ទីក្រុងហាណូយ ៖ ក្រសួងផែនការ និងវិនិយោគវៀតណាមបានស្នើដល់រដ្ឋាភិបាលពន្លឿនកិច្ចខិតខំប្រឹងប្រែង ក្នុងគោលបំណងធ្វើឲ្យប្រសើរឡើងនូវបរិយាកាសអាជីវកម្មក្នុងឆ្នាំ២០១៨នេះ ។ យោងតាមគេហទំព័រវៀតណាម ក្រសួងដដែលនេះនិយាយថា ចំណាត់ការធ្វើអាជីវកម្មរបស់វៀតណាមបានប្រសើរឡើងជាបន្តបន្ទាប់អស់រយៈពេល៤ឆ្នាំមកហើយ ចាប់តាំងពីរដ្ឋាភិបាលអនុវត្តសេចក្ដីសម្រេចលេខ១៩…
ទីក្រុងហាណូយ ៖ ក្រសួងផែនការ និងវិនិយោគវៀតណាមបានស្នើដល់រដ្ឋាភិបាលពន្លឿនកិច្ចខិតខំប្រឹងប្រែង ក្នុងគោលបំណងធ្វើឲ្យប្រសើរឡើងនូវបរិយាកាសអាជីវកម្មក្នុងឆ្នាំ២០១៨នេះ ។
យោងតាមគេហទំព័រវៀតណាម ក្រសួងដដែលនេះនិយាយថា ចំណាត់ការធ្វើអាជីវកម្មរបស់វៀតណាមបានប្រសើរឡើងជាបន្តបន្ទាប់អស់រយៈពេល៤ឆ្នាំមកហើយ ចាប់តាំងពីរដ្ឋាភិបាលអនុវត្តសេចក្ដីសម្រេចលេខ១៩ ស្ដីពីការធ្វើឲ្យប្រសើរឡើងនូវបរិយាកាសអាជីវកម្ម និងការប្រកួតប្រជែងថ្នាក់ជាតិ ។
ទោះបីយ៉ាងណា ក្រសួងថា ការអនុវត្តនេះវាខ្វះនិរន្ដរភាព ដោយសារតែសន្ទស្សន៍ គ្មានភាពរីកចម្រើនសោះ ឬជាមួយលទ្ធផលដែលនៅទាបជាងការរំពឹងទុក ដូចជា គុណភាពនៃហេដ្ឋារចនាសម្ព័ន្ធ, ភាពងាយស្រួលនៃការចាប់ផ្ដើមអាជីវកម្ម ឬនីតិវិធីក្ស័យធនជាដើម ។
ការកំណត់គោលដៅរបស់វៀតណាមទៅលើចំណាត់ថ្នាក់នៅលេខរៀងទី៥០-៦០ នៅក្នុងបរិយាកាសអាជីវកម្មក្នុងឆ្នាំ២០១៨ ។
កាលពីឆ្នាំមុន ប្រទេសនេះរំកិលបាន១៤កៅអីពីចំណាត់ថ្នាក់ទី៦៨ ក្នុងចំណោម១៩០ប្រទេស ។ នេះបើយោងតាមរបាយការណ៍អាជីវកម្មរបស់ធនាគារពិភពលោក ។
ភាគរយនៃទំនិញដែលទាមទារឲ្យមានការត្រួតពិនិត្យរបស់គយ នឹងត្រូវបានកាត់បន្ថយគោលដៅពី៣០-៣៥% មកនៅត្រឹម១៥%ក្នុងត្រីមាសទី៣ឆ្នាំ២០១៨នេះ ។ ទោះបីយ៉ាងណា ក្រសួងបានបង្ហាញនៅក្នុងរបាយការណ៍នាពេលថ្មីៗនេះថា ការចំណាយលើការពិនិត្យឯតទគ្គកម្មសម្រាប់គយនៅតែជាបន្ទុកដ៏ធំសម្រាប់អាជីវកម្ម ។
យោងតាមសភាពាណិជ្ជកម្ម និងឧស្សាហកម្មវៀតណាមបានឲ្យដឹងថា ក្រុមហ៊ុននានារំពឹងថានឹងមានកំណែទម្រង់រដ្ឋបាលបន្ថែមទៀតនៅក្នុងពន្ធគយ និងដីធ្លី ក៏ដូចជាកាត់បន្ថយការត្រួតពិនិត្យដែលមិនចាំបាច់ និងចំណាយពេលវេលាច្រើន ។
ចំណែកសហគ្រាសនានាក៏បានអំពាវនាវសម្រាប់លទ្ធភាពទទួលបាននូវធនធាន ឱកាសអាជីវកម្ម និងកាត់បន្ថយការចំណាយអាជីវកម្មផងដែរ ៕
ចែករំលែកព័តមាននេះ