អង់គ្លេស ៖ តាមប្រភពព័ត៌មាន Oddity Central បានឲ្យដឹងថា បុរសជាចោរលូកហោប៉ៅម្នាក់ បានលួចយកទូរស័ព្ទ៥៣គ្រឿងបានសម្រេចក្នុងពេលតែមួយយប់ ដោយសារតែពាក់អាវហែលទឹករបស់មនុស្សស្រី។ ដោយសារតែអាវនេះហើយ…
អង់គ្លេស ៖ តាមប្រភពព័ត៌មាន Oddity Central បានឲ្យដឹងថា បុរសជាចោរលូកហោប៉ៅម្នាក់ បានលួចយកទូរស័ព្ទ៥៣គ្រឿងបានសម្រេចក្នុងពេលតែមួយយប់ ដោយសារតែពាក់អាវហែលទឹករបស់មនុស្សស្រី។
ដោយសារតែអាវនេះហើយ អាចធ្វើឲ្យ Alin Marin អាយុ២២ឆ្នាំ លាក់ទូរស័ព្ទដែលខ្លួនលួចបានយ៉ាងស្រួល។ នៅក្នុងកម្មវិធីប្រគំតន្ត្រី Royal Blood នៅ Birmingham កាលពីខែមុន Marin បានពាក់អាវហែលទឹកពីខាងក្នុង ហើយដើរលូកហោប៉ៅគេ។
នៅពេលដែលលូកបានសម្រេច Marin បានយកទូរស័ព្ទនោះដាក់ចូលក្នុងប្រហោងអាវ (មើលរូបខាងក្រោម)។ ដោយចំណាយពេលតែមួយភ្លែត Marin អាចយកបានទូរស័ព្ទ៥៣គ្រឿង។
ជាអកុសលសម្រាប់ចោរម្នាក់នេះ ប៉ូលិសដែលបង្កប់ខ្លួននៅទីនោះបានឃើញ ហើយក៏ធ្វើការចាប់ខ្លួន។ នៅពេលនេះ តុលាការសម្រេចឲ្យ Marin ជាប់ពន្ធនាគារ៣ឆ្នាំ៕
ចែករំលែកព័តមាននេះ