រាជធានីភ្នំពេញ ៖ គណៈកម្មាធិការប្រយុទ្ធប្រឆាំងផលិតផលក្លែងក្លាយ នៅព្រឹកថ្ងៃទី០៥ ខែមករា ឆ្នាំ២០២៦ នេះ បានចេញសារដាស់តឿន និងរំលឹកជាថ្មីនូវទោសទណ្ឌចំពោះការក្លែងបន្លំទំនិញ ។…
រាជធានីភ្នំពេញ ៖ គណៈកម្មាធិការប្រយុទ្ធប្រឆាំងផលិតផលក្លែងក្លាយ នៅព្រឹកថ្ងៃទី០៥ ខែមករា ឆ្នាំ២០២៦ នេះ បានចេញសារដាស់តឿន និងរំលឹកជាថ្មីនូវទោសទណ្ឌចំពោះការក្លែងបន្លំទំនិញ ។
ជាក់ស្តែង គណៈកម្មាធិការប្រយុទ្ធប្រឆាំងផលិតផលក្លែងក្លាយ បានប្រកាសនាព្រឹកថ្ងៃទី០៥ ខែមករា ឆ្នាំ២០២៦នេះថា ៖ ក្លែងបន្លំ ឬធ្វើឲ្យភាន់ច្រឡំអំពីប្រភពដើម ប្រភេទ ឬគុណភាពពិសេសនៃទំនិញ ត្រូវផ្ដន្ទាទោសដាក់ពន្ធនាគារពី១ (មួយ) ឆ្នាំទៅ៥(ប្រាំ)ឆ្នាំ និងពិន័យជាប្រាក់ពី ២០០០ ០០០(ពីរលាន)រៀល ទៅ២០០០០ ០០០(ម្ភៃលាន)រៀល ។
គណៈកម្មាធិការប្រយុទ្ធប្រឆាំងផលិតផលក្លែងក្លាយ បានបញ្ជាក់ថា ចំពោះអំពើក្លែងបន្លំ ឬធ្វើឲ្យភាន់ច្រឡំអំពីប្រភពដើម ប្រភេទ ឬគុណភាពពិសេសនៃទំនិញដែលបង្ហាញ លើសំបកវេចខ្ចប់គ្រប់ប្រភេទ ឬលើឯកសារផ្សាយពាណិជ្ជកម្ម ឬលើឯកសារផ្សេងទៀតដែលទាក់ទង ទៅនឹងទំនិញដែលអាចនាំឲ្យមានការយល់ខុសពីប្រភពដើមរបស់ផលិតផល ។
ចំពោះអំពើផ្សេងៗទៀតដែលអាចធ្វើឲ្យសាធារណជនទូទៅភាន់ច្រឡំពីប្រភពដើមពិតប្រាកដនៃទំនិញ ។ យោងតាមមាត្រា៣៨- បទក្លែងម៉ាកសម្គាល់ភូមិសាស្ត្រទំនិញ ( ច្បាប់ស្ដីពីម៉ាកសម្គាល់ភូមិសាស្ត្រទំនិញ ប្រកាសប្រើប្រាស់ កាលពីថ្ងៃទី២០ ខែមករា ឆ្នាំ២០១៤) ៕
ចែករំលែកព័តមាននេះ