គ្រោះថ្នាក់ដោយការបាក់ឆ្អឹង ទាមទារឲ្យមានការយកចិត្តទុកដាក់ខាងផ្នែកវេជ្ជសាស្ត្រភ្លាមៗ ។ ក្រៅពីការបាក់ឆ្អឹងដែលឃើញនឹងភ្នែកនោះ រោគសញ្ញា ផ្សេងៗទៀត ប្រហែលជាកើតមានជាមួយគ្នាដែរ អាស្រ័យទៅតាមភាពធ្ងន់ និងយន្តការដែលឲ្យមានគ្រោះថ្នាក់ ។…
គ្រោះថ្នាក់ដោយការបាក់ឆ្អឹង ទាមទារឲ្យមានការយកចិត្តទុកដាក់ខាងផ្នែកវេជ្ជសាស្ត្រភ្លាមៗ ។ ក្រៅពីការបាក់ឆ្អឹងដែលឃើញនឹងភ្នែកនោះ រោគសញ្ញា ផ្សេងៗទៀត ប្រហែលជាកើតមានជាមួយគ្នាដែរ អាស្រ័យទៅតាមភាពធ្ងន់ និងយន្តការដែលឲ្យមានគ្រោះថ្នាក់ ។ ខាងក្រោមនេះគឺជាអ្វីដែលអ្នកអាចធ្វើបាន ដើម្បីជួយជនរងគ្រោះឲ្យមានផាសុកភាព និងបង្ការកុំឲ្យមានរបួសបន្ថែមមុនពេលរថយន្តសង្គ្រោះមកដល់ ។
ទូរស័ព្ទហៅរថយន្តសង្គ្រោះបន្ទាន់ ក្នុងករណីរបួសធ្ងន់
ករណីបាក់ឆ្អឹងធ្ងន់មួយចំនួនពិតជាទាមទារឲ្យមានការជួយពីអ្នកជំនាញ និង ភ្លាមៗខ្លាំងណាស់។ ដើម្បីដឹងថាមានរបួសគ្រោះថ្នាក់ធ្ងន់ គួរតែមានរឿងមួយ ឬច្រើនដូចខាងក្រោមនេះ ៖
•ជនរងគ្រោះមិនដឹងខ្លួន មិនដកដង្ហើម ឬបេះដូងលែងលោត ហើយអ្នកប្រហែលជាត្រូវសង្កត់ដើមទ្រូង
•ជនរងគ្រោះស្លេកស្លាំង បែកញើស (បែកញើសត្រជាក់) ដកដង្ហើមដង្ហក់ ដែលទាំងនេះ ជារោគសញ្ញានៃភាពហ្សុក
•ជនរងគ្រោះហូរឈាមខ្លាំង
•មានរបួសនៅក្បាល ក ខ្នង សន្លាក់ត្រគាក អាងត្រគាក ឬជើងផ្នែកខាងលើ
•របួសនៅអវយវៈ ឬសន្លាក់ ដែលមើលទៅខុសទ្រង់ទ្រាយធម្មតា
•ធ្វើចលនាបានតិចតួច ឬឈឺពេលប៉ះតែបន្តិច
•ឆ្អឹងឃើញលៀនចេញមកខាងក្រៅ
•ដៃ ឬជើងដែលបាក់នោះ ទៅជាស្ពឹក ឬចេញជាពណ៌ស្វាយនៅចុង ។
បញ្ឈប់ការហូរឈាម
ចូរប្រើក្រណាត់ ឬរបស់អ្វីមួយដែលស្អាត និងអាចស្រូបជាតិទឹកបានល្អ ទៅខ្ទប់កន្លែងមានរបួស និងសង្កត់ថ្នម ។ បើសិនជាមានរបស់អ្វីមួយចាក់ចូលក្នុងស្បែក មិនត្រូវដកវាចេញឡើយ ព្រោះវានឹងធ្វើឲ្យហូរឈាមខ្លាំង បើសិនជាដកចេញ ។
កន្លែងមានរបួស មិនត្រូវឲ្យធ្វើចលនាឡើយ
មិនត្រូវឲ្យជនរងគ្រោះធ្វើចលនាអវយៈណាដែលបាក់ឡើយ ។ ចូរជួយធ្វើឲ្យគេមានផាសុកភាពនៅកន្លែងដែលគេរងរបួសនោះវិញ។ មិនត្រូវព្យាយាមធ្វើចលនាឆ្អឹងឲ្យចូលកន្លែងដើមវាវិញឡើយ ។ មិនត្រូវលើក ឬធ្វើចលនាជនរងគ្រោះដែលបាក់ឆ្អឹងអាងត្រគាក ឬសន្លាក់ត្រគាកឡើយ ។ ទោះបីជាយ៉ាងណាក៏ដោយ បើពួកគេត្រូវធ្វើចលនានោះ ចូររុំជើងគេចូលគ្នា ដោយដាក់កន្សែង ឬក្រណាត់នៅចន្លោះជើងទាំងពីរ ហើយលើកដាក់ ថ្នមៗ ។
ប្រើទឹកកកស្អំកន្លែងដែលឈឺ និងបន្ថយការហើម
ចូរស្វែងរកដុំទឹកកកមួយចំនួនដាក់ក្នុងកន្សែងដើម្បីស្អំ ថ្នមៗនៅលើកន្លែង ដែលមានឆ្អឹងបាក់ទៅ ។ ការធ្វើបែបនេះនឹងជំនួយដល់ការហូរឈាម បន្ថយការហើម និងឈឺចាប់។
មើលសញ្ញា និងព្យាបាលភាពហ្សុក
ហ្សុក ក៏គឺជារឿងមួយគ្រោះថ្នាក់ណាស់ ព្រោះវានាំឲ្យបាត់បង់ឈាម និងអុកស៊ីសែន ដែលត្រូវទៅចិញ្ចឹមសរីរាង្គ សំខាន់ៗ ក្នុងរាងកាយបាន ។ បើសិនជាមិនបានព្យាបាលអាការនេះទេ សរីរាង្គ សំខាន់ៗនឹងខូច ។ រោគសញ្ញានៃភាពហ្សុក មានដូចជា ៖
•ត្រជាក់ស្បែក
•ចង្វាក់ជីពចរខ្សោយ តែញាប់
•ចង្អោរ
•ភ្នែកមិនអាចមើលអ្វីបាន
•សន្លប់ ឬម្តងសន្លប់ ម្តងដឹងខ្លួន ។
ការព្យាបាល
•ឲ្យជនរងគ្រោះដេក ហើយលើកជើងខ្ពស់ជាងក្បាល
•រុំកន្សែង ឬភួយនៅជុំវិញខ្លួន ដើម្បីឲ្យជនរងគ្រោះកក់ក្តៅ
•ជនរងគ្រោះដេកផ្អៀង បើសិនជាគេចាប់ផ្តើមក្អួត ឬចង្អោរ ។
អបឆ្អឹង
ការអបឆ្អឹង នឹងជួយការពារឆ្អឹង ដែលបាក់មានចលនាបាន ។ ការអបឆ្អឹង ប្រហែលជាមិនសំខាន់ទេ បើសិនជាមានការសង្គ្រោះបន្ទាន់ភ្លាមៗហើយនោះ ព្រោះមានករណីខ្លះការអបឆ្អឹងអាចនឹងបង្កគ្រោះថ្នាក់ច្រើនជាងការជួយ ៕
ចែករំលែកព័តមាននេះ