សន្និបាតបូកសរុបការងារអប់រំនិងទិសដៅការងារអប់រំឆ្នាំ២០១៨
- ព្រះសីហនុ
ខេត្តព្រះសីហនុ ៖ លោក កែវ ឡាយ ប្រធានមន្ទីរអប់រំយុវជន និងកីឡាខេត្តព្រះសីហនុនៅរសៀលថ្ងៃទី២៥ ខែមករា ឆ្នាំ ២០១៨…
ខេត្តព្រះសីហនុ ៖ លោក កែវ ឡាយ ប្រធានមន្ទីរអប់រំយុវជន និងកីឡាខេត្តព្រះសីហនុនៅរសៀលថ្ងៃទី២៥ ខែមករា ឆ្នាំ ២០១៨ បានរៀបចំបិទអង្គសន្និបាតបូកសរុបការងារអប់រំឆ្នាំសិក្សា២០១៦-២០១៧និងលើកទិសដៅការងារអប់រំឆ្នាំសិក្សា២០១៧-២០១៨បានប្រកបដោយភាពជោគជ័យជាផ្លែផ្ការគួរជាទីមោទនៈ ។
ពិធីខាងលើបានរៀបចំឡើងនៅសាលប្រជុំមន្ទីរអប់រំយុវជននិងកីឡាខេត្តព្រះសីហនុក្រោមអធិបតីភាពលោក យន្ត មីន អភិបាលនៃគណៈអភិបាលខេត្តព្រះសីហនុ។អញ្ជើញចូលរួមជាកិត្តិយសមាន លោក សូរ ម៉ៃហាស្តារ អនុប្រធាននាយកដ្ឋានរដ្ឋបាលតំណាងឲ្យក្រសួងអប់រំយុវជននិងកីឡា លោក កែវឡាយ ប្រធានមន្ទីរអប់រំយុវជននិងកីឡាខេត្តព្រះសីហនុ លោក លោកស្រីជាអភិបាល អភិបាលរងក្រុង ស្រុក លោក លោកស្រីជាតំណាងឲ្យប្រធានមន្ទីរជុំវិញខេត្ត សមាជិក សមាជិការនៃអង្គសន្និបាតជានាយក នាយិការ មកពីមតេយ្យសិក្សា សាលាបឋមសិក្សាសាលាអនុវិទ្យាល័យ វិទ្យាល័យ និងគ្រឹះស្ថានសិក្សាឯកជននៅក្នុងខេត្តបានមកចូលរួមយ៉ាងកុះករ ។ ដែលអង្គសន្និបាតបានប្រព្រឹត្តទៅតាមការគ្រោងទុកមានរយ:ពេលពីរថ្ងៃពេញថ្ងៃទី២៤-២៥ ខែមករា ឆ្នាំ២០១៨ រហូតដល់ថ្ងៃបញ្ចប់បិទអង្គសន្និបាតដោយទទួលបានលទ្ធផលជាផ្លែផ្ការគួរជាទីមោទនៈ ។
ជាកិច្ចស្វាគមន៍ ចំពោះគណៈអធិបតី និងសមាជិក សមាជិការ នៃអង្គសន្និបាតដែលបានអញ្ជើញមកចូលរួមក្នុងពិធីបិទអង្គសន្និបាតខាងលើលោក កែវ ឡាយ ប្រធានមន្ទីរអប់រំយុវជននិងកីឡាខេត្តព្រះសីហនុបានធ្វើការវាយតម្លៃសង្ខេបជូនគណ:អធិបតីអំពីលទ្ធផលក្នុងដំណើរការអង្គសន្និបាតតាមពេលវេលាខាងលើបើទោះជាមានរយ:ពេលខ្លីក៍ពិតមែនប៉ុន្តែធ្វើការពិភាក្សា ផ្លាស់ប្តូរយោបល់ពីគ្នាទៅវិញទៅមក ទាក់ទងទៅនិងការរៀន និងការបង្រៀនសិស្សនៅតាមគ្រឹះស្ថានសិក្សា បានប្រកបដោយអត្ថន័យនិងខ្លឹមសារនិងបានចាត់ទុកថាអង្គសន្និបាតខាងលើគឺជាព្រឹត្តការណ៍ដ៍សំខាន់ចាំបាច់មួយសម្រាប់វិស័យអប់រំ ។
ហើយក៏ជាការរួមចំណែកក្នុងការអភិវឌ្ឍន៍វិស័យអប់រំយុវជននិងកីឡាខេត្តព្រះសីហនុយើង ឲ្យឈានឡើងទាំងផ្មែកបរិមាណនិងគុណភាពស្របតាមទិសដៅចង់បានរបស់ក្រសួងអប់រំយុវជននិងកីឡាក៍ដូចជារាជរដ្ឋាភិបាលក្នុងកិច្ចប្រឹងប្រែងឲ្យសម្រេចបានគោលការណ៍អប់រំប្រកបដោយសមធ៏មនិងការអប់រំសម្រាប់ទាំងអស់គ្នាប្រកបដោយភាពជោគជ័យ ដែលជាតម្រូវការចាំបាច់របស់ប្រទេសជាតិយើងជាពិសេសរួមចំណែកធ្វើឲ្យសម្រេចបានគោលដៅអភិវឌ្ឍន៍សហស្សវត្សរ៍ ដែលរាជរដ្ឋាភិបាលកម្ពុជាក៏ដូចជាពិភពលោកទាំងមូលកំពុងយកចិត្តទុកដាក់ និងប្តេជ្ញាចិត្តអនុវត្តឲ្យបានល្អរប្រសើរ ៕
ចែករំលែកព័តមាននេះ