មើលចុះមួយៗពេលចាប់បានលេងទឹកមុខឡើងគួរឱ្យអាណិត
- ភ្នំពេញ
រាជធានីភ្នំពេញ ៖ ជនសង្ស័យជាចោរឆក់ចំនួន២នាក់ត្រូវកម្លាំងនគរបាលប៉ុស្តិ៍បឹងកេងកងទី១ធ្វើការបង្ក្រាបបានភ្លាមៗក្រោយពីពួកគេបាននាំគ្នាជិះម៉ូតូមួយគ្រឿងធ្វើសកម្មភាពឆក់ទូរស័ព្ទដៃម៉ាក HUAWEI មួយគ្រឿងពីភ្ញៀវទេសចរណ៍ជនជាតិចិនមួយក្រុមដែលកំពុងជិះម៉ូតូរ៉ឺម៉កកង់បីមួយគ្រឿងបានហើយត្រូវបានជនរងគ្រោះចាប់ទាញដៃធ្វើឱ្យដួលម៉ូតូនោះ ។
ហេតុការណ៍នេះដែរបានធ្វើឡើងកាលពីវេលាម៉ោង១១និង២៥នាទីព្រឹក ថ្ងៃទី៤ ខែ កុម្ភៈ ឆ្នាំ២០១៨ នៅចំណុចផ្លូវលេខ៦៣ (ផ្លូវត្រសក់ផ្អែម) កែងនឹងផ្លូវលេខ២៨២ ក្នុងសង្កាត់បឹងកេងកងទី១ ។
មុនពេលកើតហេតុក្រុមភ្ញៀវទេសចរណ៍ជនជាតិចិនមួយក្រុមមានមានប្រុសមានស្រីសរុបគ្នា៦នាក់បាននាំគ្នាជិះម៉ូតូរ៉ឺម៉កកង់បីមួយគ្រឿងដើរលេងតាមបណ្តោយផ្លូវត្រសក់ផ្អែម ។ លុះក្រុមជនជាតិចិនទាំងនោះនាំគ្នាគ្នាជិះម៉ូតូរ៉ឺម៉កកង់បីមកដល់ចំណុចខាងលើក៏ស្រាប់តែលេចមុខក្រុមជនសង្ស័យទាំង២នាក់បាននាំគ្នាជិះម៉ូតូម៉ាក NEX ព៌ណស ពាក់ស្លាកលេខ ភ្នំពេញ ១CS-៣១៦៥ មួយគ្រឿងជិះមកក្បែរ និងធ្វើសកម្មភាពឆក់យកទូរស័ព្ទដៃម៉ាក HUAWEI មួយគ្រឿងពីដៃបុរសម្នាក់បានហើយក៏ត្រូវបានជនជាតិចិននោះស្រវាចាប់ដៃជនសង្ស័យជាប់ធ្វើឱ្យដួលម៉ូតូហើយពួកគេក៏ព្យាយាមរត់គេចខ្លួនក៏ត្រូវបានប្រជាពលរដ្ឋ និងកម្លាំងមានសម្ថកិច្ចដែលនៅក្បែរនោះដេញចាប់ខ្លួនបានទាំង២នាក់ជាបន្តបន្ទាប់ភ្លាមៗ ។
ក្រោយពេលកើតហេតុទូរស័ព្ទដៃម៉ាក HUAWEI មួយគ្រឿងនោះត្រូវបានប្រគល់ឱ្យទៅបុរសជនជាតិចិនជាម្ចាស់វិញ ចំណែកឯក្រុមជនសង្ស័យទាំង២នាក់ក៏បាននាំយកមកកាន់នគរបាលប៉ុស្តិ៍បឹងកេងកងទី១ដើម្បីធ្វើការសាកសួរ និងធ្វើកំណត់ហេតុបញ្ជូនទៅកាន់អធិការដ្ឋាននគរបាលខណ្ឌចំការមនចាត់ការទៅតាមផ្លូវច្បាប់ជាបន្តទៅទៀតផងដែរ ៕
ចែករំលែកព័តមាននេះ