ខេត្តព្រះសីហនុ ៖ សេចក្តីរាយការណ៍បានឱ្យដឹងថា កាលពីវេលាម៉ោងប្រមាណ៦ និង៣០នាទីល្ងាច ថ្ងៃទី៥ ខែកុម្ភៈ ឆ្នាំ២០១៨នេះ មានឧប្បត្តិហេតុគ្រោះចរាចរណ៍មួយបានកើតឡើង នៅផ្លូវជាតិលេខ៤…
ខេត្តព្រះសីហនុ ៖ សេចក្តីរាយការណ៍បានឱ្យដឹងថា កាលពីវេលាម៉ោងប្រមាណ៦ និង៣០នាទីល្ងាច ថ្ងៃទី៥ ខែកុម្ភៈ ឆ្នាំ២០១៨នេះ មានឧប្បត្តិហេតុគ្រោះចរាចរណ៍មួយបានកើតឡើង នៅផ្លូវជាតិលេខ៤ ចន្លោះគីឡូម៉ែត្រ១០៧-១០៨ ក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ។
មានរថយន្តមួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2U-6212 បើកបរដោយជនជាតិចិនចំនួន៣នាក់ ក្នុងទិសដៅពីភ្នំពេញ ឆ្ពោះទៅខេត្តព្រះសីហនុ លុះដល់ចំណុចខាងលើ ក៏បានក្រឡាប់បុក នឹងដើមឈើ បណ្ដាលឲ្យអ្នកជិះក្នុងរថយន្តម្នាក់ស្លាប់ភ្លាមនៅនឹងកន្លែងកើតហេតុ និង២នាក់ទៀតរងរបួសធ្ងន់។ បន្ទាប់មកជនរងគ្រោះត្រូវបាន គេបញ្ជូនទៅកាន់រាជធានីភ្នំពេញ។ រថយន្តត្រូវបានសមត្ថកិច្ចស្ទូចយកទៅរក្សាទុកនៅ អធិការដ្ឋាននគរបាលស្រុកកំពង់សិលា រង់ចាំម្ចាស់ទៅទទួលយក៕
ចែករំលែកព័តមាននេះ