អ្នកចូលចិត្តថតរូប Selfie ច្រើន អាចមានបញ្ហា
ក្រុមមួយមកពីសាកលវិទ្យាល័យ Nottingham Trent University និង Thiagarajar School of Management បានសិក្សាពីអ្នកដែលចូលចិត្តថតរូប…
ក្រុមមួយមកពីសាកលវិទ្យាល័យ Nottingham Trent University និង Thiagarajar School of Management បានសិក្សាពីអ្នកដែលចូលចិត្តថតរូប Selfie ថា តើពួកគេអាចមានបញ្ហាផ្លូវចិត្តដូចជា កង្វះភាពជឿជាក់លើខ្លួនឯងដែរឬទេ ?
ពួកគេបានចេញរបាយការណ៍មួយទាក់ទងនឹងការស្រាវជ្រាវនេះ ប៉ុន្តែនិយាយថា ពួកគេត្រូវការពេលបន្ថែមទៀតដើម្បីដឹងថា តើការចូលចិត្តថតរូបSelfieច្រើន អាចប៉ះពាល់ដល់សុខភាព ឬបង្កឲ្យមានបញ្ហាសុខភាពអ្វីទេ ។
យោងតាមការស្រាវជ្រាវបានឲ្យដឹងថា អ្នកថតរូបSelfie គឺដើម្បីបង្កើនជំនឿចិត្តលើខ្លួនឯង ឬធ្វើឲ្យខ្លួនមានអារម្មណ៍ល្អជាងមុន ព្រមទាំងលើកទឹកចិត្ត និងការប្រកួតប្រជែងក្នុងសង្គមផងដែរ ។
ការស្រាវជ្រាវបានឲ្យដឹងថា ការថតរូប Selfie អាចជាទម្លាប់ញៀនមួយ ហើយអាចបង្កឲ្យមានបញ្ហាផ្លូវចិត្តដូចជា កង្វះជំនឿចិត្តលើខ្លួនឯងជាដើម ។
អ្នកស្រាវជ្រាវបានសិក្សាលើមនុស្សចំនួន២០០នាក់មកពីឥណ្ឌា ដែលជាប្រទេសមានអ្នកបាត់បង់ជីវិតដោយសារការថតរូបនេះច្រើនជាង គេ ។ ការសិក្សាឲ្យដឹងថា ការថតរូបSelfie ច្រើនពេកមានជាប់ពាក់ព័ន្ធនឹងអាកប្បកិរិយា៦យ៉ាងទៀត ដូចជា ការចង់បានចំណាប់អារម្មណ៍ និងស្វែងរកវិធីបង្កើតអនុស្សាវរីយ៍ជាដើម ។
បុរសមានអត្រាប្រមាណ៥៧,៥%ក្នុងការមានអាកប្បកិរិយាចង់ថតរូបច្រើន ខណៈស្ត្រីស្មើតែ៤២,៥%ប៉ុណ្ណោះ ។ អ្នកចូលរួមមានអាយុពី១៦ទៅ២០ឆ្នាំ មានអាកប្បកិរិយានេះក្នុងអត្រាខ្ពស់ផងដែរ ។ ៩%នៃអ្នកចូលរួមនិយាយថា ពួកគេថតរូប Selfie ចំនួន៨ដងក្នុង១ថ្ងៃ ខណៈ២៥%ទៀតថា ពួកគេបានបង្ហោះរូបយ៉ាងតិច៣រូបភាពលើបណ្តាញសង្គមជារៀងរាល់ថ្ងៃ ៕
ចែករំលែកព័តមាននេះ