សារព័ត៌មានបរទេសកាលពីពេលថ្មីៗកន្លងមកផ្សាយថា នាង Olivia Nova តារាភាពយន្តអាសអាភាសជនជាតិអាមេរិក អាយុ២០ឆ្នាំ ប្រទះឃើញសពនៅក្នុងផ្ទះតែប៉ុន្មានថ្ងៃក្រោយ បន្ទាប់ពីនាងបង្ហោះអត្ថបទតាមហ្វេសប៊ុកនៅថ្ងៃបុណ្យគ្រីស្មាស់ថា«នៅម្នាក់ឯងក្នុងថ្ងៃឈប់សម្រាក និងចង់ទូរស័ព្ទរកគូស្នេហ៍ព្រោះគេអាចជួយអារម្មណ៍របស់ខ្ញុំបានល្អ» ។…
សារព័ត៌មានបរទេសកាលពីពេលថ្មីៗកន្លងមកផ្សាយថា នាង Olivia Nova តារាភាពយន្តអាសអាភាសជនជាតិអាមេរិក អាយុ២០ឆ្នាំ ប្រទះឃើញសពនៅក្នុងផ្ទះតែប៉ុន្មានថ្ងៃក្រោយ បន្ទាប់ពីនាងបង្ហោះអត្ថបទតាមហ្វេសប៊ុកនៅថ្ងៃបុណ្យគ្រីស្មាស់ថា«នៅម្នាក់ឯងក្នុងថ្ងៃឈប់សម្រាក និងចង់ទូរស័ព្ទរកគូស្នេហ៍ព្រោះគេអាចជួយអារម្មណ៍របស់ខ្ញុំបានល្អ» ។
ក្រុមហ៊ុន«LA Direct Models»អតីតតំណាងរបស់នាងNovaបានបញ្ជាក់ពីការស្លាប់ថា«ទោះបីជានាងស្ថិតក្នុងក្រុមរបស់Direct Modelsរយៈពេលខ្លីក៏ដោយ ប៉ុន្តែយើងបានស្គាល់នាងក្នុងនាមជានារីដ៏ស្រស់ស្អាតមានចរិតស្លូតបូត» ។
ក្រុមហ៊ុនបញ្ជាក់ទៀតថា នាងNovaជាតារាសម្តែងក្នុងមជ្ឈដ្ឋានភាពយន្តអាសអាភាសម្នាក់ដែលស្លាប់ទាំងនៅវ័យក្មេង ។
Olivia Novaជាតារាភាពយន្តអាសអាភាសទី៥ នៅសហរដ្ឋអាមេរិកដែលស្លាប់ បន្ទាប់កាលពីខែធ្នូ ២០១៧ នាងអូហ្គាស អាម៉េស អាយុ២៣ឆ្នាំ បានធ្វើអត្តឃាត ក្រោយពីរងការចំអកតាមប្រព័ន្ធអនឡាញ ព្រោះបដិសេធមិនថតឈុតឆាករួមរ័កជាមួយតារាសម្តែងបុរសដែលសម្តែងក្នុងភាពយន្តអាសអាភាសប្រុសស្រឡាញ់ប្រុស ។ នៅសប្តាហ៍បន្ទាប់មកទៀតមាននាងYuri Luvអាយុ៣១ឆ្នាំបានស្លាប់ដោយសារការប្រើថ្នាំហួសកម្រិត ។
នាងNovaចាប់ផ្តើមបំពេញការងារដំបូងជាតារាបង្ហាញម៉ូដក្រោយមកដោយសារមានភាពស្រស់ស្អាត និងសិចស៊ីក៏ឈានចូលក្នុងមជ្ឈដ្ឋានសម្តែងភាពយន្តអាសអាភាសនៅខែមីនា ២០១៧ ៕
ចែករំលែកព័តមាននេះ