​នំក្រឡាន​អ្នក​ស្ទឹងត្រង់​​យ៉ាង​ម៉េច​ដែរ​​ហ្ន៎?


ខេត្តកំពង់ចាម ៖ អ្នក​ភូមិ​ព្រែក​កក់ ឃុំ​ព្រែក​បាក់ ស្រុក​ស្ទឹង​ត្រង់​ជា​ច្រើន​គ្រួសារ​ប្រកប​របរ​ធ្វើ​ក្រឡាន​លក់​ដើម្បី​ដោះស្រាយ​ជីវភាព​គ្រួសារ ។ ក្រឡាន​អ្នក​ព្រែក​កក់ មាន​រសជាតិ​ឆ្ងាញ់​ដោយ​មិន​ចាញ់​នៅ​កន្លែង ផ្សេង​ៗ​ទៀត​ទេ ។អ្នកស្រី​ឡុ​ច សុភាព អាយុ​៣៦​ឆ្នាំ ឲ្យ​ដឹង​កាលពី​ពេល ថ្មី​ៗ​កន្លង​មក​ថា គាត់​បាន​ប្រកប​របរ​លក់​ក្រឡាន​ជាង​៤​ឆ្នាំ​មក​ហើយ ។ សម្រាប់​ឫស្សី​ធ្វើ​ក្រឡាន​ទិញ​ពី​អ្នក​កោះត្រែង ឬ​កោះជ្រូក ដោយ​ទិញ​ម្តង​ប្រមាណ​១០០​ដើម ក្នុង​១​ដើម​តម្លៃ​៥.០០០​រៀល ។ ក្នុង​១​ដើម​ អាច​កាត់​ជាកង់​ៗ​ធ្វើ​បាន​១០ ​ទៅ​១២​ក្រឡាន ។

អ្នកស្រី​ឡុ​ច សុភាព រៀបរាប់​ថា ការ​ធ្វើ​ក្រឡាន​ដំបូង​យក​កំណាត់​ឫស្សី​១​កង់​ច្រក​គ្រឿងផ្សំ​មាន​ដូច​ជា​អង្ករដំណើប ដូង ទឹកដោះគោ ស្ករស អំបិល និង​សណ្តែកក្រហម ។ប្តី​របស់​គាត់​បាន​ងើប​ដុត​នៅ​វេលា​ម៉ោង​៤​ទៀប​ភ្លឺ ។ លុះដល់​វេលា​ម៉ោងជាង​៦​ព្រឹក​ប្តី​គាត់​ទៅ​ធ្វើការ​សំណង់ ដូច្នេះ​ហើយ​គាត់ និង​កូន​ត្រូវ​នាំ​គ្នា​ដុត​ក្រឡាន​បន្ត ។ចំពោះ​តម្លៃ​ក្រឡាន​ទៅ​តាម​ប្រភេទ បើ​តូច​១០​តម្លៃ​៨.០០០​រៀល និង​ធំ​១០​ថ្លៃ​២៥.០០០​រៀល ។ គាត់​លក់​ក្រឡាន​ពេញ​១​ឆ្នាំ​តែ​ម្តង ។​ជា​មធ្យម​ក្នុង​១​ថ្ងៃ​អ្នកស្រី​ឡុ​ច សុភាព ធ្វើ​បាន​៧​គីឡូក្រាម​អង្ករ​ដែល​អាច​ទទួល​បាន​ប្រាក់​ចំណេញ​ពី​៣​ម៉ឺន​ទៅ​៤​ម៉ឺន​រៀល ។ ចំពោះ​អ្នក​ដែល​មក​ទិញ​គឺ​ច្រើន​តែ​អ្នក​ធ្វើ​ដំណើរ​តាម​ម៉ូតូ និង​រថយន្ត​តូច​ធំ​ពី​ទី​ជិត​ទី​ឆ្ងាយ ។

អ្នកស្រី​ឡុ​ច សុភាព និយាយ​ថា «​ប្រសិនណាបើ​ប្តី​មិន​ជួយ​រក​បន្ថែម​ទេ ខ្ញុំ​ពិបាក​ក្នុង​ការ​ចំណាយ​ទៅ​លើ​កូន​រៀនសូត្រ​នៅ​សាលារៀន​មិន​គ្រាន់​ទេ ។ ទោះបីជា​ការ​ប្រកប​របរ​នេះ​មានការ​លំបាក​យ៉ាងណា​ក្តី ក៏​ខ្ញុំ​នៅ​តែ​តស៊ូ​ដើម្បី​ជីវភាព​គ្រួសារ ធ្វើ​យ៉ាងណា​ឲ្យ កូន​ៗ​បាន​រៀន​ខ្ពស់​ក្រែង​នៅ​ថ្ងៃ​អនាគត​នឹង​បាន​ប្រសើរ​ជាង​នេះ​។ ម្យា​៉​ង​វិញទៀត​ក្រឡាន​របស់ខ្ញុំ បើ​គិត​ជា​រសជាតិ​មិន​ចាញ់​នៅ​ខេត្ត ផ្សេង​ៗ​ទៀត​នោះ​ទេ »​។ ចំណែក​អ្នកស្រី​ឡុ​ច យន់ អាយុ​៤២​ឆ្នាំ ក្នុង​១​ថ្ងៃ​ធ្វើ​ក្រឡាន​ប្រើ​អង្ករ​៥​គីឡូក្រាម ហើយ​ដែល​អាច​ទទួល​បាន​ប្រាក់​ចំណេញ​លើស​ពី​២​ម៉ឺន​រៀល ។ ប្តី​គាត់​ត្រូវ​ក្រោក​ដុត​ក្រឡាន​ពី​យប់​ងងឹត ដោយ​ប្រើ​ពេល​ជាង​១​ម៉ោង​ក្រឡាន​នឹង​ឆ្អិន​ល្អ ។

ថ្ងៃ​លក់ដាច់​ច្រើន គឺ​នៅ​ចុង​ស​ប្តា​ហ៍ ដោយ​ខាង​បុគ្គលិក​របស់​ធនាគារឯកជន​នាំ​គ្នា​ធ្វើ​ដំណើរ​ចេញពី​ស្រុក​ស្ទឹង​ត្រង់ ទៅ​កាន់​ក្រុង​កំពង់ចាម​វិញ ព្រមទាំង​អ្នក​ធ្វើ​ដំណើរ ផ្សេង​ៗ​ទៀត​ជួយ​ទិញ ។ ជួន​មាន​ពេល​ខ្លះ​លក់​មិន​អស់ ត្រូវ​ខាត​ចូល​ដើម ។ ការ​កត់សម្គាល់​របស់​អ្នកស្រី​ឡុ​ច សុភាព គឺ​ពី​ដំបូង​ក្នុងភូមិ​មាន​តែ​ចំនួន​២​គ្រួសារ​ទេ ដែល​ធ្វើ​ក្រឡាន​លក់ ស្រប​កាលនោះ​ផ្លូវថ្នល់​មិន​ទាន់​ស្អាត ហើយ​ការ​ធ្វើ​ដំណើរ​តាម​កាណូត​តាម​ទន្លេមេគង្គ ។ លុះ​ពេល​ដែល​ផ្លូវថ្នល់​ធ្វើ​ស្អាត​អ្នកលក់​បាន​កើន​ដល់​ជាង​១០​គ្រួសារ ។

លោក​ទុន ណេ​ត អភិបាលស្រុក​ស្ទឹង​ត្រង់​ឲ្យ​ដឹង​ថា ក្នុង​ចំណោម​អ្នក​ធ្វើ​ក្រឡាន​ទាំងនោះ​មាន​មួយ​ចំនួន​ខ្ចីប្រាក់​ពី​អង្គការក្រៅរដ្ឋាភិបាល​មួយ សម្រាប់​យក​ធ្វើ​ដើមទុន ដោយ​ត្រូវ​បង្វិល​សង​ទៅ​អង្គការ​វិញ​តាម​ដំណាក់កាល ។ ការ​ខ្ចី​នោះ​ក្នុង​អត្រា​ការ​ប្រាក់​ទាប​ដើម្បី​យក​ធ្វើ​ទុន​បង្កើន​មុខរបរ លើក​ស្ទួយ​ជីវភាព ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ទេសចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ