ចាប់​បាន​ជនសង្ស័យ​ម្នាក់​កាត់​សោ​ឃ្លាំង​លួច​ទ្រព្យសម្បត្តិ


រាជធានី​ភ្នំពេញ ៖ បុរស​ជនសង្ស័យ​ជា​មុខសញ្ញា​ចាស់​ជំនាញ​ខាង​គាស់​ឃ្លាំង​លួច​សម្ភារ​ម្នាក់ ត្រូវ​បាន​កម្លាំង​នគរបាល​ប៉ុស្តិ៍​ទំនប់​ទឹក​ចាប់​ឃាត់ខ្លួន ខណៈ​ពេល​ដែល​រូបគេ​កំពុង​តែ​ធ្វើការ​សកម្មភាព​គាស់​ឃ្លាំង​ផ្ទុក​សម្ភារ​ចាស់​ៗ​មួយ​កន្លែង ហើយ​ត្រូវ​ម្ចាស់​គេ​មក​ទាន់ ដោយ​កាលពី​ពេល​កន្លង​មក​រូបគេ​ក៏​ធ្លាប់​បាន​ធ្វើ​សកម្មភាព​គាស់​ទ្វារ​ចូល​លួច​ម្តង​រួច​មក​ហើយ​ដែរ​នោះ ។

ការ​ចាប់​ឃាត់ខ្លួន​នេះ​ដែរ បាន​ធ្វើ​ឡើង​កាលពី​វេលា​ម៉ោង​០៩​និង​១៥​នាទី​ព្រឹក ថ្ងៃ​ទី​១៤ ខែកុម្ភៈ ឆ្នាំ​២០១៨ នៅ​ចំណុច​ឃ្លាំង​លេខ​១៨៦ ផ្លូវ​លេខ​២១៧ ក្រុម​២៦ ភូមិ​៤ ក្នុង​សង្កាត់​ទំនប់​ទឹក ខណ្ឌចំការមន ។

តាម​ប្រភព​ព័ត៌មាន​ពី​នគរបាល​បាន​ប្រាប់​ឱ្យ​ដឹ​ថា បុរស​ជា​ជនសង្ស័យ​ដែល​បាន​ឃាត់ខ្លួន​មានឈ្មោះ សួន ឆវី ហៅ វី អាយុ​២៦​ឆ្នាំ មុខរបរ និង​ទីលំនៅ​មិន​ពិតប្រាកដ មានស្រុក​កំណើត​នៅ​ភូមិ​វាល​មាស ឃុំ​ព្រៃ​នប់ ស្រុក​វាល​រេញ ខេត្ត​ព្រះ​សីហ​នុ ។

មុន​ពេល​កើតហេតុ បុរស​ជា​ជនសង្ស័យ​បាន​ធ្វើ​ដំណើរ​ដោយ​ថ្មើរជើង​តែ​ម្នាក់ឯង និង​បាន​កាត់​សោ​ទ្វារ​គាស់​ទ្វារ​ឃ្លាំង ផ្ទុក​សម្ភារ​ចាស់​ៗ​មួយ​ដែល​មាន​ដូច​ជា ម៉ូ​ទ័​រ​បូមទឹក ទុយោ​ទឹក រួម​ទាំង​សម្ភារ​ជា​ច្រើន​ទៀត​នៅ​ខាងក្នុង​ឃ្លាំង​ខាងលើ​នេះ​ផង​ដែរ ។

តាម​ប្រភព​ដដែល​បាន​ប្រាប់​បន្ត​ទៀត​ថា ក្រោយ​ពេល​ដែល​បុរស​ជា​ជនសង្ស័យ​ម្នាក់​ខាងលើ​បាន​កាត់​សោ និង​ចូល​ទៅ​ធ្វើការ​រើរុះ​នៅ​ខាងក្នុង​ឃ្លាំង​ខាងលើ​នោះ ក៏​ស្រាប់តែ​ម្ចាស់​ទាន់ និង​ចាប់ខ្លួន រួម​ទាំង​ឧបករណ៍​ប្រើប្រាស់​សម្រាប់​ធ្វើ​សកម្មភាព​មួយ​ចំនួន​ទៀត យក​មក​ប្រគល់​ឲ្យ​នគរបាល​ប៉ុស្តិ៍​ទំនប់​ទឹកតែ​ម្តង ។ ដោយ​កាលពី​ពេល​កន្លង​មក ឃ្លាំង​ផ្ទុក​សម្ភារ​ខាងលើ​នេះ ត្រូវ​បាន​គេ​លួច​គាស់ និង​លួច​យក​សម្ភារៈ​អស់​ជា​ច្រើន​ម្តង​រួច​មក​ហើយ លុះ​ពេល​នេះ​ទើប​ម្ចាស់​មក​ទាន់ និង​ចាប់​ឃាត់ខ្លួន​បាន​បុរស​ជា​ជនសង្ស័យ​ម្នាក់​ខាងលើ​នេះ​តែ​ម្តង ។

ក្រោយ​ពេល​ដែល​ម្ចាស់​ឃ្លាំង​ខាងលើ​ចាប់​បញ្ជូន​ខ្លួន បុរស​ជា​ជនសង្ស័យ​ម្នាក់​ជា​មុខសញ្ញា​ចាស់​រូប​នេះ យក​មក​ប្រគល់​ឱ្យ​កម្លាំង​នគរបាល​ប៉ុស្តិ៍​ទំនប់​ទឹក រួច​មក​ធ្វើការ​សាកសួរ​នោះ ឆ្លើយ​សារភាព​ថា «​កាលពី​ពេល​កន្លង​មក រូបគេ​ធ្លាប់​បាន​ធ្វើ​សកម្មភាព​គាស់​ឃ្លាំង​ខាងលើ​លួច​យក​បាន​សម្ភារ​មួយ​ចំនួន​ម្តង​រួច​មក​ហើយ លុះ​ពេល​នេះ​មក​ម្តងទៀត ក៏​ត្រូវ​ម្ចាស់​គេ​មក​ទាន់ និង​ចាប់ខ្លួន​តែ​ម្តង​» ហើយ​ក៏​ត្រូវធ្វើ​កំណត់ហេតុ និង​បញ្ជូន​ទៅ​កាន់​អធិការដ្ឋាន​ខណ្ឌចំការមន ដើម្បី​ចាត់ការ​ទៅ​តាម​ផ្លូវច្បាប់​ជា​បន្ត​ទៅ​ទៀត​ផង​ដែរ ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ