ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១០០០ហិកតា ជុំវិញរាជធានីភ្នំពេញ
រាជធានីភ្នំពេញ ៖ កាលពីថ្ងៃទី ១0 ខែមេសា ឆ្នាំ ២០២៦ កន្លងមកនេះ ក្រុមហ៊ុន ប៉េង…
រាជធានីភ្នំពេញ ៖ កាលពីថ្ងៃទី ១0 ខែមេសា ឆ្នាំ ២០២៦ កន្លងមកនេះ ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍ ។ ក្រោមពាក្យស្លោក «២០ឆ្នាំនៅជាមួយគ្នា សុភមង្គលជានិរន្តរ៍» ព្រឹត្តិការណ៍នេះ គឺជាការរំឭកនូវភាពជោគជ័យរួមគ្នារវាងថ្នាក់ដឹកនាំ និងបុគ្គលិកគ្រប់កម្រិតនៃក្រុមហ៊ុនបុត្រសម្ព័ន្ធទាំងអស់ រួមមាន៖ ក្រុមហ៊ុន ប៉េង ហួត គ្រុប, ក្រុមហ៊ុន បុរី ប៉េង ហួត (Borey Peng Huoth), ក្រុមហ៊ុន ភីអេច ខន់ស្ត្រាក់សិន (PH Construction) និងក្រុមហ៊ុន ភីអេច អ៊ីនវេសមិន (PH Investment) ។
ចាប់តាំងពីឆ្នាំ ២០០៥ មកទល់បច្ចុប្បន្ន ប៉េង ហួត គ្រុប បានពង្រីកខ្លួនយ៉ាងគួរឱ្យកត់សម្គាល់ និងស្ញប់ស្ញែង ដោយមានផ្ទៃដីអភិវឌ្ឍន៍សរុបជិត ១,០០០ ហិកតា នៅជុំវិញរាជធានីភ្នំពេញ ។ ភាពរីកចម្រើននេះកើតចេញពីការរួមចំណែកយ៉ាងសកម្មពីសំណាក់បុគ្គលិកគ្រប់ផ្នែក ដែលក្នុងនោះក្រុមហ៊ុនបានផ្តល់ពានរង្វាន់ពិសេសជូនដល់បុគ្គលិកដែលមានភក្តីភាពការងារចាប់ពី ១០ឆ្នាំ រហូតដល់ ២០ឆ្នាំ ចំនួនជិត ៣០០នាក់ ដើម្បីជាការដឹងគុណចំពោះការខិតខំប្រឹងប្រែង និងភាពស្មោះត្រង់របស់ពួកគេក្នុងនាមជាគ្រួសារតែមួយ ។
ក្នុងឱកាសដ៏រំភើបរីករាយនោះ អ្នកឧកញ៉ា ថៃ ជាហួត ប្រធានក្រុមប្រឹក្សាភិបាល បានមានប្រសាសន៍ថា ៖ «ពេលចាប់ផ្តើមដំបូងក្នុងឆ្នាំ ២០០៥ ក្រុមហ៊ុនយើងចាប់ផ្តើមពីគម្រោងតូចមួយ ជាមួយនឹងក្រុមការងារមួយក្រុមតូចប៉ុណ្ណោះ ប៉ុន្តែយើងមានក្តីសុបិន្តធំមួយ ដោយជឿជាក់ថា យើងអាចរួមគ្នាបង្កើតនូវគម្រោងលំនៅឋានល្អប្រណីត គុណភាពល្អ និងបរិស្ថានរស់នៅបែបធម្មជាតិ ដែលអាចធ្វើអោយជីវិតយើងទាំងអស់គ្នាកាន់តែមានន័យ ។ ជាក់ស្តែងទម្រាំយើងទទួលបានការរីកចម្រើន និងភាពជោគជ័យរហូតមកដល់ថ្ងៃនេះ យើងបានឆ្លងកាត់នូវវិបត្តិធំៗជាច្រើន និងឧបសគ្គរាប់មិនអស់ ប៉ុន្តែយើងនៅតស៊ូជាមួយគ្នា ជាគ្រួសារតែមួយ ដើម្បីគោលដៅរួមរហូតទទួលបាននូវការទទួលស្គាល់ពីស្ថាប័ណជាតិ អន្តរជាតិ និងជាពិសេស គឺទំនុកចិត្តរបស់អតិថិជនគ្រប់ៗគ្នា» ។
តាមរយៈភាពជោគជ័យនៃបុត្រសម្ព័ន្ធទាំង ៣ របស់ក្រុមហ៊ុន ប៉េង ហួត គ្រុប ប្តេជ្ញាបន្តបេសកកម្មរបស់ខ្លួនក្នុងការផ្តល់នូវគុណតម្លៃជីវិតកាន់តែមានន័យ និងដ៏ឧត្តុង្គឧត្តម ព្រមទាំងការអភិវឌ្ឍប្រកបដោយចីរភាព ស្របតាមពាក្យស្លោក «២០ឆ្នាំនៅជាមួយគ្នា សុភមង្គលជានិរន្តរ៍» ដើម្បីឆ្ពោះទៅរកភាពរុងរឿងជាបន្តបន្ទាប់ទៀត ។
អំពីក្រុមហ៊ុន ប៉េង ហួត គ្រុប ៖
ប៉េង ហួត គ្រុប គឺក្រុមហ៊ុន ឈានមុខគេមួយដែលអភិវឌ្ឍលំនៅឋាន (បុរី ប៉េង ហួត) សាងសង់ប្រកបដោយគុណភាព (ភីអេច ខន់ស្ត្រាក់សិន) និងការវិនិយោគលើគម្រោងកម្សាន្ត និងសាលសន្និបាត និងអគារប្រារព្ធពិធីមង្គលការ ភីអេច ហ្គ្រេនហលលំដាប់ផ្កាយ ៥ (ភីអេច អ៊ីនវេសមិន) ។ ក្រុមហ៊ុនបានទទួលការទទួលស្គាល់ជាអន្តរជាតិជាច្រើនក្នុងនាមជាអ្នកអភិវឌ្ឍន៍អចលនទ្រព្យឆ្នើមបំផុតនៅកម្ពុជា ៕ អត្ថបទសហការ
ចែករំលែកព័តមាននេះ