រាជធានីភ្នំពេញ ៖ ក្រុមបង្ក្រាបបទល្មើសចលនាសត្វ ស្ទាក់ចាប់បានរថយន្ត០១គ្រឿង ដឹកស៊ុតមាន់ ចំនួន៣ម៉ឺនគ្រាប់ ដឹកចេញពីប្រទេសវៀតណាម គ្មានលិខិតអនុញ្ញាតអ្វីឡើយ ចូលមកលក់ចែកចាយនៅរាជធានីភ្នំពេញ ។…
រាជធានីភ្នំពេញ ៖ ក្រុមបង្ក្រាបបទល្មើសចលនាសត្វ ស្ទាក់ចាប់បានរថយន្ត០១គ្រឿង ដឹកស៊ុតមាន់ ចំនួន៣ម៉ឺនគ្រាប់ ដឹកចេញពីប្រទេសវៀតណាម គ្មានលិខិតអនុញ្ញាតអ្វីឡើយ ចូលមកលក់ចែកចាយនៅរាជធានីភ្នំពេញ ។
ប្រតិបត្តិការណ៍ខាងលើនេះ បានធ្វើឡើងកាលពីវេលាម៉ោង១២និង៥០នាទីថ្ងៃទី១២ ខែមិថុនា ឆ្នាំ ២០២៥ តាមបណ្តោយផ្លូវ ៦០ម៉ែត្រ ក្បែរផ្សារទំនើបអ៊ីអន៣ នៅសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។
បើតាមប្រភពពីក្រុមអន្តរាគមន៍បង្ក្រាបបទល្មើសចលនាសត្វ បានអោយដឹងថា មានរថយន្ត ០១គ្រឿង ម៉ាក SSANGYONG ISTANA បានដឹកស៊ុតសត្វមាន់ ចេញពីប្រទេសវៀតណាម តាមច្រកស្វាយអាង៉ោង ស្រុកកំពង់ត្របែក ខេត្តព្រៃវែង គោលដៅឆ្ពោះមកលក់ចែកចាយ នៅក្នុងរាជធានីភ្នំពេញ ដោយមានស៊ុតមាន់ចំនួន ១០០ដុំ ស្មើនឹង ៣ម៉ឺនគ្រាប់ គឺមិនមានលិខិតអនុញ្ញាត និងគ្មានលិខិតសម្គាល់អ្វីនោះឡើយ ។
ក្រោយត្រួតពិនិត្យរួចរាល់ ជំនាញបាននាំយកវត្ថុតាង រក្សារទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធីច្បាប់ ៕
ចែករំលែកព័តមាននេះ