ថ្នាំប្រឆាំងនឹងអាស៊ីត (Antiacids)
ថ្នាំប្រឆាំងនឹងអាស៊ីតនេះ ត្រូវបានគេប្រើប្រាស់សម្រាប់ការការពារទូទៅ ។ ថ្នាំប្រឆាំងអាស៊ីតផ្សំពីជាតិអាលុយមីញ៉ូម និងម៉ាញ៉េស្យូម អាចជួយបន្ថយរោគសញ្ញានៃជំងឺរលាកក្រពះស្រួចស្រាល់ ដោយបន្សាបជាតិអាស៊ីតក្រពះ ។ ថ្នាំនេះមិនថ្លៃ និងមានសុវត្ថិភាព។
ថ្នាំ Rulox គឺជាថ្នាំប្រឆាំងអាស៊ីត (មានការបញ្ចូលគ្នានៃអាលុយមីញ៉ូម និងម៉ាញ៉េស្យូម) ដែលមានសកម្មភាពបន្ថយភាពអាស៊ីតក្នុងក្រពះ និងបង្កើន pH ក្រពះ និងពោះវៀន ។
អ៊ីយ៉ុងអាលុយមីញ៉ូម បន្ថយការកន្ត្រាក់របស់សាច់ដុំរលោង និងបន្ថយការបញ្ចេញចំណីអាហារនៅក្នុងក្រពះ ។ ការបញ្ចូលគ្នានៃម៉ាញ៉េស្យូម និងអាលុយមីញ៉ូម ត្រូវបានគេប្រើប្រាស់ដើម្បីជៀសវាងការប្រែប្រួលមុខងារនៃពោះវៀនធំ ។
ថ្នាំបង្អាក់សកម្មភាព H2 (H2 blockers)
ប្រភេទនៃថ្នាំនេះ មានចលនការគឺបន្ថយការដណ្តើមនៃអ៊ីស្តាមីននៅកន្លែងអ្នកទទួលអ៊ីស្តាមីន២ (H2 receptor) ។ អ៊ីស្តាមីនដើរតួសំខាន់នៅក្នុងការបញ្ចេញអាស៊ីតក្រពះ ។
នៅពេលដែលវាត្រូវបានគេប្រើតែឯង,វាត្រូវបានគេប្រើប្រាស់ដូចជា ថ្នាំប្រឆាំងនឹងការបញ្ចេញក្នុងការព្យាបាលមេរោគ H pylori ។ ថ្នាំ Cimetidine (Tagamet) គឺជាពពួកថ្នាំប្រឆាំងនឹងអ៊ីស្តាមីន H2 ដែលធ្វើអោយមានការថយចុះការបញ្ចេញអាស៊ីតក្រពះ,ទំហំរបស់ក្រពះ និងកំហាប់នៃអ៊ីដ្រូសែន ។
ថ្នាំ PPI (Proton pump inhibitors)
ថ្នាំ PPI គឺជាថ្នាំមួយបន្ថយការបញ្ចេញរបស់អង់ស៊ីមដូចជា H, K និង ATPase ដែលស្ថិតនៅនឹងភ្នាសសម្រាប់បញ្ចេញអាស៊ីតក្រពះ។ ថ្នាំ PPI អាចបន្ថយទាំងស្រុងនូវការបញ្ចេញអាស៊ីត និងមានសកម្មភាពយូរ ។ ពួកវាមានប្រសិទ្ធភាពខ្ពស់បំផុត នៃការរាំងស្ទះអាស៊ីតក្រពះ ។ ថ្នាំ Omeprazole គឺជាថ្នាំដែលស្ថិតនៅក្នុងក្រុមថ្នាំ PPI នេះ។
ថ្នាំអង់ទីប៊ីយោទិច
ការឆ្លងមេរោគបាក់តេរី ក៏អាចបណ្តាលអោយរលាកក្រពះផងដែរ ។ មូលហេតុទូទៅបំផុត គឺបណ្តាលមកពីមេរោគ H pylori ។ ថ្នាំជាច្រើនមានប្រសិទ្ធភាពប្រឆាំងនឹងមេរោគ H pylori ។ ថ្នាំអង់ទីប៊ីយោទិចតែមួយមុខ មិនត្រូវបានគេណែនាំអោយប្រើនោះទេ ដោយសារតែងាយនឹងវិវត្តទៅនឹងស៊ាំនៃថ្នាំ ។
ការព្យាបាលបញ្ចូលគ្នារួមមាន ថ្នាំ PPI គួបផ្សំនឹងថ្នាំ amoxicillin ឬថ្នាំ PPI គួបផ្សំនឹងថ្នាំ clarithromycin ។
ការប្រើប្រាស់ថ្នាំបីគួបផ្សំគ្នា ក៏ត្រូវបានគេណែនាំក្នុងការសម្លាប់មេរោគបាក់តេរី ដែលបង្កឲ្យជាជំងឺរលាកក្រពះផងដែរ ។ ថ្នាំនោះរួមមាន ថ្នាំ PPI, ថ្នាំ clarithromycin និងថ្នាំ amoxicillin ឬថ្នាំ metronidazole ។ ការព្យាបាលដោយថ្នាំបួនមុខបញ្ចូលគ្នា ក៏ត្រូវបានគេណែនាំឲ្យប្រើផងដែរ ។
ការពិភាក្សា ថាតើថ្នាំណាមួយដែលត្រូវប្រើ ត្រូវបានពឹងផ្អែកលើគោលការណ៍៤គឺ ៖
ទី-១គឺភាពពុល ផ្សេងៗពីគ្នានៃថ្នាំ នីមួយៗ ។
ទី-២គឺតម្លៃនៃថ្នាំ នីមួយៗ ។
ទី-៣គឺភាពបន្ទាន់នៃបាក់តេរីដែលធន់ទៅនឹងថ្នាំប្រឆាំងនឹងមេរោគ ។
ទី-៤ គឺកម្រិតនៃភាពទប់ទល់នៃជំងឺ ។
ថ្នាំប្រឆាំងនឹងការរាក
វាត្រូវបានគេប្រើប្រាស់ក្នុងការគួបផ្សំជាមួយនឹងថ្នាំអង់ទីប៊ីយោទិច និងថ្នាំ PPI ឬថ្នាំបង្អាក់សកម្មភាព H2 ដើម្បីសម្លាប់មេរោគ H pylori។
ថ្នាំដែលគេប្រើជាទូទៅគឺថ្នាំ Bismatrol, Pepto-Bismol ជាដើម ៕
ចែករំលែកព័តមាននេះ