរបាល​ខេត្ត​ព្រះ​សីហ​នុ​នៅ​វេលា​ម៉ោង​១០​នឹង​២០​នាទី ថ្ងៃ​ទី​២០ ខែកុម្ភៈ ឆ្នាំ​២០១៨ នៅ​ចំណុច​ផ្លូវ​ថ្មើរជើង​ក្នុង​ព្រៃ ស្ថិត​នៅ​ភូមិ​កោះ​រ៉ុ​ង​សន្លឹម សង្កាត់​កោះ​រ៉ុ​ង​សន្លឹម មាន​ករណី​សត្វ​ក្របី​វ័ធ​ភ្ញៀវ​ទេសចរ​បរទេស ខណៈ​គាត់​ដើរ​ឆ្លង​ព្រៃ​ទៅ​លេង​នៅ​ឆ្នេរ​ក្បែរ​ភ្លើង​ស៊ី​ញ៉ូ បណ្តាល​ឱ្យ​ជន​រង​គ្រោះ​ឈ្មោះ Chids Fiona ភេទ​ស្រី អាយុ​៤៨​ឆ្នាំ ជនជាតិ​អង់គ្លេស បណ្តាល​ឱ្យ​របួស​ជើង​ទាំង​សងខាង ។ បច្ចុប្បន្ន​ជន​រង​គ្រោះ​ត្រូវ​បាន​បញ្ជូន​ទៅ​ព្យាបាល​នៅ​ក្រុងព្រះសីហនុ ។

ករណី​ខាងលើ​នេះ​ទទួលបញ្ជា​លោក​ឧត្តម​សេនី​យ៏​ទោ ជួន ណា​រិ​ន្ឋ ស្នងកា​នគរបាល​ខេត្ត​បាន​បញ្ជា​ឱ្យ​លោក​ឧត្តម​សេនី​យ៏​ត្រី ណុ​ប បញ្ញា បាន​ស្រាវជ្រាវ​រក​ម្ចាស់ និង​បាន​ជួប​ជាមួយ​ម្ចាស់​សត្វ​ក្របី ។ តាម​រយៈ​ទូរស័ព្ទ​ម្ចាស់​ក្របី បាន​ទទួលស្គាល់​ជា​សត្វ​ក្របី​គាត់​ដែល​គាត់​គ្រប់គ្រង​អត់​បាន ហើយ​គាត់​សូម​ជួយ​មើល​ព្យាបាល​ជន​រង​គ្រោះ និង​សុំ​ឱ្យ​ខាង​កងទ័ព​ការពារ​កោះ​រ៉ុ​ង​សន្លឹម​ជួយ​បាញ់​សម្លាប់​ដើម្បី​យក​សាច់ ៕Picture