ការដែលមានចំណង់ផ្លូវភេទប្រកបដោយសុខភាពល្អ ច្រើនតែទាក់ទងនឹងផ្លូវកាយ និងផ្លូវអារម្មណ៍ មានសុខភាពល្អដែរ ។ ដូច្នេះវាគ្មានអ្វីដែលត្រូវភ្ញាក់ផ្អើលថា អាហារអាចដើរតួនាទីសម្រាប់ជួយបង្កើនចំណង់ផ្លូវភេទនោះទេ ។ អាហារមួយចំនួនដែលផ្ទុកទៅដោយជីវជាតិជាច្រើន សម្រាប់ជួយបង្កើនចំណង់ផ្លូវភេទ…
ការដែលមានចំណង់ផ្លូវភេទប្រកបដោយសុខភាពល្អ ច្រើនតែទាក់ទងនឹងផ្លូវកាយ និងផ្លូវអារម្មណ៍ មានសុខភាពល្អដែរ ។ ដូច្នេះវាគ្មានអ្វីដែលត្រូវភ្ញាក់ផ្អើលថា អាហារអាចដើរតួនាទីសម្រាប់ជួយបង្កើនចំណង់ផ្លូវភេទនោះទេ ។
អាហារមួយចំនួនដែលផ្ទុកទៅដោយជីវជាតិជាច្រើន សម្រាប់ជួយបង្កើនចំណង់ផ្លូវភេទ និងសុខភាពទូទៅកាន់តែល្អអស្ចារ្យ ៖
សាច់
របបអាហារដែលមានជាតិសាច់គ្រប់ប្រភេទសុទ្ធតែអាចជួយពង្រឹងដល់ជីវិតផ្លូវភេទបានទាំងអស់ ។ សាច់គោ សាច់មាន់ និងជ្រូក មានសារធាតុ Carnitine, L-arginine និងស័ង្កសី ។ Carnitine និង L-arginine ជាអាស៊ីតអាមីណេ ដែលអាចពង្រឹងដល់លំហូរឈាមកាន់តែល្អ។ លំហូរឈាមដែលគ្មានការរាំងស្ទះ គឺជារឿងសំខាន់មួយសម្រាប់ការឆ្លើយតបខាងផ្លូវភេទទាំងបុរស និងស្ត្រី ។ បើយោងទៅតាម NYU Lanone Medical Center ឲ្យដឹងថា ជីវជាតិទាំងពីរនេះប្រហែលជាអាចព្យាបាលបញ្ហាលិង្គមិនឡើងរឹងរបស់បុរសមួយចំនួនបានយ៉ាងមានប្រសិទ្ធភាព ។
អយស្ទ័រ
អ្នកប្រហែលជាធ្លាប់លឺភាពល្បីល្បាញរបស់អយស្ទ័រចំពោះការបង្កើនចំណង់ផ្លូវភេទហើយ ។ អយស្ទ័រមាននាទីជួយបង្កើនកម្រិតអ៊័រម៉ូនតេស្តូស្តេរ៉ូន និងអេស្ត្រូជែនក្នុងខ្លួន ដែលវាសុទ្ធសឹងតែជាអ៊័រម៉ូនភេទ ។
ការបង្កើនការផលិតអ៊័រម៉ូននេះ មានន័យថា ចំណង់ផ្លូវភេទអ្នកនឹងឡើងខ្ពស់ ។ អយស្ទ័រក៏ជាប្រភេទដ៏អស្ចារ្យមួយនៃជាតិស័ង្កសី ដែលជួយដល់លំហូរឈាមទៅកាន់សរីរាង្គភេទផងដែរ ។
ផ្លែប៉ោម
ផ្លែប៉ោមមួយផ្លែក្នុងមួយថ្ងៃ អាចជួយឲ្យមិនបាច់ជួបគ្រូពេទ្យព្យាបាល ហើយវាក៏អាចពង្រឹងដល់ជីវិតស្នេហាបានដែរ ។ ផ្លែប៉ោមសម្បូរសារធាតុ Quercetin ដែលជាអង់ទីអុកស៊ីដង់មួយប្រភេទ ជួយដល់ការគ្រប់គ្រងរោគសញ្ញាការរលាកក្រពេញប្រូស្តាត និងការរលាកប្លោកនោម ព្រមទាំងពង្រឹងដល់របត់ឈាមរត់ថែមទៀត ។ ការដែលរលាកក្រពេញប្រូស្តាត ពេលខ្លះអាចបណ្តាលឲ្យមិនស្រួលដល់ពងស្វា.ស និងបង្កជាការឈឺចាប់ក្នុងពេលបាញ់ទឹកកាមដែរ ។ ការដែលរលាកប្លោកនោមអាចនឹងធ្វើឲ្យបុរស និងស្ត្រីមានការពិបាកក្នុងការរួមភេទ ។
ស្រាក្រហម
ត្រឹមស្រាក្រហមមួយកែវ ប្រហែលជាអាចជួយឲ្យខាងស្រីមានអារម្មណ៍បាន ។ ការស្រាវជ្រាវដែលចុះផ្សាយក្នុងសារព័ត៌មាន Sexual Medicine បានបង្ហាញថា ការញ៉ាំស្រាក្រហមមួយកែវ ឬពីរកែវក្នុងមួយថ្ងៃ ជួយបង្កើនចំណង់ផ្លូវភេទ និងទឹករំអិលក្នុងទ្វារមាសរបស់ស្ត្រី ។ ស្រាក្រហមមានសារធាតុ Quercetin ដែលអាចផ្តល់ជាការឆ្លើយតបបែបវិជ្ជមានបាន ៕
ចែករំលែកព័តមាននេះ