ខេត្តតាកែវ ៖ នាព្រឹកថ្ងៃទី៨ ធ្នូ កន្លងមកនេះ លោកអោក បូរ៉ា ប្រតិភូរាជរដ្ឋាភិបាលទទួលបន្ទុកជាអគ្គនាយកប្រៃសណីយ៍កម្ពុជា និងជាប្រធានក្រុមការងារចុះជួយឃុំពារាម និងលោកសីុម ធី ទីប្រឹក្សាអមក្រសួងប្រៃសណីយ៍ និងទូរគមនាគមន៍ និងជាអនុប្រធានក្រុមការងារចុះជួយឃុំពារាមរួមទាំងសហការីអមដំណើរ បានចុះសំណេះសំណាលជាមួយប្រជាការពារ និងសកម្មជនគណបក្សប្រជាជនកម្ពុជាក្នុងឃុំពារាម ស្រុកបាទី ។
ខេត្តតាកែវ ៖ នាព្រឹកថ្ងៃទី៨ ធ្នូ កន្លងមកនេះ លោកអោក បូរ៉ា ប្រតិភូរាជរដ្ឋាភិបាលទទួលបន្ទុកជាអគ្គនាយកប្រៃសណីយ៍កម្ពុជា និងជាប្រធានក្រុមការងារចុះជួយឃុំពារាម និងលោកសីុម ធី ទីប្រឹក្សាអមក្រសួងប្រៃសណីយ៍ និងទូរគមនាគមន៍ និងជាអនុប្រធានក្រុមការងារចុះជួយឃុំពារាមរួមទាំងសហការីអមដំណើរ បានចុះសំណេះសំណាលជាមួយប្រជាការពារ និងសកម្មជនគណបក្សប្រជាជនកម្ពុជាក្នុងឃុំពារាម ស្រុកបាទី ។
លោកអោក បូរ៉ា បានមានប្រសាសន៍កោតសរសើរដល់អាជ្ញាធរដែនដី ប្រជាពលរដ្ឋ និងប្រជាការពារឃុំពារាមទាំងអស់ ដែលបានខិតខំយកចិត្តទុកដាក់ក្នុងការពង្រឹងសុវត្ថិភាព សណ្តាប់ធ្នាប់សាធារណៈក្នុងភូមិ-ឃុំ ផ្តល់ឱកាសឱ្យប្រជាពលរដ្ឋប្រកបមុខរបរកសិកម្ម និងមុខរបរផ្សេងៗដើម្បីលើកកម្ពស់ជីវភាពគ្រួសារបានសមរម្យ ។ លោកបានផ្តាំផ្ញើដល់កម្លាំងប្រជាការពារ ត្រូវបន្តយកចិត្តទុកដាក់លើការងារមូលដ្ឋានភូមិ-ឃុំ និងកិច្ចការពារទប់ស្កាត់រាល់បទល្មើសផ្សេងៗ ជាពិសេសបទល្មើសប្លន់ប្រដាប់អាវុធ ។
នាឱកាសនោះដែរ ដើម្បីរួមចំណែកក្នុងភូមិ-ឃុំមានសុវត្ថិភាព ក្រុមការងារបានប្រគល់ជូនវិទ្យុទាក់ទង១៦គ្រឿងដល់ប្រជាការពារចំនួន៨ភូមិ ដោយក្នុងមួយភូមិទទួលបានវិទ្យុទាក់ទងចំនួន២គ្រឿង និងផ្តល់ថវិកាចំនួន១.០៥០.០០០ដល់អ្នកចូលរួម ។ បន្ទាប់មកលោកអោក បូរ៉ា និងលោកសីុម ធី បានចុះទៅពិនិត្យទ្វារប្រឡាយទឹកហនុមាន និងបានផ្តល់ថវិកាចំនួន២លានរៀលសម្រាប់កសាងទ្វារទឹក ។
គួរបញ្ជាក់ថា ប្រឡាយទឹកនេះបានទាញទឹកពីអាងទន្លេបាទី និងប្រើប្រាស់សម្រាប់ស្រោចស្រពផ្ទៃដីកសិកម្មសរុបជាង៨០០ហិកតា ទាំងស្រូវប្រាំងនិងស្រូវវស្សា សម្រាប់ប្រជាពលរដ្ឋចំនួន២ឃុំ គឺឃុំពារាម និងឃុំត្នោត ៕
ចែករំលែកព័តមាននេះ