ខេត្តសៀមរាប ៖ កម្លាំងការិយាល័យនគរបាលប្រឆាំងការជួញដូរមនុស្ស និងការពារអនិតិជនខេត្ត ដឹកនាំដោយលោកស្រី ឧត្តមសេនីយ៍ត្រី ដួង ថាវរី ស្នងការរងនគរបាលខេត្តទទួលផែនការិយាល័យនគរបាលប្រឆាំងការជួញដូរមនុស្ស និងការពារអនិតិជននិងដឹកនាំសម្របសម្រួលដោយលោក កើត វណ្ណា រ៉េត ព្រះរាជអាជ្ញា អមសាលាដំបូងខេត្តសៀមរាប បានចុះបង្ក្រាបករណីរូបភាព និងសម្ភារអាសអាភាសមួយកន្លែងក្នុងក្រុងសៀមរាប ។
ក្នុងការចុះបង្ក្រាបករណីទីតាំងច្រៀងរាំអាសអាភាសរបស់ជនបរទេសនោះ បានធ្វើឡើងកាលពីថ្ងៃទី២៥ ខែមករាឆ្នាំ២០១៨ ស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ។
តាមការបញ្ជក់របស់លោកវរៈសេនីយ៍ឯក ជា ហេង នាយការិយាល័យជូញដូរមនុស្ស និងការពារអនិតិជនបានឱ្យដឹងថា ក្នុងកិច្ចប្រតិបតិ្តការនេះបានប្រមូលភ្ញៀវទេសចរណ៍បរទេសបានចំនួន៧៧នាក់ ស្រី៣៦នាក់ និងក្រុមអ្នករៀបចំចំនួន១០នាក់ (ជនសង្ស័យ)ដែលកំពុងច្រៀងរាំជារបៀបអាសអាភាសក្នុងនោះភ្ញៀវចំនួន៧៧នាក់ យើងបានយកមកដល់ស្នងការដ្ឋាន នគរបាលខេត្ត ដើម្បីធ្វើការអប់រំរួចឱ្យគាត់ត្រឡប់ទៅវិញផ្ទះហើយ ។
លោកបានបន្តថា ចំពោះជនសង្ស័យប្រុស-ស្រីទាំង១០នាក់ ក្នុងនោះមានទី១- ឈ្មោះ Hone Daniel Richard ភេទប្រុស អាយុ៣១ឆ្នាំ ជនជាតិអង់គ្លេស កាន់លិខិតឆ្លងដែនលេខ៥២៦១៣២៦៣១ ទី២- ឈ្មោះ PaulFrancisHarris ភេទប្រុស អាយុ៣៣ឆ្នាំ ជនជាតិអង់គ្លេស កាន់លិខិតឆ្លងដែនលេខ៥១៨០៣៩៤៤១ ទី៣-ឈ្មោះ Thomas alexanderJeffries ភេទប្រុស អាយុ២៣ឆ្នាំ ជនជាតិអង់គ្លេស កាន់លិខិតឆ្លងដែនលេខ GBR៥២៦៤៧៩០៩០ ទី៤- ឈ្មោះ Job robertus ភេទប្រុស អាយុ២២ឆ្នាំ ជនជតិអង់គ្លេសកាន់លិខិតឆ្លងដែន NR ៥២១៩RP៧ ទី៥- ឈ្មោះ VINcenthook ភេទប្រុស អាយុ២៦ឆ្នាំ កាន់លិខិតឆ្លងដែនលេខ GBR ៥២៨២៥០៧៨៦ ទី៦ – ឈ្មោះ Brasch paul Martin ភេទប្រុស អាយុ៣៣ឆ្នាំ ជនជាតិញូហ្សឺឡែន កាន់លិខិតឆ្លងដែន lk៥៣៧០៩៦ ទី៧- ឈ្មោះ Stevens billy ភេទប្រុស អាយុ២២ឆ្នាំ ជាជនជាតិអង់គ្លេស ទី៨- ឈ្មោះ ballvrre David Nikolais Alex ភេទប្រុស អាយុ២៥ឆ្នាំ ជនជាតិអង់គ្លេស កាន់លិខិតឆ្លងដែនលេខ៣២២២២២៨២ ទី៩- ឈ្មោះ drolet Jessica ភេទស្រី អាយុ២៥ឆ្នាំ ជនជាតិកាណាដា កាន់លិខិតឆង្លដែនលេខAD២០៩៨១២ ទី១០- ឈ្មោះKazoleas Edensaran ភេទស្រី អាយុ២០ឆ្នាំ ជនជាតិកាណាដាកាន់លិខិតឆ្លងដែនលេខ GF៣២៨៦៥១ ។
លោកបានបញ្ជាក់ថា ជនសង្ស័យប្រុសស្រី ទាំង១០នាក់ នេះត្រូវបានឃាត់ខ្លួន តាមបញ្ជារបស់លោក កើត វណ្ណា រ៉េត ព្រះរាជអាជ្ញាអមសាលដំបូងខេត្តសៀមរាប ។ ជុំវិញករណីខាងលើនេះលោក កើត វណ្ណា រ៉េត ព្រះរាជអាជ្ញាអមសាលដំបូងខេត្ត បានឲ្យដឹងតាមទូរស័ព្ទនៅវេលាម៉ោង៣និង៤៤នាទី រសៀលថ្ងៃទី២៧ ខែមករា ឆ្នាំ២០១៨នេះយ៉ាងខ្លីថា កុំអាលសិន លោកកំពុងចាត់រួចក៏បាត់ទៅ ។
បច្ចុប្បន្នជនសង្ស័យប្រុស-ស្រីទាំង១០នាក់ ត្រូវបានកម្លាំងជំនាញរៀបចំកសាងសុំណុំរឿងបញ្ជូនទៅតុលាការខេត្តនៅរសៀលថ្ងៃទី២៧ ខែមករា ឆ្នាំ២០១៧នេះ ដើម្បីចាត់ការតាមនិតិវិធីច្បាប់ ៕
ចែករំលែកព័តមាននេះ